السبت، سبتمبر 12، 2009

مصر فى السما

تتحفنى صحيفة أخبار اليوم الأسبوعية التى يرأس تحريرها ممتاز القط بإختيارها لعناوين الصفحة الأولى ، دعك من انك لن تملك سوى التحسر على أيام إبراهيم سعدة
و على روح الراحل مصطفى امين و تؤامه على امين ، و ركز فى هذا العنوان الذى تصدر الصفحة الأولى لعدد اليوم السبت 12/9 /2009

مصر فى السما ، لم أكن قد قرأت متن الخبر الذى يتحدث عن اطلاق قمر صناعى مصرى نايل سات 3 - لينك الخبر، و سرحت مع عنوان الخبر فقط ، لأتذكر ذلك السؤال الذى دوماً يسأله أى طفل صغير رحلت جدته تتا فين ؟! فتقول والدته تتا فى السما عند ربنا ،

هذه حقيقة الخبر مصر فى السما عند ربنا طلعت روحها من زمان .

هناك 29 تعليقًا:

عاشقة الأحزان يقول...

ممممممممممممممممم

اول تعليق ولا ايه

اشوف وارجع تانى

عاشقة الأحزان يقول...

تمام

انا اول تعليق ياجدعاااااااااااان

وتانى كمان يلا ان شالله ما حد حوش

هههههههههههههههه

عاشقة الأحزان يقول...

والله معاك حق

انا دخلت وقريت الخبر

يلا ربنا يهدى من يشاء

ربنا يكرمك يارب

مودتى

أم مالك يقول...

ازيك يااحمد عامل ايه
انا جاية اسلم واطمن عليك
وباذن الله مصر تكون فى السما
بس مش بالموت ولكن بالترقى
على ايد ابنائها باذن الله
وعلى فكرة انا زيك بترحم على
ايام الناس ديه
تحياتى

لقد خلقنا الله احرارا يقول...

حرام عليك نفسك
حد يقرأ اخبار اليوم فى الزمن ده
أحييك على الفكرة اللى مخطرتش على بالى الحقيقة
مصر فى السما000 !!
ربنا يستر
أحييك كمان
انك افتكرت ان ممتاز القط خلانا نتحسر على ايام ابراهيم سعده
اللى مكنتش اصدق انى ممكن اتحسر على أيامه

ده نتيجة السياسة اللى بعدت كل المحترمين والمحترفين والموهوبين صحافه
من الوصول لاى منصب مهم
ربنا يرحم عبد الوهاب مطاوع ومحمود عوض وغيرهم كتير
ويرحمنا اللهم امين

اللهم انك عفو كريم تحب العفو فاعف عنا
نوارة بتقول السما صافية النهارده

الشعب لابد له من حكومه تشكمه يقول...

الله يرحمها كانت طيبه وبنت حلال..

فتاه من الصعيد يقول...

بعد الشر عليها .... بلاش سوداويه والنبي .....يعني اقرا الخبر بنظاره ورديه :)

هو صحيح خبر سخيف يعني وملوش لازمه في مجتمع نصف افراده بيناموا من غير عشا .... بس برضه انت الغلطان لانك بتقرا اخبار اليوم

المعلم محمد صاحب المطعم - طعمية سخنة يقول...

الله يرحمها مصر
كانت ست طيبة
و كانت مثل في الخير و الطيبة
عشان كده ليها الجنه

شوكولاتة يقول...

إيه الغمقان ده بس يا أحمد هوه إنت عندك حق محدش يقرا أخبار اليوم ولا الأهرام اليومين دول بس أدينا بنعافر وإن شاء الله هانخلي اسم مصر يرفرف في العلالي
أكثر من الدعاء في هذه الأيام
تحياتيف

المعتصم يقول...

اييييييييييييه ولادايم الا وجه الله
كل من عليها فان
دنيااااااااااااااا
..........
يخرب عقلك يابدراوى بتعمل ربط غريب
بس حلو خالص وصح
بس ياريت والنبى نبطل تقرا الاخبار
اعمل زى اخوك كده
انا بطلت قرايه خالص من فترة
الا ماعرفتليش هى ايه البيكربونات؟؟
ســـــــــــــلام

ستيته حسب الله الحمش يقول...

كل ده غلطة مين؟
غلطتك طبعا
ايه اللي بيوقع نظرك على صحف قومية
مش خايف على صحتك؟
الصحف القومية ممنوعة بأمر طبيب الحالات النفسية
والعقلية كمان

كل سنة وانت بصحة وخير
اما عن مصر
فلها الله يسترها معاها ومعانا

مهندس حر يقول...

ملاحظة ذكية و صحيحة .. و بما إن مصر بقت فى السما فاللى من اليتامى من البقية الباقية من أولادها و حاسس بغربة و مشتاقلها يحصلها..

مع ذلك ربك سبحانه قادر على كل شيئ و هو وحده المحيى المميت و إن شاء أحيا العظام و هى رميم فمتستبعدش أبدا إنه يكون من بعد الموت حياة لأن الأمم و البلدان ما بتموتش بالضبط زى بنى آدم ممكن بعضها ينتهى إلى غير رجعة و ممكن البعض الآخر ينهض بعدما بدا أنه قد مات..

