بالتأكيد سمعت تلك الرسالة السخيفة التى تقول الرقم الذى طلبته غير متاح حالياً من فضلك حاول الإتصال فى وقت لاحق
و الأكيد انك سمعتها مراراً و تكراراً عندما تحاول الإتصال بأحد معارفك المشتركين مع شركة موبينيل
لدرجة ان مللك من عدم تجميع الرقم جعلك تقاطع أصدقائك مضطراً
أنا شخصياً بحاول من أسبوع أتصل بأحد أصدقائى لأمر هام و فشلت فى العثور عليه
ده غير طبعاً الصوت اللى بيقطع و اللى اصبح سمة من سمات شركة موبينيل لدرجه ان أحد المذيعات كانت بتكلم مشاهد على الهواء و لما
لقيت التليفون المحمول بيقطع قالت حضرتك موبينيل و لا فودافون ! فهل حد عنده تفسير ليه شبكة موبينيل بهذا السوء فى الخدمة و هل ده
سبب ان الشركة هى الوحيدة اللى لم تتيح تقنية الجيل الثالث لعملائها ؟
هناك 4 تعليقات:
بصراحه أنا غيرت الي أتصالات لأنها بتعمل روومنج بره مصر وممكن تتكلم وأنت في الخارج
السلام عليكم
مش عارف بصراحة ليه موبينيل هي الشركه الوحيده اللي لسه معيشانه 5 او6 سنين وره
انا كنت موبينيل وبقيت فودافون
واحب اقولك انه مالوش علاقة هما ماستخدموش التقنية دى لانهم مش ادها ولا اد تكلفتها سويرس بيعتبر شركة موبينيل لعامة من الشعب حاجة كدة شعبى على اد الحال وزى مابياخد منهم بيديهم
يعنى هو ارلخص حاجة من زمان واكتر واحد بيدى عروض وعشان كدة تلاقى عدده اكبر عشان مراعى اوى ظروف المواطن وبصراحة هو فعلا سخى جدا فى عروضه بس مابيحاولش بقى يجدد المحطات اللى بدأ بيها مستمر بيها مهما العدد يكبر
عشان كدة طبعا الخدمة بتسؤ وهو مش مهتم يحسنها هو بيكسب بشكل جبار اصلا هيكلف نفسه ليه
فعلا موبينيل طول عمرها اسمها مقترن بسوء الخدمة بعكس فودافون مثلا , عشان كده فى بحث على موقع نت عن شركات المحمول فى مصر , انا قلت فى موبينيل اللى ماقلوش "مالك" فى الخمر
إرسال تعليق