الثلاثاء، نوفمبر 24، 2009

كفاية غنا

عاوز اقول لكل المطربين اللى عملوا اغانى وطنية الشهر ده
بمناسبة الماتش و ما بعد الماتش
كفاية غنا بقى كفاية غنا علينا قرفتونا و زهقتونا
مشبعناش غنا و كلام اغانى مكرر
مشبعناش غنا و بس
كفاية بقى جتكم القرف كلكوا

---------------------
الكرامة هي صناعة بلد حقيقي..
يشعر فيه المصري بالأمان والعدل والمساواة..
بلد لا منصة أغان


وائل عبد الفتاح - الدستور
لينك المقال

هناك 32 تعليقًا:

الشعب لابد له من حكومه تشكمه يقول...

هههههههههههههههههههه احمد سمعت اغنيه هشام عباس الجديده,الى قاعد يعدد فيها ويقول اه ياغاليه اه ياغاليه اه ياغاليه,قاعد يندب وانتو نسيتو التضحيات..
هى حلوه بصراحه بس اول لما سمعته وهو بيقول اه ياغاليه تحسو بيندب ...

انت زعلان على اغانى الماتش طب اصبر فى اغانى نازله دلوقتى عن الجزاير ومصر وان مصر كبييره ااااااااااد كده.:)
اصبر اصبر.

بدراوى يقول...

انا يا بنتى بقالى اسبوع بتحنق اغانى وطنية قديمة بتتغنى لشوية لعيبة
و ده شىء يغيظ اوووى لما اغانى الشهداء
تتغنى لشوية لعيبة
سواء اتفقنا فى اهمية الكورة أو لأ
بس مقدرش اشوف اغانى وطنية بتتعمل لحرب حقيقية بتتغنى لماتش

ده غير بقى الأغانى اللى نزلت الأسبوع اللى فات
حماقى
و هشام عباس
و شيرين
و محمد فؤاد
اللى اغنيته حلوة بجد
بس وكسنا لما طلع يعيط
بس كل ده غنا علينا
انا حطق بجد قرفتونا بجد جتكم القرف كلكوا
خصوصاً اغنية هشام و حماقى
حاجة الصراحة اخر قرف

كلمات من نور يقول...

خليني أضحكك يا بدراوي

الأيام اللي قبل الماتش كل ما الاولاد يفتحوا القناة الرياضية ومتسألنيش أي قناة ألاقي أغاني وطنية قلت الله هو إحنا حنحارب؟؟؟؟؟ وعنها إحساسي مخيبش ...شوف احنا شعار حياتنا الغنا والكلام وداه مع الأسف آخرنا والعاقبة عندكم في المسرات

فتاه من الصعيد يقول...

اغنيه اه يا غاليه حسستني اننا بنحتضر خلاص .... حلو التصعيد ده .... ما كنتش اعرف ان كرامتنا غاليه وبلدنا غاليه كده .... بس خلاص عرفت قبل ما اموت ..... لاني شكلي هموت من الغيظ قريب

ممكن طلب .... موش عارفه احمل فيديو من الكمبيوتر للبوست بتاعي .... لو تعرف ممكن تشرحلي

تحياتي

لقد خلقنا الله احرارا يقول...

هو الغنا حكايتين زى ماانت قلت
ازاى تتغنى اغانى وطنية فى مباراة مهما كانت اهميتها
الاغانى دى فعلا مرتبطة بلحظات بطولية
لعيبة الكرة مهما عملوا مش هيوصلوا ليها

الخلاصة
الموضوع بكل تداعياته خد اكتر من حجمه

الاغانى الجديدة والسريعة دى مش بحاول اسمعها من اصله
اصل انا دقة قديمة حتى فى الغناء الوطنى


المقال ممتاز
تسلم ايديك
على الاختيارات الموفقة

مواطن مصري يقول...

هستدعى كلة صلاح جاهين
بدل ما نغني عن الشعب غنينا علهم

الكرامة نسردها في الداخل اولا

bos bos يقول...

ههههههههههههههههههههه

أعمل زيى وبطل تسمع تليفزيون لأنه بقى يجيب الضغط بجد

ستيته حسب الله الحمش يقول...

هو احنا حيلتنا من أيام أسبرطة القديمة غير الغنا؟
بنستعيض عن الشغل الصح بالغنا
وبنغني على بعض
بينما العالم ولا بيسمع لينا حس ولا بيشوف غنانا
خلي المغنوتية يغنوا
دول هم اللي فاتحين بيوت البلد
تحياتي يا بدرا

dr.lecter يقول...

ماينفعش نبطل غنا احنا بنغني علي روحنا من 29 سنه والحمد لله ومافيش فايده

ادي اخره الغنا اهو جابنا لورا ولله الحمد والمسخره بقينا نغني لولاد الريس

لقد خلقنا الله احرارا يقول...

كل سنة وانت طيب
السنة الجاية ان شاء الله تكون حققت كل احلامك

الزنارى يقول...

