سأقوم بالرد على تعليقات البوست السابق و اللى غيرت اسمه بإسم تقليدىبس قبل الرد أقول اننى لما كتبت المسلمين فقط
كنت مهتم فقط بالممارسات العنصرية التى يمارسها المسلمون
لا يعنينى عنصرية الأخر ، و لكن تعنينى عنصرية بعض المسلمين اللى تسىء لصورة الدين الإسلامى .
--------------
الشعب لابد له من حكومه تشكمه يقول...
اوعى تكون عامل حسابك انى من ضمن الناس اللى مش هتدخل تانى:))انا متفقه معاك جداااا فى بعض كلامك بس مش معنى كده اننا احنا اللى اخترعناها,العنصريه مش حكر على حد وموجوده بين الطرفين وفيهم برضه ناس معتدلين.متفقه معاك فى نقظه من شاء فليؤمن ومن شاء فليكفر.مش انت انسان عاقل وبالغ وتقدر توزن الامور خلاص انت حر هو انا اللى هتعذب ولا انت؟واللى يشيل اربه مخرومه اييييييييه؟ ايون بالظبط...ولو كنا نقدر نخلى الناس كلها تسلم كان الرسول عملها مع عمه...
اوعى تكون عامل حسابك انى من ضمن الناس اللى مش هتدخل تانى:))انا متفقه معاك جداااا فى بعض كلامك بس مش معنى كده اننا احنا اللى اخترعناها,العنصريه مش حكر على حد وموجوده بين الطرفين وفيهم برضه ناس معتدلين.متفقه معاك فى نقظه من شاء فليؤمن ومن شاء فليكفر.مش انت انسان عاقل وبالغ وتقدر توزن الامور خلاص انت حر هو انا اللى هتعذب ولا انت؟واللى يشيل اربه مخرومه اييييييييه؟ ايون بالظبط...ولو كنا نقدر نخلى الناس كلها تسلم كان الرسول عملها مع عمه...
لأ طبعاً المدونة ديه زى بيتك اتفضلى فى اى وقت ، العنصرية مش احنا اللى اخترعناها ، بس زى ما قولت فوق ما اقصده ، و متفق طبعاً معاكى فى نقطة حرية الإعتقاد .
ستيته حسب الله الحمش يقول...
الإرهاب والتطرف صناعة اسلامية؟؟؟؟؟؟طيب وهتلر لما قال لك الجنس الآراي هو الجنس المميز على وجه الأرض وغيره يستحق ان يفنى او يخدم الشعب الألماني؟طيب التتار لما شافوا انهم الشعب المميز ودبحوا وقضوا على كل حضارة وشعب في طريقهم؟طب وقابيل لما قتل هابيل بدعوى عنصرية بحتة انه لازم هو اللي يتجوز أخته التوأم وهابيل لأ؟يا عزيزي التطرف والعنصرية صناعة شيطانية مع كل نفس سودة من جوا أو يزكيها الشيطان عند المرضى بجنون العظمةتحياتي
الإرهاب والتطرف صناعة اسلامية؟؟؟؟؟؟طيب وهتلر لما قال لك الجنس الآراي هو الجنس المميز على وجه الأرض وغيره يستحق ان يفنى او يخدم الشعب الألماني؟طيب التتار لما شافوا انهم الشعب المميز ودبحوا وقضوا على كل حضارة وشعب في طريقهم؟طب وقابيل لما قتل هابيل بدعوى عنصرية بحتة انه لازم هو اللي يتجوز أخته التوأم وهابيل لأ؟يا عزيزي التطرف والعنصرية صناعة شيطانية مع كل نفس سودة من جوا أو يزكيها الشيطان عند المرضى بجنون العظمةتحياتي
انا مقولتش فى كلامى ان الإرهاب صناعة اسلامية ، صحيح ان قصرت العنصرية على المسلمين لأن زى ما قولت فوق انا يعنينى صورة الإسلام اللى بيشوهها بعض المسلمين بأفعالهم العنصرية ضد الآخر الدينى - و بحط ميت خط تحت الدينى ديه -
طب هل تنكرين ان بعض المسلمين مصابين بجنون العظمة ؟!!
