الاثنين، أبريل 28، 2008

شم النسيم

شم النسيم
عيد الزهور
عيد الورود
عيد الربيع
شم النسيم
و بيض جميل
ملونينه بأجمل الألوان

احمر و أخضر و أصفر
الأحمر بلون الحبايب
الأخضر بلون
الجناين و الشجر
و لون البصل
الأصفر عصفور كناريا
نقول سبحان اللى خلقه
يفضل يصفر يغنى
ما بين الجناين
شم النسيم
بعد الغروب
يحلى السهر
على القهاوى
و الحكاوى
و السمر
و صبايا و بنات
ساهرات
فى البلكونات
على ضى القمر
فى انتظار
راجل يمر فى شارعهم
يشبك واحدة منهم
يمكن ساعتها
يلحقوا قطرهم اللى فات !!
شم النسيم
و ضحكة الأطفال
الصافية البريئة
و جريهم فى الجناين
شم النسيم
فى قعدتنا
على النجيلة
و نحبس بشاى
بعد أكلة تقيلة
شم النسيم
ده عيدنا
و لا حد
يمنعوا عنا

ليست هناك تعليقات: