السبت، أغسطس 29، 2009

ده مش يومك يا بوجى




1. شاهدت بعض حلقات مسلسل بوجى و طمطم ، و اصابنى احساس بالحنين لبوجى بتاع زمان ، بوجى الذى كان بصوت الجميل يونس شلبى رحمه الله ،
بالمناسبة سألت صديق لى شوفت بوجى و طمطم ؟
قاللى لا يا عم مينفعش من غير يونس شلبى
-
حتى لو كان بوجى 2009 اكثر حرفية و اتقاناً من بوجى الثمانينيات فسوف نحب بوجى
القديم ، لأن الزمن غير الزمن ، كلنا نشعر بالحنين لأيام نتصور انها كانت افضل ، الفكرة ان الكل يتصور ان الماضى هو كل شىء جميل ، رغم انه قد يكون قضى اياماً سودة فى الماضى و لكنه يبدو انه طابع بشرى ، ثم ان هذه الأيام ليست ايام بوجى ، اطفال هذه الأيام لو خليته يشوف بوجى ممكن يشتمك ، احنا كنا اطفال بجد ، لكن جيل اليومين دوول مفيهوش طفولة نهائى ،
لا انكر ان اغنية شيرين من أجمل الاغانى و لكنها سوف تجعلك تشعر للحنين للماضى رغماً عنك ، بالمناسبة لمن شاهدوا بوجى
هو ماله خاسس كدة ليه و تحس انه عنده انيميا ؟! واضح انه التلوث وصله هو كمان !!

- شاهدوا هذا الفيديو القديم الجميل لبوجى و الذى يصف فيه حالة الإعلام فى 2009 !!





2. فى برنامج البيت بيتك قال الإعلامى عماد الدين اديب للإعلامى خيرى رمضان عن جمال مبارك ان مشكلته هو انه نجل الرئيس ، هو شاب يفرح و يشرف مصر و يقوم بدور مهم فى التغيير ، و لكن فقط مشكلته ان اسمه جمال محمد حسنى مبارك ، فسأله خيرى : هل هو يمتلك القدرة على التغيير لمكانته فى الحزب الوطنى ام لأنه إبن الرئيس ؟!
فقال له عماد : الإثنين معاً ثم قال له لو رن التليفون عندك و لقيت نمرة بتقولك ده محمد عفيفى حسن مثلاً
و النمرة الثانية جمال حسنى مبارك ، حترد على مين ؟! اكيد على اللى اسمه جمال و متقوليش اصل الثانى بحس معاه و متعودين على بعض ، و بهذا يكون اديب قد شهد شهادة حق بدون ان يدرى ان ما وصل له جمال و كل الأبواب التى فتحت له
لكونه ابن الرئيس .

3. لا اعرف ما هو الغرض من الإلحاح الإعلانى لحملة الضرائب مصلحتك اولاً فى رمضان ، و كأنهم يريدون لنا ان نخسر صيامنا او ربما نخرج من الملة ، صحيح ان الموضوع له علاقة بان رمضان هو موسم الإعلانات السنوى ، لكن مش كدة الرحمة حلوة برده .

4. عندما يكون وصول مياه الشرب الى كل قرية مصرية انجاز غير مسبوق ، و انجازً تاريخي ، حينما تكون البديهيات كوصول مياة الشرب انجازاً فعلى الذين يتكلمون عن دخول مصر عصر الطاقة النووية ، و تعافى مصر من اثار الأزمة المالية العالمية ، و عن مصر التى قامتها مرفوعة ، و عن الندية و المساواة على اساس التفاهم المشترك بين الدول ان يصمتوا خالص و مسمعش ليهم حس ، بالمناسبة هذا ما كتبه اسامة سرايا - لينك المقال متحدثاً عن ازمة مياة الشرب فى قرية البرادعة
بمحافظة القليوبية حيث قال :

وبدلا من أن نحتفل بإنجاز غير مسبوق في حياة المصريين بوصول مياه الشرب لكل قرية مصرية‏,‏ ونشد علي أيدي كل من أسهم في هذا الإنجاز‏,‏ تحولنا إلي تبادل الاتهامات‏,‏ وافتعال أزمة نهيل بها التراب علي إنجاز تاريخي كان يستحق منا التقدير والعرفان‏,‏ بدلا من الاتهامات‏,‏ التي تتناثر يمينا ويسارا بلا دليل أو تمحيص‏.‏

5. عزيزى المواطن نقدم لك الدليل الشامل الكامل ، احدث كتب التنمية البشرية : كيف تكون غبياً فى خمسة ايام ؟!
فقط عليك بمشاهدة فوازير محمود سعد فى البيت بيتك السطحية التافهة جداً ، ثم شاهد باقة منوعة من المسلسلات خاصة مسلسل عبودة ماركة مسجلة و الذى يضمن لك تأثير اسرع فى الغباء ، هما يومين اثنين بالضبط و تقلب حمار حصاوى ، ثم فى ال 3 ايام الباقين تصاب بهبل يعقبه غباء مزمن ثم تبتدى ترفس بعد شوية ، و هذا افضل من تختم رمضان و انت حاجز مكان محترم فى جهنم الحمرا اذا اضطرت الى سب الدين دون قصد .

6. صرحت الفنانة القديرة و الراقصة المتمكنة الماهرة لوسى بأنها رفضت تصوير مشاهد التدخين فى «كلام نسوان» حرصاً على مشاعر الصائمين و قالت : كنا رقباء على أنفسنا فى تصوير بعض المشاهد، فمثلا من المفترض أن شخصية «ناهد» شخصية مدخنة شرهة فى حياتها، وطلبت من المخرج إلغاء مشاهد التدخين، حتى أحافظ على شكلى أمام الجمهور ومشاعر الناس فى رمضان وتم معالجة الموقف فى الدراما.

و انا يجب ان احييها على موقفها الشجاع النبيل و اقول لها لقد وضعتى اول سلمة على باب الرضوخ للظلاميين اعداء الفن الهادف و الفن المحترم ، و هذا المخرج هو ظلامى فى ثوب مستنير ، ثم ان المخرج رب العمل يقوللى ابوس ابوس البس حشمة البس البس مش حشمة البس برده ، يعنى ازاى تتدخلى فى خصوصياته كدة ، كان لازم يقولك اشربى سجاير يا لوسى ، تقوللى حاضر يا رب العمل و مايسترو الأداء ، ثم اذا كان من حقك ان تغيرى فى السياق الدرامى من اجل عدم تمثيل مشاهد شرب السجائر

فمن حق ايضاً من تمثل بالحجاب ان تغير فى السياق الدرامى لأجلها ، بالمناسبة صحيح يا حاجة لوسى هو مش كاسات الخمرة اللى فى المسلسلات برده تسىء لرمضان و لا ايه يا طنط ؟!

بالمناسبة انا مشوفتش المسلسل و معرفش فيه خمور و لا لأ انا بتكلم بصفة عامة .

هناك 25 تعليقًا:

الشعب لابد له من حكومه تشكمه يقول...

ياخلاثى ياخلاثى ياخلاثى انت مخبى الحجات دى كلها فين؟درر والله:)
شوف ياسيدىبالنسبه لبوجى وطمطم انت عارف اد ايه الموضوع ده مأثر فى نفسويتى جامد,وللامانه خنى الحنين مره انى اشوفه بس للاسف اول الواد المخنف اللى عامل بوجى متكلم قلت بلاها بوجى خليه حلو فى ذاكرتى بدل ميتشوه..

_ البيت بيتك شوفت مره فزوره عن هشام طلعت مصطفى اه والله وجايبين مقطع من صوته وهو بيتكلم عن اقتصاد البلد,,سؤال واحد بس جيه فبالى ينفع كده يعنى؟؟؟؟؟؟؟؟ ازااااااااى؟

_ الاعلانات اسسسسسسسسسسسسسسسسسكت متفكرنيش اعلان عبد القوى بيقعد نص ساعه بحس ان شعرى بيطقطق ابيض من كتر الغيظ,قمة العذاااااااااب والله..

- موضوع لوسى اللهم قلل من امثالها ونعم التربيه ونعم الاحترام الحقيقه انا مش بتابع المسلسل ده بس لمحتها مره بالفرح اللى عملاه فى وشها وفى لبسها.بس سيبك انت شفت السيستم الست قالت تدخين فى رمضان نووووو,لكن بقية السنه اتس اوك..:)
فى حاجه نسيتها ولا ايييه؟
حلو جدااااا البوست ده يا احمد عاجبنى جدااااااااا:))

الشعب لابد له من حكومه تشكمه يقول...