و بعدين العنصرية الدينية بالنسبة لى اخطر من العنصرية العرقية بكثير لأنها ببساطة بتتعامل مع نصوص مقدسة ، و بعدين معلش
يعنى احنا نصلح غلط بغلط تانى ، ماشى هتلر و التتار و قابيل عنصريين ، طب و بعض المسلمين بقى ايه ؟!
ما هماه مش ممكن اقول لحد يا اخى ده فلان بيعمل كذا و كذا غلط يقوم يقوللى ايه يعنى ما علان و علان بيعملوا كدة برده
اقول لحضرتك تصرفات بعض المسلمين كذا تقوليلى طب ما هتلر عمل و عمل .
ديالا يقول...
بدراوي طبعا معاك حق احنا من جوانا عنصرين بس عمرنا ماكنا ارهابين يعني نتعصب اوي لما حد يحرف دينا ويخترع منه دين مثلا وده لاننا عندنا اخلاص لدينا بس طبعا نتعصب وكل حاجه بس منتقتلش ونحرق وكده الي عمل كده جزء مننا مش كلنا والدليل ان احنا عايشين مع المسيحين عادي ومعظمهم اصحابنا بس فعلا احنا مش قليلن في العالم عشان نتهان ونتذل من كل حد احنا دين الحق دين نبي الله محمد صلي الله عليه وسلم و افتخر اني مسلمه واتحيز لديني بوست رائع تقبل مروري
بدراوي طبعا معاك حق احنا من جوانا عنصرين بس عمرنا ماكنا ارهابين يعني نتعصب اوي لما حد يحرف دينا ويخترع منه دين مثلا وده لاننا عندنا اخلاص لدينا بس طبعا نتعصب وكل حاجه بس منتقتلش ونحرق وكده الي عمل كده جزء مننا مش كلنا والدليل ان احنا عايشين مع المسيحين عادي ومعظمهم اصحابنا بس فعلا احنا مش قليلن في العالم عشان نتهان ونتذل من كل حد احنا دين الحق دين نبي الله محمد صلي الله عليه وسلم و افتخر اني مسلمه واتحيز لديني بوست رائع تقبل مروري
معاكى لما حد يحرف ديننا او يخترع او يألف فيه نتعصب اه و ندافع عنه لكن من غير ما نأذى حد جسدياً ، و الجزء مننا ده بيشوه و يفسد صورتنا كلنا و بيبقوا محسوبين علينا ، و متنسيش ان الغرب و اعداء الإسلام بيدورولنا على غلطة عشان يقولوا بصوا اهم شايفين المسلمين فيهم و عليهم ،
احنا مش قليلن فى العالم ، لأ بل كثير و لكن كغثاء السيل ، و بنتهان و بنتذل بسببنا احنا ، هنا على انفسنا فهنا على الناس و على اعدائنا و
تقدرى تقوليلى مسلمين دوول ايه اللى مش قليلين فى العالم ، هل انتجوا شىء عليه القيمة ؟!
هل صدروا شىء ؟ هل و هل و هل ؟
معلش جلد الذات احياناً مفيد اووووى ، بعدين انا و انتى و كل مسلم شايفين ان ديننا هو الحق ، بس غيرك مش شايف كدة و هو حر بقى فى رأيه ، و ديه بقى المشكلة ان بيقع فيها بعض المسلمين لما بيمارسوا نوع من الغرور على الآخر الدينى و نوع من العنصرية لمجرد انه يعتقد ان دينه هو الحق ، و ده مينفعش يتم التعامل كدة بيه ، لأن هو برده حيقولك انا دينى هو الحق و مش حنخلص
تعالى قوليلى واحد مش مقتنع ان دينه هو الحق يبقى معتنقه ليه ؟!
عشان كدة معظم معتنقى اى دين سماوى او ارضى حتى معتقد ان دينه هو الحق .
مهندس مصري يقول...
