المرآة فى مصر رغم حصولها على الكثير من الحقوق
الا انه لسة الراجل زى ما هوا فى نظرته للست .
خذ عندك لو واحدة ست خبطت واحد بعربيتها و شوف الأقوال ديه
اللى اكيد حضرتك سمعتها كثير
-
يا شيخة حرام عليكى ضيعتى مستقبل الواد
-
ايه جتكم ستين نيلة ستات اخر زمن
-
تلاقى ابوها جايبلها العربية عشان تجيب بيها مصيبة لخلق ربنا و تبليهم
- لما انتوا مش اد السواقة
بتسوقوا ليه و شوية الفاظ نابية كدةيعنى
- الواد الضحية حيرفع ايده للسما و يدعى و يحسبن و كدة
طبعاً سيادتك يا اللى خبطتيه اطمنى خالص هو مش بيدعى عليكى
ده هو الشكل انه بيدعى عليكى لكن المعنى فى اسفلت الشارع
هو بيدعى على ناس تانية
- لو واحد طيب بقى حيقول
روحى يا ابلة العوض على الله اروح استعوض ربنا بقى و خلاص
او يقول يا كفرة يا ظلمة
و انت تقوليله انا اسفة مقصدش
يقوم قايل لفظين كدة مش صح و بعدين
يقول اعمل انا ايه بأسف ديه اصرفها منين هاااا
اولع فى نفسى عشان ترتاحى
او يقول خلاص يا مزميل او يا مودام اللى حصل حصل
ايدك بقى على حق التعويض
يعنى 5000 جنيه
لا و النعمة الشريفة اصورلك قتيل هنا
طبعاً
لازم سيادتك تداديه و تهاديه لأنه ممكن و يولع فى نفسه
و ساعتها بقى حتضطرى تروحى الإسم و احتمال تتعبطى فى القسم
لحد ما يعرفولك صاحب
----
البنت كدة كدة غلطانة يعنى لو هى اللى اتخبطت
حتلاقى اللى واقفين مع الراجل و اياكش البنية تروح فى داهية
و حتلاقيهم بيقولوا
- ما هى اللى ماشية بتتمخطر و بتتدلع فى مشيتها ادى اخرة تربية البنات
- بالذمة ده لبس اللى انت لابساه خليتى الراجل بدل ما يركز فى السواقة يركز فى انتى لابسة ايه
-
هو طبعاً اللى عنيه زايغة
- بنات اخر زمن شوفى يا ختى
طبعاً ده لو ست واقفة تتفرج
شوفى يا ختى ماسكة فى ايد الواد و مأنجشاه ازاى
الاهى كانت خبطتهم العربية هماه الإثنين
بلا قلة ادب و رباية
ديه لو بنتى كنت قولت للسواق افرمها قليلة الحيا
- عاجبك كدة
اهههه السواق ممكن مستقبله يروح
من تحت راسك يا بت انتى و هيا
ملحوظة عزيزى السواق
--------------------------
-
اذا كنت تريد ان تتخلص من حياتك و تلبس مصيبة بجد
فلا يوجد الا السيدات و الفتيات صغيرات السن اللائى
يعبرون الطريق
فهم يتمتعون بتشكيلة من هبل على عبط على تردد
يجعلك من غيظك تيجى تفرمل تقوم دايس بنزين
و تيجى تدوس بنزين تقوم تفرمل قوم ايه
و هماه البعدا بيعدوا مش عارفين يعدوا
فواحدة تدوسها و الثانية تعدى
و صدقنى كله حيقف جنبك
-------
واقع و حقيقى البنات بيروشوا السواق
و هماه بيعدوا الشارع
و طبعاً خللى بالك
من الأخت اللى بتعدى و معاها قبيلة بنى هطلة
عشان ماسكين ايديهم فى ايد بعض
و لو ايد واحدة سابت
ابقى قابلنى
لو انت جيمس بوند ذات نفسه
و لا ترانسبورست و راكب عريبة من اللى بتطير
حتخبطهم يعنى حتخبطهم
حماك عزيزى القائد من هبل النسوان
لا تنشغل بغير القيادة
السرعة مراقبة بالرادار