ايه الكومنت اللى نص صفحه ده:))
هو كان اول كومنت ..طب نخليهم اتنين:))حرام نسيبه وحدانى

الشعب لابد له من حكومه تشكمه يقول...

وبما انى بالى مش هقدر احطم السكور اللى انت عملته عندى ووصت للعشرين فهخليهم 3 ...:))

بدراوى يقول...

الأخت العزيزة
شعب حكومة شيما

مش انا قررت البوست ده ارد على التعليقات
:-)
مقولتليش ايه رأيك فى كلام اسامة بين السرايات
؟!
---
بخصوص الأخ بوجى
هو انا برده معجبنيش بوجى الثانى
بس كل ما اسمع اغنية شيرين
الاقى عنيا اغرورقت بالدموع
:-(
---
اه شوفت فزورة هشام و فزورة عمرو خالد
و كريزة ضحك مع شوية شتائم
على ارتفاع فى ضغط الدم حصللى
-----
الإعلانات
يا ساتر يا ساتر
يا عبد القوى
و القوى ليه اللى اقوى منه
و ربنا فوق كل ظالم
--------
الله يخليكى انا عارف
انه بوست جميل مش محتاج شهادة من حد
شايفة التواضع
-----
بخصوص التعليقين الثانيين
تعليقات حضرتك نبرة من الشعر الحر
و نزعة من الوجودية المتحضرة
تعليقات سيادتك تؤرخ يا فندم

ستيته حسب الله الحمش يقول...

1- اكره بوجي منذ العهود القديمة واجده سبب تخلف أجيال مصرية متتابعة وعليه طبعا مشفتش الجديد عم يجول إيه

2- عماد الدين أديب من المصريين النادرين اللي عملوا احاديث حصرية مع شلاضيمو
تفتكر العلاقات والمصالح كانت هي اللي بتتكلم .. والا الحب العذري؟
هو ومفيد فوزي لما يتكلموا وياخدوا المظهر الجدي المحترم "تف" ثم استغفر وأقفل التلفزيون

3- اه عبد القوي اللي بيقنطر الدفاتر هو الوحيد اللي عارف مصلحته
لو كان عبد القوي موظف كانت اتاخدت منه قبل ما يقبض السحاتيت
والا اعلان وزارة البترول
"خير بلدنا لولادنا" اعلان طويل عن الغاز المصري اللي مغرقنا لدرجة اننا بنشم غاز بدل البنزين والكولا

4- اسامة سرايا؟؟؟؟؟؟؟؟؟؟
وقدرت تعملها وتنقض صيامي سنة
انا أقرأ لصحفي الصحافة القوقية "لأنهم بيوقوقوا زي البوم ورا اسيادهم" مين بيصدقهم والا لسه بيقرأ لهم يا عزيزي
ناقص تقول لي على مقالته اللي امتدح فيها انجازات 30 سنة والرخاء اللي بيشر على نفوخنا
استغفرك ربي واتوب اليك

5- انا معاك مية في المية

6- من كام سنة كده انا فاكرة كليب اغنية لواحدة عندها 100 سنة شادة ونافخة للصبح وبترقص ببدل رقص اقسم بالله العري يمكن يكون استر منها .. افتكر انها الحاجة الشيخة لوسي
ربنا يهدي العاصي ولا يجعلهم فتنة تشر فوق نفوخنا وينجينا من المهالك وزمن العجب ده

ادي بوست تحية للسيد أحمد وسمعني ضرب النار


3-

الشعب لابد له من حكومه تشكمه يقول...

