السبت، أغسطس 15، 2009

الفراشة و المصباح

كتب صديق لى
على موقع فيس بوك تلك الكلمة

قالت الفراشة للمصباح الذي انقطعت الكهرباء عنه
سأظل أحوم حولك حتى في ظلمتك
-----------------
و كانت تلك الكلمات
ردى عليه

قال المصباح للفراشة

و لم تحومين حولى
لم تصرين أيتها الفراشة

على أن تدورين فى فلكى
و فى نهارى و فى ليلى
و فى صبحى و فى أمسى
و فى فرحى و فى حزنى
اتركينى
فأنا حتى لو كنت يوماً مضيئاً
فهو ضياء الحزن
أنوار الحزن
أنوار الدموع
التى تترقرق فى عيناى
فتحسبينها يا فراشتى الجميلة
ضوءاً او قبساً من النور
و لكنها دموعى
قالت له الفراشة

لقد إنتظرتك طويلاً ايها المصباح
فإنى فراشة وحيدة فى تلك الحياة
أبحث عن مثلك
لعله يرضى بمثلى أرجوك
لا تتركنى و حاول أن تبقى لى
فبكى المصباح
لحالهاو قال
لا اجد رداً على كلامك
سوى أن أبكى
بكل كيانى
و بكل أحاسيسى و مشاعرى
و أن أدعو الله
ان يضيىء نورى و بصيرتى
و يكفكف دموعى لأجلك
ثم مضى المصباح الى طريقه
بينما كانت الفراشة تتبعه سريعاً
كى لا تفقد اثره

هناك 15 تعليقًا:

شقاوة مراهقة يقول...

لقد إنتظرتك طويلاً ايها المصباح
فإنى فراشة وحيدة فى تلك الحياة
أبحث عن مثلك
لعله يرضى بمثلى أرجوك
لا تتركنى و حاول أن تبقى لى

-------------------------

حلوووووووووووووووووووووووة قوي يا بدراوي


بجد تلسم ايدك ودماغك ..

شقاوة مراهقة يقول...

لالالا بجد فناااااااااااااااااااااان والله

حقيقي عجبتني قووووووووي

وحسيت كلماتها بشكل مش عادي

فظييييييييييعه بجد

شقاوة مراهقة يقول...

تعليق على الانشوده اللي انت حاططها

ع فكرة دي اكتر انشووودة انا بحبها

كلماتها فوووووووق الووووووووصف بجد

يسلم اختيارك

تحياتي ليييييييك

adel يقول...

ممممممم
كلام حلو قوي
وتخيل ورد سريع و عرض شيق للفكرة

ستيته حسب الله الحمش يقول...

كلام حلو قوي وطالع من القلب قوي

بس دي فراشة ناصحة
لأنها فهمت إن المصباح المطفي اللي مظهره لا يدل على أي ضياء
يستاهل ان الفراشة تفضل تلف وراه

الفراش ده انقرض علشان الفراسة راحت في الوبا يا هنادي

ليس فقيرا من يحب يقول...

ايه الجمال ده يا بدراوى

يعنى الفكرة رقيقه والكلمات

ارق بكتير

بجد تسلم ايدك من اجمل الكلمات اللى

قريتها

Sonnet يقول...

كل رمضان و انت بخير
تحياتى

كيــــــــــــارا يقول...

الله تحفه بجد

هو دا الكلام

بجد عجبتني اوووووووووي

مسدس صغير يقول...

جميلة هذه الكلمات
مصباح وفراشة يرجو كل منهما الامان عند الاخر
كلمات جميلة معبرة
رقراقة
احييك عليها

فتاه من الصعيد يقول...

لو المصباح اضاء علشان نفسه اولا هيضيء للدنيا كلها موش للفراشه بس 00000 وحياته هتكون احلى

يا رب ينور ايامك دايما
تحياتي

غير معرف يقول...

حقيقى كلامك للفراشة لازم يجننها
بس انت فعلا مصباح جميل ومضىء بس محتاج حاجة صغننة محتاج انك تعمل مدونة ادبية لان الحس الادبى عندك جميل جدا والله بجد واللى مخلينى متاكد انك جميل كده هو حزنك لان الحزن للاسف نجاحه بيكون اكبر من الفرح دى وجهة نظرى مش اكتر باتمنا فعلا انك تعمل مدونة ادبية ان شالله حتى تكتب كل شهر حاجة واحدة او اتنين
باتمنالك كل التوفيق يا رب
انا الراجل اللى مش بيحب السياسة
اكيد عرفتنى

تامر علي يقول...

شدة الوهج تحرق الفراش .... وقلته تطرده ....
حظك وقع في فراشة عمياء؟؟ :))لا أظن لكن اجعل الضوء جاذب لا حارق :)

كلمات جميلة فعلاً
تحياتي

الانشودة جميلة كمان

المعتصم يقول...

كنت داخل وناوى اعلن عليك الحرب من بتوع ابر ايجيبت
لقيت الفراشه والمصباح قلت اشوف ايه الحكايه
قريت
عجبتنى
قلت يبقى نأجل الحرب شويه ونسيبه يكتب شويه كمان
بس بقولك ايه انت دلوقتى قاعد بسبب الكتابه يعنى هتبطل كتابه هتروح فى الكازوزة يابدراوى
انا حذرتك اهه وبرئت من ذنبك وانت حر
هههههههههههههههههه

المعتصم يقول...

كمان التعليق ال13
ده ايه النحس ده بس
الموضوع ده بيحصل معايا كتيييير ليه ؟؟
ع العموم حصل خير
وربنا يستر

هههههههههههههههههه

micheal يقول...

تسلم إيدك يا بدرواي
بعيدا عن السياسة..فده من أفضل ما قرأت لك بأمانة
تحياتي