تصحبك السلامة
هناك 11 تعليقًا:
هههههههههههه
لا هو انت عندك حق ف حكايه انه الغلط هيجي علينا ف الاخر
بس حكايه اننا بنروش السواقين
ياسلااام
ده هما الرجاله الي عنيهم زايغه وبالذات بتوع الميكروباصات بقوا حاجه فظيعه
دانا هنا ف السعوديه وانت عارف لبسنا عامل ازاي لما بعدي الشارع انا واختي مثلا تلاقي الرجاله طلعت من شبابيك العربيات
كأنهم اول مره يشوفوا ستات وبتحصل مع كل البنات يعني انما الستات الكبار لا مش دايما
الهي واحد تتلوح رقبته والباقي يتعظ :D
والهي يحمينا من شر السواقين المهابيش
نايس بوست يابدراوي :)
Mony - Elshreef
ههههههههههههه
دانا هنا ف السعوديه وانت عارف لبسنا عامل ازاي لما بعدي الشارع انا واختي مثلا تلاقي الرجاله طلعت من شبابيك العربيات
ده بقى لو جم عندنا حتبقى مصايب
انتى متعرفيش البنات فى مصر بقى لبسهم متحرر ازاى
ههههههه
لأ بجد سواقين هبل و عايزين لوحة لرقبتهم
انا مش قادر اتخيل منظر السواق و هو مطلع راسه من شباك العربية زى الزرافة
ههههههههههههههههههههههههههههههههههه
هههههه
بوست جميل يا بدراوي
معلش مقصر معاك
بس مشغول جدا الفترة دي
بوست رائع
لكن على فكرة انا خبرتى بتقول ان اى راجل بيستنى لحد ما نعدى الطريق وبيشاور بايده اتفضلو بكل ذوق
لكن لو واحدة ال بتسوق بتمشى ولا كأن فى حد بيعدى الطريق واحيان كتير بيشتمو كمان
هههههههههههههههههههههه
استنى اقولك اول ما جبت عربيتى
كنت قاعده انا واختى بنتفرج على فيلم ابو على
ولما منى خبطتهم بالعربيه وقعدت تضربهم
اختى جريت ندهت لماما وقالت لها عارفه بعد الشر ريحاب بنتك لو خبطت حد هتقعد تضرب فيه زى دى كده وتقوله كده وسخت ليه العربيه كده بوظت الفرامل وممكن الراجل يموت وترفع على اهله قضيه هههههههههه
ربنا يستر علينا كلنا
حرام عليك يا أحمد مش كل البنات وحشين كده ايه يا بنى الكلام ده
بجد موتنى من الضحك برضة
ههههههههههههههههههههههههههههههه
ههههههههههههههههههه..واقعية جدا مكنش ناقصها غير كليب البنت اللي ماسكة العصايا..شفته؟
:)
بص هو بصراحة فيه بنات سواقتها خطر ةجدا بس برضه فيه ولاد سواقتهم تودي في داهية..أنا الحمد لله جربت النوعين دول في السواقة
:)
تحياتي
ههههههههههههههههههههههههههه
هههههههههههههههههههههههه
ههههههههههههههههههههههههه
جميل اوى اوى
وانا اعترف ان انا واحدة من اللى لما بييجوا يعدوا بيلخبطوا الدنيا بحالها
انا نفسى ببئا متلخبطة مش عارفة اروح فين ولا آجى منين
بس منعا للخبطة بقيت بستنىىىىىىى لما الشارع يفضى تماما
هههههههههههههههههههههههه
أستاذ بدراوى
هو حضرتك اللى عامل مدونة بإسم الأستاذ بلال فضل؟؟
ولا حضرتك هو بلال فضل؟؟
بوست جميل وعندك مليون حق
البنات بتلبخ الدنيا مشش السواقين وحدهم
كمان سواقتهم في الغالب الاعم
اجااااااااااارنا الله
بوست لذيذ
تحياتي
يعني ما رستش السواق في الآخر يهرس و لا ما يهرسش
:)
إرسال تعليق