الاثنين، أكتوبر 15، 2007

أحدث أغانى تامر حسنى على موقع عمرو خالد ؟!؟






أحدث أغانى تامر حسنى - حصرياً على موقع عمرو خالد ؟!؟
اعلان عادى جداً مثل اعلانات ميلودى و غيرها

لكن غير العادى فى الموضوع ان يكون الإعلان من خلال موقع الداعية عمرو خالد ، فعندما تدخل على الصفحة الرئيسية
للموقع ستجد تهنئة من عمرو خالد بمناسبة عيد الفطر و بعدها تتحرك الصورة لاعلان عن وجود حلقات برنامج الجنة فى بيوتنا على الموقع
ثم اعلان عن هديه العيد أغنية أنا مش عارف أتغير
_____________________
فقد أصابتنى الدهشة و الإستغراب حيث ان موقع عمرو خالد هو موقع للتواصل معه و هو موقع دعوى و ليس موقع للأغانى ، فالأغانى لها مواقعها
و لكى لا يفهم احد كلامى غلط انا لا اقصد اى تجريح لتامر حسنى و لكن اقصد ان لكن مقام مقال
يعنى ممكن ان توضع اغانى تامر حسنى اللى عملها فى برنامجين لعمرو خالد ، لكن يعلن عنه ليه ؟!
_______________

لكن انظر معى الى تتر الكليب الموجود فى الصورة تجد لوجو الجنة فى بيوتنا !
لا الأنكت من كده معظم التعليقات اللى جت بتدعو لتامر حسنى بالإستمرار على الطريق الصحيح و ده شىء كويس مش لا زم بقى البروباجندا
_________________
الاعلان كمان بيفكرنى بما ذًكر فى برنامج حزب الأخوان المسلمين عن دعم شركات الغناء و الموسيقى !
_____________
لكن للأسف الأستاذ عمرو خالد لا يتعلم من أخطاؤه غير المقصودة ، فمنذ سنوات انتشر الكلام عن الصداقه بينه و بين أحمد الفيشاوى
و حصل ايه ؟؟!
الفيشاوى عمل اللى عمله مع هند (اعترف فى البيت بيتك من سنتين مع محمود سعد و قال انا لو عملت كده عمرى ما أفضح عرض حد و محمود قال طبعاً الكلام واضح بين السطور )
فكويس اوى تامر حسنى يعمل أغانى لعمرو خالد لكن مش للدرجه .
_________________
صحيح عمرو خالد ساهم فى جماهيرية مطربين مثل سامى يوسف لكن سامى حالته مختلفة فهو مسلم بريطانى غير معروف فتقديم عمرو خالد له ساهم فى معرفه الناس به سريعاً .
_______________
الخلاصة ان صداقه عمرو خالد لتامر حسنى قد تجلب عليه الكثير من المشاكل مثلما فعلت صداقته للفيشاوى

هناك 4 تعليقات:

غير معرف يقول...

الداعية المسلم ليس لاشخاص معينين هو للناس كلهم مافيش فرق بين شخص واخر والله يبارك فيك ياستاذ عمرو ويزيدك نور وعلم وتامر حسني جميل بمشاعره واغانية وربنا يهدي كل الناس

غير معرف يقول...

جزاه الله خيرا,المشكلة ان تامر حسنى يظهر فى موقع عمرو خالد بتتر او اغنية اوحتى نشيد دينى ثم يظهر فى نفس الوقت على مولودى او روتانا او اغنية مع فتاةوحفلات مش ولا بد !!
فين المصداقية والقبول يا استاذ عمرو من شروط التوبةالعزم الاكيد على عدم العودة للذنب مرة اخرى

غير معرف يقول...

~.................................

غير معرف يقول...

allah w2a3lam bi niyit kil insan
. Allah bi7assib lnas 3ala nawwyahon w2ana ma3indi shak binawaya l2istaz 3amr khalid.. fa2a7sino lzan bil nas.