صراحة أعجبنى هذا الأمر
لكن لا بأس
وجهة نظر تحترم
مع خالص الاحترام و التقدير
أحمد الزنارى

د. ياسر عمر عبد الفتاح يقول...

يا عم كرامة إيه بس
واللي اسرائيل بتعملوا فينا كل ده
مكنش بيهين كرامة المصريين

خليها على الله
وقلهم يغنوا ,,
اصل الغنا ده بيتوه الشباب ويسطلهم
وهو المطلوب

donya يقول...

مساء الخير

لازم احنا نغني لهم
يااهل المغني دمغنه وجعنا دقيقه سكوت لله



كل سنه وانت طيب

تحياتي

م/ الحسيني لزومي يقول...

كل عام انتم بخير
تقبل الله منا ومنكم صالح الاعمال

فشكووول يقول...

السلام عليكم بدراوى
عيد سعيد وعمر مديد اعاده الله عليك بالخير واليمن والبركات .. وكل عام وانتم بخير وسعاده

norahaty يقول...

سيبهم يسترزقوا
يااستاذ بدراوى
ايامهم دى خليهم
يطبلوووووووووووا
كمان وكمان والاعادى
تنجح وتتفوق واحنا بنغنى
ياااااااااااااااحلاوة كسبنا:)

سمسم/سما يقول...

السلام عليكم
كووووووووووول سنة وانت طيب
ويا ربي ينعاد علينا بالخير
جميــــــــــــعا

الشعب لابد له من حكومه تشكمه يقول...

قلت اجى اعيد عليك فى مدونتك:)
كل سنه وانت طيب يا احمد وعيد سعيد عليك ويفرحك دايما:)

يوميات شاب منوفى يقول...

كل سنة وانت طيب يابدراوى وتكون بالف صحة وسلامة وياعم الحاج سيبهم يغنوا امال هيضحكوا علينا ازاى
ياهل المغنى دماغنا وجعنا شوية سكوت لله

حنين القلب يقول...

كل سنه وانت طيب
وعيد سعيد عليك وعلى اسرتك الكريمه

عاشقه وغلبانه يقول...

ماتسيب الناس تغني ياعم
وبعدين خليك في جهازك اللي مش بيفتح مدونتي
امسح كوكيز ولا غير النسخه


كل سنه وانت طيب يابدراوي
وشككرا علي اهتمامك وتهنئتك اللي سبتهالي عند شيما وهي بدورها جت نقلتها وطلبت اجره التاكسي
ياريت تبقي تدفع:((

فتاه من الصعيد يقول...

كل سنه وانت طيب يا بدراوي .... انت وكل الاسره

تحياتي

عاشقه الرومانسيه يقول...

كل سنه وانت طيب يابدراوى باشا
(:
كل فته ولحمه ورز وبطل تسمع اغانى
هترتاح
ههههههههههه

اسماء واحلام فى وجدانى يقول...

ازيك يا راجل يا طيب
كل سنة وانت بصحة وبخير دايما يارب
كل سنة وانت طيب يا ابو حميد

الفراغ يقول...

ازيك يا بدراوى
انا قلت اجى اهنيك بالعيد طالما انت مافكرتش فيا
كل سنه وانت طيب وعيد سعيد عليك

micheal يقول...

هي وصلت لوردة كمان
يلعن أبو أم الشوفينية
كله بيركب الموجة يا بدرو
كل سنة وانت طيب
عيد سعيد

قلم رصاص يقول...

سيبك انت من كل اللي بيحصل ويرفع وينزل الضغط

واقولك : كل سنة وانت طيب

وعيد سعيد عليك

Sonnet يقول...

معك حق
كفاية غنا
فليعملوا قليلا
عيد سعيد على الجميع
http://shayunbiqalbi.blogspot.com/2009/11/blog-post_6001.html

ঔღঔ نـــوارة ঔღঔ يقول...

ههههههههههههه

انا مسمعتش الا اغنية او اتنين مش متابعة :]

كل سنة وانت طيب :)

عيد سعيد عليك وعلى حبايبك

سبهللة يقول...

شوف انت قلت اللى انا عيزة اقوله لما سمعت شرين وجدى بتغنى الاغانى بتاعة حرب 73
اللى غنيناها لما عبرنا
بتغنيها لحتة ماتش كورة لا راح ولا جه وحتى ول كنا كسبناه ما كناش هناخد كاس العالم
وحتى لو اخدنا كاس العالم ما كانش يصح اننا نغنى اغانينا الوطنية اللى غنيناها لما عبرنا وجاهدنا فى سبيل الله
ما يصحش نغنيها عشان حتة ماتش كورة

مهندس مصري يقول...

:)

اسماء واحلام فى وجدانى يقول...

ازيك يا ابوحميد
انا جايلك النهاردة فى طلب عاجل وياريت تقدر تحققه لى
كنت عايز رقم تليفون عم فشكول عشان اطمن عليه بنفسى انا عارف انك قابلته قبل كده باتمنا بجد انه يكون معاك