لالالالالا هترد على التعليقات..استنى استنى هيغمن عليا..:)عذرا للتأخير كنا بنتسحر..
اسامه سرايا!!!!!دا ايه ده اللى قراله ده كمان انت هتهرج ولا هتهرج بص يا احمد انا اخر مقاله قريتها فى جرنال حكومى كانت فى الاخبار لمستر كات(القط) وكانت فى عيد ميلاد الرئيس لما عدد انجازات الريس اننا بعد تليفون ابو قرص بأينا ماشاء الله الله اكبر عندنا 010 و012 شايف الانجازات:))
فمليش طقطقان اقرا للناس دى الله يخليك ليجيلى شوجر وانا لسه صغننه:))

وانت بتسمع شرين بيحصلك ايه؟ههههههههه اغرورقت بالدموع طب اباه حط تحتيهم كبايه علشان الحته متغرقش اللى انت قاعد فيها:))

مش محتاج شهاده حد!!!!!!!! اممممممممم ربنا يسامحك انا صايمه ومسمحاه يارب بس راضيه اخد من حسناته يوم القيامه:) دا باه قمة التواضع والتسامح منى:))

اخيرا تعليقاتى التى تؤرخ قطره فى بحر تعليقات سيادتك اللى عندى يا افندم احنا تلاميذ فى مدرستك:)
كفايه كده باه اصلى حاسه انى بأيت رغايه موووت اليومين دول كل مدخل عند حد اكتب كومنت صفحه:))

بدراوى يقول...

دكتورة ستيتة حسب الله الحمش
----------
هو معظم الكارتون و مسلسلات الأطفال
و برامج الأطفال بتجيب تخلف حاد
فعلاً ، الإعلام المصرى بصفة عامة معمول عشان كدة
---------
عماد اديب موافقك فى كلامك
---------
اه شوفت اعلان الغاز الطبيعى
و افتكرت تصدير الغاز لإسرائيل
بتراب الفلوس

بس فيه اعلان سكك حديد مصر
شوفته برة جميل بس مش واقعى اوووى
----------
القراية ليهم مفيدة جداً
فى انها مسلية و مضحكة
و بتكشفهم
و انا قاصد من كلامه
ان اركز على مدى تفاهته
لدرجة اعتبار دخول المية انجاز تاريخى
!!!
-----
اه لوسى صاحبة الأغانى العارية
التى قالت بالفم المليان
انا معنديش عيب فى جسمى عشان اخبيه
!!!!

بدراوى يقول...

شيما
----
ممتاز ظاهرة تنفرد بها مصر
ثروة قومية
-----
حبقى اسمع الأغنية و انا كاتم الصوت
:-)
----
ان لقيتيلى حسنات اساساً
هههههههه
:-)
---------
الرغى ده معناه انك صايمة
فعلاً
:-)

حررروووف يقول...

انت عارف بج قلت نفس اللي شيفاة انا مش بتفرج ع بوجي دة الاول قلت بوجي وجة ورمضان وادور ع قنوات وقلت حيجي بقا ساعه الفطار زي زمان ملقهوش الاقيه بعد كدة ومش عجنبي خالص بس افتكرك عم شفشق ههههههه وزيكا والاسامي ورحت مغيرة القناة
بوست جميل اوي

adel يقول...

1-بوجي زمان افضل كتير قوي قوي
الجديد عاوز الحرق

2-مين يشهد للحرامي غير خريج السجون

3-ياساتر ياساتر من بدراوي الشاطر

4-ايه ده هو احنا عندنا مايه في كل القري
احمدك يارب

5-الحمدلله مش بتفرج علي ده او علي ده

6-ياعم هو في خمور بجد ؟؟هههههه
دول بيشربوا فيروز .... وكمان لوسي تحافظ علي شعور الصائمين ... ازاي يعني ؟؟؟

تامر علي يقول...

بوجي وطمطم مرتبط معانا بالطفولة ..فلايمكن اعادة صياغته لأنها خلاص .. رااااااحيييييييت .الطفولة يعني:)

البيت بيتك برنامج موجه والهدف منه محاولة فاشلة لمسايرة الفضائيات التي جذبت الناس للحقائق


لوسي مين ياعم بس احنا صايمين:))))))
الحقيقة انا احب اضيف هيا كانت رقاصة وبترقص :))
عاوز ايه بعد الرقص ياعم بدراوي للحفاظ على القيم

تحياتي

أم مالك يقول...

