اذكرينى

اذكرينى يا حبيبة

اذكرينى يا قريبة

اغفريلى يوم ما سبتك

صدقينى

كان غصب عنى

و غصب عنك

....

اذكرينى يوم ما قابلنا بعض

و لا قلنا اى كلام لبعض

ده العيون اتكلمت

و القلوب اتبسمت

....

اذكرينى يوم ما رحت لباباكى

شوفى قاللى ايه

قاللى يابنى انا زى والدك

لكن دى بنتى

....

و قاللى كمان

الخبز قبل الحب أحياناً

معلش يا بنى

كان نفسى أحط ايدى فى ايدك

لكن سامحنى

مش بإيدى و لا بخاطرى

....

أصل زمانى كان

غير زمانك

بتحب بنتى

طب حتصرف عليها إزاى

تعال قوللى

.....

و فى يوم ما سبتك

قلتلك

صدقينى انا ما بعتك

.....

اذكرينى بالخير يا حبيبة

و لو شوفتنيى بعد السنين

انسى اللى كان بينا

انسى الشوق و الحنين

و قوللى لإبنك ده صديق العيلة

و سبينى أبوسه و يقوللى عمو

اصله ده ابن الغالية

.........

لكن انا قبل ما أمشى

عايز أقوللك

يوم ما سبتك

ده كان

يوم وفاة الرومانسية

ده انجليزى ده يا مرسى

ربنا يرحمك يا يونس شلبى و يجعل مثواك الجنة بقدر ما رسمت البسمة على وجوهنا

مطلوب اعادة عرض مسلسل هند علام

الحقيقة انا مش لاقى كلام أقوله على هذا الخبر المستفز

غير انى أقول اللى عنده تعليق يتفضل يقوله بس ياريت بأدب !

Om Nabil Always Sleeping

بالتأكيد سمعت تلك الرسالة السخيفة التى تقول الرقم الذى طلبته غير متاح حالياً من فضلك حاول الإتصال فى وقت لاحق

و الأكيد انك سمعتها مراراً و تكراراً عندما تحاول الإتصال بأحد معارفك المشتركين مع شركة موبينيل

لدرجة ان مللك من عدم تجميع الرقم جعلك تقاطع أصدقائك مضطراً

أنا شخصياً بحاول من أسبوع أتصل بأحد أصدقائى لأمر هام و فشلت فى العثور عليه

ده غير طبعاً الصوت اللى بيقطع و اللى اصبح سمة من سمات شركة موبينيل لدرجه ان أحد المذيعات كانت بتكلم مشاهد على الهواء و لما

لقيت التليفون المحمول بيقطع قالت حضرتك موبينيل و لا فودافون ! فهل حد عنده تفسير ليه شبكة موبينيل بهذا السوء فى الخدمة و هل ده

سبب ان الشركة هى الوحيدة اللى لم تتيح تقنية الجيل الثالث لعملائها ؟

جو موت

لفيت على الأماكن

و شوفت كل البيوت

لقيت الحزن ساكن

لقيت صمت و سكوت

لقيت جو موت

.....

مين اللى مات

قاللى فلان احنا

اللى متنا و

احنا عايشين

من زمـــان