الأربعاء، أبريل 29، 2009

مصر هبة موبينيل

هذه التدوينة كتبتها 13 ديسمبر 2008 

__________________

إعلان على صفحة كاملة فى عدد الجمعة من صحيفتى الأهرام و المصرى اليوم من حوالى اسبوعين ، اعلى الإعلان تجد جملة تقول 20 مليون مصرى ممكن يحفروا قناة السويس فى 6 ايام

، و لأننى كنت أتابع حينها أخبار ما يحدث من عمليات قرصنه فى قناة السويس فتصورت

ان هذا الإعلان هو حملة ثقافية لإعادة ثقة  المصريين فى قناة السويس و انها التى كانت و ستكون و مازلت و انها الممر الملاحى و كانت تمر قوافل التمر هندى و العرقسوس من هناك و هذا الكلام الذى حفظناه فى كتب التاريخ ايام  المدرسة

 توجهت بنظرى للإعلان من الأسفل ، فوجدته يقول

20 مليون مصرى اختاروا موبينيل

تخيل ممكن يعملوا ايه تانى ؟

 

قلت فى نفسى ، بقى ديه أخرتها اعلان عن الإنجاز العظيم للمصريين فى اختيار شبكه موبينيل

و فى نفس الأسبوع اللى فيه كلام عن مصير قناة السويس

!!!



روح بقى على المصرى اليوم شرحه

20 مليون مصرى ممكن يزرعوا مصر فى أقل من شهر

و شرحه تحت

تخيل – او تخلل على رأى عمرو عبد الجليل فى فيلم حين ميسرة - ممكن يعملوا ايه تانى

؟




 كل هذا و لم أكن قد شاهدت بعد النسخة التليفزيونية من الإعلان التى هى مستفزة كثيراً

 


هل أصبح اكبر انجاز للمصريين هو اشتراكهم فى شبكه موبينيل ، و هو اشتراك عشوائى غير منظم ، ليس كما يحدثنا الإعلان ان لو 20 مليون مصرى قرروا يعملوا حاجة واحدة

 هو إنجاز من ورق ، انجاز على طريقة كان عندنا فى سنة 1980 كام خط تليفون و دلوقتى بقى عندنا كام خط

كان زمان لازم تسنى شوية عشان الصوت يوصلك ، دلوقتى الصوت بيوصل من غير ما يقطع !

كان زمان عندنا كام ماسورة صرف صحى و دلوقتى عندنا كام !

 الإعلان بالنسبة لى مهين للمصريين ، و لقدرتهم ، و لكفاحهم ،

صحيح ان الإعلان يكشف ضعفنا و فشلنا و فسادنا و قلة قيمتنا و همتنا ، لكن لا يجب ان يظهر بهذا الشكل المستفز و من شركة مالكها الرئيسى رجل الأعمال نجيب ساويرس الذى يتحدث فى كل مناسبة عن مصر التى يشعر بالغربة فيها ، و عن القناتان او تى فى و اون تى فى اللتان تهتمان بإظهار صورة مصر الحضارية !!

 سيقول أحد ربما هو ليس مسئولا بشكل مباشر عن الحملات الإعلانية التى تقوم بها شبكه موبينيل ،

او هو غير مسئول أصلاً بحكم تركه لمنصب رئيس مجلس إدارة الشركة المصرية لخدمات الهاتف المحمول «موبينيل»فى أغسطس الماضى

لكن أعتقد انه مسئول بشكل معنوى ، بإعتباره رمز لتلك الشركة ، و يستطيع بما له من نفوذ ايقاف ذلك الإعلان .

------------------

للأسف الإعلان فى الفترة الأخيرة اصبح يرسل رسائل غير مريحه لا وطنياً و لا أخلاقياً ، و هذا الإعلان يأتى فى سلسلة من الإعلانات التى تقتحمنا هذه الأيام .

هناك 7 تعليقات:

MǿиY El-Shreef يقول...

ع فكره البوست ده لسه نازل حاااالا عندي ف الريدر

سوري بقى

المهم اني جيت صووح :D

بص ياسيدي الاعلانات دلوقتي بقت اااااخر هيافه

حاجه عبيطه كده بنسلي بيها نفسنا ونضيع وقتنا

بس الحمدلله انا مابقراش جرايد مصر من كام سنه ف مش شفت الاعلان ده خالص

بس البت الفلاحه دي مووزه هههههههههههه

والله حاجه تفقع القلب

لكي الله يامصر

Empress appy يقول...

عجبنى اوى اوى حمله الاعلانات اللى بيعملها الخليج عنالصلاه وعن الاخلاق وعن معاكسه الستات
يااااااا بجد وبنزعل منهم دول قمه الرقى
حتى اعلانتهم عن الاكل والحاجات دى شيك وهاديه ومش فيها اسفاف بالعقل

dr.lecter يقول...

ماخلاص بقي موبنييل اتبعات وساويرس خلع والله كنت متفائل بالشبكه دي بس مؤخرا بقيت كارهاا ونفسي ارجع اثق فيها تااني

Unknown يقول...

بدراوى

واحشنى جداااااااا


تانى حاجه

انا كل يوم اشوف الاعلان عالمحور مرتين

لما اتخنقت اخر حاجه

المهم انا لما شفته كنت عايز ااقوله هى القناه اتسدت ولا ايه

انا كنت بحسبها اعلان حكومى عايزين 20 مليون يحفروها تانى


حاجه متخلفه او مستخلفه ايهما اصح وادق

انا متابع فى صمت معظم الاحيان

!!!!

دمت هادفا

بلاش فضايح يقول...

لا حول ولا قوة الا بالله
دة أتارى الاعلانات بتبئا فيها بلاوى

أصلا موبينيل دى ميعلم بيها الا الله

mido يقول...

المصريين اختاروا وزارة الاتصالات أفضل وزارة في الحكومة حسب استطلاع مركز دعم المعلومات _ هو ده الانجاز في نظر الفكر الجديد علي الرغم من كوننا استهلاكيين

micheal يقول...

هههههههههههههه..يا بدراوي ..والله إعلانات شركات المحمول دي أساسا اتفرج عليها للترفيه فقط..متركزسش يعني وتتعب نفسك في كل كلمة معاهم
تحياتي