انا قلت لازم اروح ازوره فى المدونة
واشوف البوست اللى منزله
واولا احب اقولك يااحمد ازيك وعامل
ايه واخبار الصيام معاك ايه؟
يارب تكون بالف خير
انا مش عاوزاك تعتذر علشان التعليق عند ستيتة لاانا اتضايقت ولاحاجة
بالعكس انا بعتبر التعليقات مكملة
للبوست ولازم كل واحد يقول وجهة نظره
واكيد احنا بنستفيد
بالنسبة للبوست بتاعك اقولك
بوجى وطمطم الجديد صورة باهتة وطبعا
لاحظت ده من الاعلانات اللى قبل رمضان
لان فى رمضان مش لاقية وقت خالص
للتليفزيون الوقت ضيق والمطبخ والاكل
والصلاة وبعد التراويح الشحن بيخلص
عماد الدين اديب اكبر اعلامى ماسح جوخ
للرياسة ولكنه كعادته يعملهابطريقة
حرفية هايلة لكن على مين
طبعا خيبة كبيرة من الصحفى اياه انه
بيتكلم على وصول المياه لكل انحاء مصر
بانه اعجاز عالمى واحنا بلد النيل
وبالنسبة للوسى ربنا يهدى ونعم الاخلاق
شابف دردشت معاك اد ايه
علشان تعرف ان من ناحيتى مفيش حاجة
وانى اعزك مثل اولادى ياابو حميد
ر بنا يكرمك ياابنى ويكتب لك كل الخير
تحياتى

بدراوى يقول...

حروووف
----
اه مش حلو خالص
و باهت ،

شكراً لمرورك
-------
adel
---------
هو مين الحرامى و مين خريج السجون
؟!

مقصدش خمور بجد
اقصد الفكرة نفسها
اه هماه بيمثلوا انهم بيشربوا خمور
لكن الفكرة بقت مملة
كل مسلسل لازم تلاقى البطل يخلص شغل
و يروح بيتهم يطلع ازازة
و يديها
بدون اى سياق درامى
بقوا بيشربوا زى المية
------
تامر على
-------------
الا ليت الطفولة تعود يوماً

البيت بيتك موجه درجة اولى
بس فاشل بعيد عنك
لولا محمود سعد
كان وقع
بس حتى محمود سعد بقى بيقدم حلقات سطحية فى رمضان

ليس بعد الرقص ذنب
--------
ام مالك
-----------
انا تمام الحمد لله
و شكراً لمرورك

بوجى الجديد
اجماع فى التعليقات انه وحش

اه عماد اديب بيفلسف الأمور
بشكل غير طبيعى
و بيقول كلام ممل

انجاز تاريخى
امال بقى النووى يبقى ايه
لما يحصل
لما وصول المية لكل القرى بقى انجاز
!!!

لأ لوسى اخلاق اخلاق

اميييين يارب

د. ياسر عمر عبد الفتاح يقول...

والله يا عم بدراوي
بصفتي راجل كائن لا تلفزيوني
فأنا بصراحة حاسس إنك بتتكلم عن دنيا تانية
لأني بشوف الناس بتتكلم عن البيت بيتك ده وعمري ما شفته
وكمان أنا كنت طفل معفد ومكنتش متابع بوجي وطمطم ,, فبرضه مش هتفرق معايا إنهم يغيروه أو لا ,, لأني معرفش القديم أصلاً
وكمان أنا معرفش مين عبد القوي بتاع الضرايب ده ,,
أنا فكر إني شفت إعلان ضرايب مره بتاع واحد كده كان عمال يقول ’’ ولسه ولسه .... هوه ده؟

أما لوسي ,, فليس عليها حرج زي الأخت الكريمة فيفي عبده والأخت الأكرم منها دينا ,, ربنا يهديهم

شفت قد إيه أنا كائن لا تلفزيوني معقد
وكمان مكلكع ,,

أحلام حقيقية يقول...

من اسباب مقاطعتى للتليفزيون فى رمضان حرق الدم اللى ممكن يجيلى والشلل من كل حاجة بتتعرض فيه علشان كده وفرت احسن ومش بسمع تليفزيون من زمااااان
اما بوجى وطمطم مسمتعتش ولا حلقة ومن قبل ما اسم كنت حاسه انه هيفشل المسلسل خلاص الزمن بقى غير الزمن والاطفال اتغيروا مش زينا زمان لما كنا بنسمع اى حاجة وخلاص
وجمال مبارك ده موصوع كبير وحرق دم اكبر ومش هتكلم فيه
والباقى نقول ربنا يهدى ويصلح احوالهم يارب

فتاه من الصعيد يقول...