و بالتالي و حيث أن مرجعي هو الشريعة الإسلامية في التعامل فحأشوف هي بتقول إيه و أعمله
و بالتالي و حيث أن مرجعي هو الشريعة الإسلامية في التعامل فحأشوف هي بتقول إيه و أعمله
بالنسبة للنصارى هي بتأمرنا بحسن معاملتهم يبقى أعاملهم على أحسن ما يكون
بالنسبة للبهائيين و حيث أنها فرقة مرتدة مش حأقول نقتلهم و لا نقيم عليهم حد الردة
ده ما ينفعش لإننا مش في دولة تحكم بالشريعة الإسلامية و لكن أقل واجب إننا ندعوهم للإسلام فإن أصروا على بهائيتهم فيجب مقاطعتهم و إعتزالهم و يبقوا هما في حالهم و إحنا في حالنا و يتم تعريف الناس بهم و بأفكارهم الغريبة ليجتنبوهم و من حقهم تمييز خانة الديانة في بطاقة الرقم القومي حتى لا يندسوا في وسط المسلمين و هم ليسوا منهم
ده رأيي اللي عارف إنه مش حيعجبك بس لو عندك رأي شرعي مناقض و معاك أدلة شرعية عليه أنا مستعد أسمعك و ممكن كمان أقتنع برأيك :)
مهندس مصرى ، طبعاً عايز اشكرك على المعلومات التاريخية اللى فى التعليق السابق و اللى مهمة فعلاً ، لأن البهائية انا قريت فى موقع ليها شوية اوردة و ادعية لو متعرفش انها بهائية حتقولى ده كلام صوفى ، و اللى ايمانه ضعيف ممكن بسهولة يتحول الى البهائية ، ربنا يعافينا و يحمينا منها .
يعنى حضرتك شايف حد الردة يجب تفعيله لو كنا فى دولة تحكم بالشريعة الإسلامية ، امال فين حرية العقيدة
عارف حتقوللى اللى دخل الإسلام مينفعش يطلع ، يعنى طريق رايح و مش جاى ، لكن جاى و رايح لأ
امال ازاى تبقى حرية عقيدة ، الحقيقة انا معنديش معلومات بخصوص حد الردة
لكن وجهة نظرى ان حد الردة كان فى حروب الإسلام الأولى .
بس انا هنا مش بصدد كلام دينى او فكرى حوالين البهائية دين و لا مش دين ، انا واضح فى كلامى البهائيين يجب احترامهم كمواطنين مصريين من حقهم يحصلوا على كافة حقوق المواطنة ، اه نعرف الناس بخطر البهائية و افكارها الغريبة
لكن من غير بقى ما نتعامل معهم بعنصرية و لا نعتزلهم حتى ، انا الحقيقة فى الموضوع ده محتار
معلش مش ححط ردك كله لطوله و حكتفى بس بالرد عليه
يا استاذة انا واضح فى كلامى بتكلم عن العنصرية الدينية ، اما العنصرية فى العمل فهى مرفوضة برده ، بس فى الأخر مالهاش اساس
سوى انها عنصرية ضد النجاح ، او العمل و التفوق و خلافه ، و ضد امرها بسيط جداً
لا فيها تكفير و لا فيها حرق بيوت لدوافع دينية ،
انا وقعت فى خطأ بسبب انى كنت مستفز من تصرفات بعض المسلمين العنصرية ضد الآخر و اللى ما صدقوا لما حصلت حادثة مروة
ان وصفوا الغرب بأنه عنصرى بينهم هم مثله عنصريين ،
اما بخصوص الأسف و الإعتذار لا معنى له ، حضرتك مش محتاجة اذن عشان تعملى كدة اصلاً
عادى المدونة مفتوحة لأى حد ،
و انا معاكى فى ثقافة رفض اعتداء الأخر ، مش معنى انى بقول ان زى ما هم عنصريون احنا كمان فيه مننا عنصريون يبقى كدة خالصين و مالناش حق نتكلم ،
بس كمان مش معنى ان العنصرية مش قاصرة على المسلمين ، او انها نابعة من الغرب يبقى خلاص بقى ، المسلمين كويسين و الباقى هو اللى وحش ،
انا فعلاً مقصدش اضيع دم مروة هدر ، بس اخطئت فى قصر الموضوع على المسلمين و ده وضحت انا ليه عملت كدة فوق .
و بالنسبة لردك الثانى
الرد واضح اوووووووووى و مفيهوش اى تعميم ، بس التعامل مع التيارات الفكرية بيبقى ابسط بكثير من التعامل مع التيارات الدينية
اقصد ان الإختلاف الفكرى سهل التأقلم معاه ، لكن الإختلاف الدينى شوية بيعمل مشاكل لو فيه ناس لديها افكار عنصرية
