الأربعاء، يوليو 29، 2009

إزاى نسامح بعض

(1)
بدأت الأخت مشمشية فى عمل حملة للتسامح و تعريفه و كيفية التسامح بين البشر

و طلبت ان يشارك معظم المدونين فى الحملة بكتابة بوست عن التسامح
و قد كتب عن التسامح كل من
(2)
أنا آسف لأصدقاء الكلية على حماقاتى الكثيرة التى فعلتها فيهم ، أسف
لهم على اى ضيق قد سببته لهم بقصد او بغير قصد ، أسف اذا كنت مصدر ازعاج لهم او لهن فى يوم ما ، هم غير موجودين بهذا البوست
و بالطبع لن يقرأوا تلك الكلمات ، لكن انا فقط أريد ان اعتذرلهم
بعضهم ما زالت هناك وسيلة اتصال بيننا و اتمنى فقط ان اعتذرله او ان قابلته اصافحه بالأحضان ، لكن للأسف الشديد لا يمكن ان افعل ذلك
لأنهم لن يفهموا .
(3)
آسف لأى شخص بيشعر بنوع من الضيق من وجودى فى حياته ، سواء كان الشخص ده افتراضى (نت) او واقعى ، و محرج ان يقول لى اننى مصدر ازعاج له .
(4)
آسف لوالدى الذى حتى الأن يقوم بالصرف علىّ رغم تخرجى منذ عامين ، و عدم حصولى على وظيفة لعدة اسباب ليس من بينها
انتشار البطالة فى مصر !! ، آسف لوالدتى التى أقوم كثيراً بتوبيخها او تعلية صوتى عليها حينما اكون غاضب او عصبى او اشعر بضيق ، آسف لأخى الذى دوماً ازعجه بمشاكل جهازى - اللى بحتاس فيها - حيث انه يفهم فى الصيانة اكثر منى بكثير .
(5)
آسف لأى شخص احتديت فى الكلام معاه ، آسف لأى شخص تعاملت معه بود او عطف و هو لم يكن يستحق ذلك ، آسف لهذا الإحساس
-حتكلم عنه فى بوست خاص- اللى بيمر عليا فى الحياة و الذى هو سبب رئيسى فى بعض ما اعانيه من فشل .
(6)
آسف ل.......
أى شخص شايف انى المفروض اعتذرله يقوللى فى تعليق .
-----
كنت رافض اكتب بوست عن التسامح ، و ده لأنى لو فتحت فيه حنفية عياط ممكن تشتغل او اقلها دور اكتئاب حيشتغل معايا
كل اللى قولته فوق ده نقطة فى بحر من اللى حكيته اصلاً ، اضافة الى ان دور التسامح ده مخلينى كأنى ملاك بجناحات و انا صراحة
بشر فيا عيوب زى ما فيا مميزات .

هناك 15 تعليقًا:

فتاه من الصعيد يقول...

ما اعتقدتش انك ممكن تكون مصدر ازعاج لحد اصلا .....

واضح انك حساس زياده عن اللزوم ........ وابشرك انك هتعب في حياتك كتييييييييييير ...... بس هتفضل تحمل صفه جميله ....انك تظل على الاقل "انسان"

حلوه دعوه التسامح دي

مـحـمـد مـفـيـد يقول...

الله عليك يا احمد

آيوشة يقول...

طيب انت اعتذرت لناس كلها وسامحت الناس كلها ونسيت شخص مهم جداااااا ومش عايز تسامحه ليه
الشخص دا نفسك اول ما نبدا نسامح لازم نسامح نفسنا علشان نقدر نسامح اللى حوالينا صعب جدا نعيش شايلين دايما واحنا مش قادرين نتقبل نفسنا ولا نسامحها ومعتقدش يعنى يابدراوى انك من الشخصيات اللى زعل حد اى نعم نرفزة جدااااااا بس بردو قبلك طيب
وسواء الام او الاب او الاخوات او حتى الاصدقاء الحقيقين مش بيعرفوا يزعلوا من الشخص العزيز عليهم لان العلاقات دى من اقوى العلاقات الانسانية الامومة والابوة والاخوة والصداقة

*البت المشمشية *حلوة بس شقية * يقول...

بجد شكرا ليك انك شاركت معانا

همس الاحباب يقول...

التسامح كلمة يسبطة تحمل من المعانى والاخلاق الكثير
لابد ان نكون متسامحين مع انفسنا لكى نحس بالرضا والقناعة ونستطيع ان نسامح الاخرين
تحياتى لحضرتك

micheal يقول...

فكرة جميلة جدا جدا
مسامحك يا بدرو
:)
كل سنة وأنت طيب

bos bos يقول...

الله يسامحك يا أحمد شوف بسببك كتبت ايه

بس بجد موضوع هايل جدا وياريت كلنا نعمل كده

سلااااااااااام

ديالا يقول...

انت استحاله تكونمصدر ازعاج لاي حد

ياابني ياريت كل الناس زيك

ربنا يبارك فيك

maha zein يقول...

السلام عليكم ورحمة الله وبركاته

اذيك يا بدراوي
روح يا شيخ انا مسمحاك

عريت وشي ودعيت عليك
قصدي دعيتلك

ربنا يوفقك يا بدراوي ويهدي سرك ويريح بالك

رمضان جاي اهه بقه وفرصة حلوة تصفي نفسك من اي ضيق

بقولك ايه
اتأسفلي في بوست كبييييييييييييييييييييييير
وبعدين اشتريلي لاب توب هدية وابعتهولي علي عنواني التالي

ص. ب 13 شارع المسامح كريم

مواطن مصري يقول...

روح يا شيخ انا مسامحك

الشعب لابد له من حكومه تشكمه يقول...

وانا وانا وانا فييييييييييين مش تتأسفلى ايوه انت فى يوم من الايان عملتلى واوا ولو كنت ناسى افكررررررك وبالدليل:( .
لازم تتعصب اديك هتضظر تعتذر للمدونين كلهم:) ربنا معاك

تامر علي يقول...

ياااه عملت كل الحاجات الوحشه دي :)))

انت متسامح جداً :)

ـــــــ
لاء بجد ... كفاية شجاعة الاعتذار وطلب العفو ..فعلاء ده لوحده يستحق التسامح

mimi يقول...

وانا أقول ....... ايه ماسورة انا اسف اللي ضربت في الريدر دي؟؟؟



أتاريها حملة للتسامح

طب سامحني وأسامحك
ماشي؟

ستيته حسب الله الحمش يقول...

احمد يابدراوي
علي النعمة انت راجل محترم بجد
ربنا يسامحنا ويسامحك
وكل سنة وانت بألف خير

شريكة في المطعم يقول...

السلام عليكم ورحمة الله وبركاته

ازيك يا بدراوي
حلوة حملة التسامح دي..
خصوصا لو كانت عن اقتناع
واحلى حاجة انك افتكرت كل الناس
بس الاهم من اي حد
هم الوالدين ...
ربنا معاك :)