على فكره انا شفت دقيقه من بوجي وطمطم ..... وموش قدرت استحمل صوت بوجي ولا طمطم الغريب ده ..... وولاد اختي ولا بيعبروه ...... بس هو خاسس فعلا

حبيب قلبي جيمي ما بيعرفش يقول كلمتين على بعض ..... وملوش كاريزما اصلا .... ولو بقي زعيمنا المفدى انا هسيبله البلد واطفش .... يشبع بالعزبه بقا

بالنسبه للمقال ..... فلاول مره تنجح حكومه في توحيد كلمه كتاب المعارضه والقوميه على انها حكومه بايظه وفاشله وهبله وعبيطه .... واللهم اني صايمه

بالنسبه للوسي .... فاللهم اني صايمه برضه

بدراوى يقول...

د.ياسر عمر عبد الفتاح
-------
و انا قربت ابقى كائن
غير تليفزيونى
بحس ان خلايا المخ عندى
بيحصلها ضمور
منه
اجدع حاجة
تقرا كتاب ينفعك
--------
أحلام حقيقية
------------
حرق دم كثير اوووى
رمضان كريم عليكى
و بعد الشر من حرقة الدم
--------
فتاة من الصعيد
----------
مروة

فعلاً انيميا
واضح انه جاله تلوث
:-(

بس شوفتى اديب
غلط ازاى و قال
طبيعى ترد على اللى اسمه
فلان مبارك
!!!
مشكلة جمال انه ابن الريس
و ده يقطع بأنه فرصة فى الإنتخابات
ستكون غي نزيهة
حيث سيحدث حشد اعلامى
و استغلال لإعلام الدولة
للتطبيل له
و هذا يحدث من اليوم

حكومة بايظة
بس اللى قاله سرايا
ذلة لسان على فكرة
هو حيتقرصله ودانه

لوسى
اللهم ما انى حكون فاطر
بعد 20 دقيقة من الأن
:-)

Soul.o0o.Whisper يقول...

بصراحة مش عارفة أقولك ايه يا بدراوى

أصلى بصراحة قلت أحافظ على صيامى ، و كفى الله المؤمنين القتال

فمش بتفرج على حاجة والله حقنا للدماء يعنى ...

بس معاك حق اننا بنحن للماضى و بنفتكر احلى ما فيه ، لأننا شايفين ان النهاردة دايما اوحش من امبارح

.......................

أما بخصوص البوست اللى فات
فالكلام اللى بالبنى فدا كلام الشيطان
و الكلام اللى بالزيتونى دا كلام آدم

و دمت فى رعاية الله

عاشقه وغلبانه يقول...

هانتكلم عن نقطه نقطه
بالنسبه لبوجي وطمطم فانا كنت متشوقه جدا جدا اني اشوفه ويفكرني بايام طفولتي بس ماخبيش عليك اول ماسمعت صوته ومش لاقيت يونس شلبي قولت استوب ده مش اللي انا اعرفه ومش عايزه اتابعه ده زيه زي حاجات كتير في حياتنا اتغيرت للاوحش
الله يرحمك يايونس ياشلبي
وياليت الطفوله تعود يوما
اهئ اهئ


بالنسبه لاعلانات الضرائب فانا بتسائل نفس السؤال بس زود عليه ايه علاقه السيراميك والعربيات والاجهزه المنزليه وتحديد النسل برمضان
ولا ده نوع من انواع الزن علي الودان امر من السحر


شئنا ام ابينا جمال مبارك هو الرئيس القادم
انا ماعنديش اي ماع وربنا انه يبقي رئيس بس ده لو هايطور ويبني ويعمر ويصلح حال ما افسده الدهر وخيبه الامل راكبه جمل وبس خلاص

لوسي دي رقاصه قادره
انتي ناوي تفطرنا
استغفر الله مش هاكمل ياسيدي
ههههههههههههههه

اشكركم لحسن استماعكم والي لقاء اخر

فشكووول يقول...