كل سنة و إنت طيب إحنا فى أيام فيها رحمة من الله بعباده و إستجابة لدعاء المظلومين و كل من لهم حاجة .. إجتهد فى الدعاء و العمل و ربنا يتقبل إن شاء الله..

dr_samarmar يقول...

السلام عليكم
يا جماعة انتو عارفين خطر انفلونزا الخنازير اللى بيهددنا كلنا و ممكن جدا يتحول لوباء قاتل و يبيد مننا كتير.. و اكيد محدش عايز دا يحصل ابدا و لا عايز حاجة وحشة تحصل ليه أو لأى حد بيحبه.. فى حملة اننا كلنا نوحد الدعاء يوم سبعةو عشرين27 رمضان ع الفطار بالرحمة من وباء انفلونزا الخنازير.. تخيل لما مسلمين كتير يدعو نفس الدعوة.. هيبقى فى ساعة متواصلة ناس بتدعى نفس الدعوة منهم صالحين ا ش ا.. و مفيش حاجة بعيد عن ربنا.. دا لينك الجروب ع الفيس بوك اشترك و ابعت دعوات و انشر الفكرة على قد ماتقدر ارجوك http://www.facebook.com/group.php?gid=124302732892&ref=ts
شكرا :)

أحلام حقيقية يقول...

هههههه هى مصر فعلا بقيت فى السما من زمان

فاتيما يقول...

و الله يا بدرواى يا خويا أنتا عامل زى أخويا الكبير تمام
كل شوية يجبلى مقالات بتاع الملوخية و البعرور و أبصر إيه و يسمعنى شوية درر من المكتوب و يقعد يقولى شايفة ؟؟
و يا كبدى السكر بيعلى عليه و هو صاحب عيال
أقوله يا بن الحلال فيه حد يقرى الجرايد دى برضو ؟!!!
يا بدراوى صحتك
العالم دى أصلها عاملة زى ثرى الحرب كدا اللى كنا بنسمع عنهم زمااااان
واحد جاتله نعمة ميستحقهاش
بيبعبط و خلاص
و مصر طول عمرها ف السما
بس هوه اللى تنقطم رقبته موطى علطول
عشان كدا لسه واخد باله دلوقتى
سلام يا أبو عيون فاحصة

mimi يقول...

طبعا ...

ما هو التفكير ده ميفكوش غير بدرا ...

يا دماغك العالية يا بدراوي

كل يوم وأنت طيب

micheal يقول...

مش ده الراجل بتاع البلح..متزعلش مني ألأنت الغلطان يا بدراوي أنك تشتري جورنال بتاع راجل زي ده

Me7'o يقول...

والله عندك حق

هى مصر أكيد فى السما عند ربنا

بس تفتكر هى فى الجنة ولا فى النار؟؟؟

تحياتى

Tarkieb يقول...

القط اول رئيس تحرير بيكتب بالعامية ومش بس فاضي دا كمان غلبان

THE illusionist يقول...

مصر
ممممممممممممممم
هى البلد دى مش هتستحى وتأكل ولادها الاول

حمدى جعوان يقول...

دا كلام ياراجل

وبعدين دا جزاء اللى يقرأ الجرايد الحكووومية المهلبيه

nona يقول...

هههههههههههههههههههههههه

مصر روحها طلعت السما فعلا
بس اللى يسمع مصر فى السما يقول ان مكانتها عالية فى السما

مكانتها اللى روحها طلعت هى كمان

عاشقه وغلبانه يقول...

البقاء لله
مانجلكش في حاجه وحشه
مصر في السما من زمااااااااااااااان
بس ده بالنسبه للغلابه اللي زينا
اما بالنسبه لطبقه الكريمه اللي علي وش حلقه المسقعه اللي هو احنا فدول مصر بتاعم غير مصر بتاعنا
ومصرهم في ايديهم عايشنها حقيقه ملموسه

الله يرحم فقيدنا بقي
مانت شايفنا عمالين نقطع من لحم الحي علشان نعالج المرضي بتوعنا اللي الظاهر احنا بس اللي حاسين بيهم
في وقت ناس مش عارفه تودي فوسها فين
زي ماقولتلك مصرنا في السما من زمااااااااااان

خالد فوده يقول...

بدرااااااااااوي

والله وليك وحشه وحشه اووي

ازيك يا ريس
انا ببحث عن مدونتك من زمااااان

------------------
بخصوص الموضوع بقي

ممكن اطلب من الساده المعلقين
قرأه الفاتحه علي روحها

أم مالك يقول...

كل سنة وانت طيب يااحمد
والسنة الجاية يحقق لك
كل ماتتمنى وتكون ايامك
كلها بخير
تحياتى

لقد خلقنا الله احرارا يقول...

كل عام وانت بخير

فشكووول يقول...

السلام عليكم ورحمة الله وبركاته

رمضان كريم وصوما مقبولا وافطارا شهيا

كل عام وانتم بخير ويعيد الله عليكم هذه الايام بالخير واليمن والبركات

وتحياتى وكل سنه وانتم طيبون

فشكووول يقول...

الله يضحكك يا بدراوى

عارف المثل اللى تيتا بتقوله ماما فى السما او ما الى ذلك ,,,و انت شبهت تشبيه بليغ جدا وفعلا ... مصر بقت فى السما .. زالله يرحمها

همس الاحباب يقول...

اللهم تقبل منا ومنكم صالح الاعمال
عيد سعيد عليكم
وكل عام وانتم بخير