السلام عليكم بدراوى باشا

كل عام وانت بخير

تصدق يا بدراوى ان السبب فى تخلف المصريين وعبطهم هو بوجى وطمطم سواء بيونس شلبى او من غير يونس شلبى

اما بخصوص المسلسلات الراقصه لوسى والله لم ارى مسلسل واحد هذه السنه لانها كلها مسلسلات تجيب التخلف والجهل

وعلى فكره الفوازير مقصود انها تكون سهله وهايفه ... ودا لاغراض تجاريه ... عشان الفوازير السهله بيكون كمية اللى يعرفوا حلها كبير جدا وبالتالى يكون عدد الاتصالات كبير جدا وبالتالى العداد بتاع التليفونات يعد والفلوس تكتر ... مقصوده يا بدراوى لكن لو فزوره تقيله ما حدش ح يعرف يحلها الا اتنين او تلاته وعدد التليفونات مش يكون كتير وبكدا تبقى الشركه خسرانه

عرف السر فى ان معظم الفوازيز سهله ... عشان التليفونات تكتر وفى الاخر واحد بس اللى حيفوز سواء صعبه او سهله دا لو كان فيه حد بيفوز يعنى

تحياتى بقى

غير معرف يقول...

السودان أرض مصرية

لم يعد مخطط تقسيم السودان إلى دويلات – بالأمر السري الذي تتداوله أجهزة مخابرات الدول الكبرى بل أصبح متداول فى وسائل الأعلام الأوروبية و الأمريكية . فالسودان سيتم تقسيمه إلى خمسة دويلات هي : دارفور ، جبال النوبة ، الشرق ، السودان الجديد ، السودان الشمالي والمقصود بالسودان الجديد – بداهةً – جنوب السودان. ويهدف هذا المخطط لخدمة "إسرائيل" أولاً وأخيراً، وحرمان العرب من أن يكون السودان الغني بأراضيه الخصبة وموارد المياه "سلة الغذاء العربية"، ومحاصرة واستهداف مصر، بالتحكم في مصدر حياتها، أي مياه النيل، ودفعها لأن تضطر إلى شراء مياه النيل بعد اجتراح قوانين جديدة بتقنين حصص الدول المتشاطئة القديمة والدويلات الجديدة.


ارجو من كل من يقراء هذا ان يزور ( مقالات ثقافة الهزيمة) فى هذا الرابط

www.ouregypt.us

Sharm يقول...

و في حاجة فضلت على حالها عشان بوجي يفضل على حاله ؟

حـــلـــم كــــان يقول...

بوجى وطمطم مفهاش غير اغنيه شيرين
بتفتكر بوجى وطمطم القديم بصوت الروعه يونس شلبى وكمان هاله فاخر
دى كان عالم تانى

اما العلانات ففى مجموعه من الاعلانات السخيفه ذى بتاع الضرايب ده وبتاع الاستثمار الممل
وكالعاده ذى مابيكون فى سباق على المسلسللات بيكون فى سباق على الاعلانات الممله

اما عن البيت بيتك فانا مش بتبعه من الاساس

دمت

بدراوى يقول...

Soul
-----
عندك حق فى كلامك
كله
التليفزيون بقى يجيب خنقة شديدة
و شكراً على التوضيح بخصوص البوست
اللى فات
-----
عاشقة و غلبانة
-----------------
نورتى المدونة

بخصوص بوجى
عندك حق
يا ليت الطفولة تعود
فعلاً

بخصوص جيمى
لو كان فى نيته يطور
كان طور من دلوقتى
بلا نيلة

انا مشكلتى الوحيدة مع اعلانات الضرائب
-------
استاذ فشكوووول
ازى حضرتك

و عليكم السلام

و حضرتك بالصحة و السلامة

بوجى و طمطم
رأيك من رأى دكتورة ستيتة

فعلاً تخلف حاد و جهل شديد

بخصوص الفوازير بنحب نتصدر فى الهايفة

تحياتى على تحياتك
بقى
:-)

بدراوى يقول...

غير معرف

شكراً لرأيك اللى حقوم بوضعه
فى بوست
--------
Sharm
------
نورت المدونة
و عندك حق
------------
حلم فكان
-----------
بوجى و طمطم
كانوا حاجة ثانية

و لا اعلان سكك حديد مصر
!!!

كويس انك مش بتابعيه

دمتى بود