الأربعاء، يوليو 15، 2009

انقلاب + تحديث

تحديث
-----
قررت عدم قصر المدونة على المدعوين فقط
و جعلها مفتوحة للكل
و هذا قبل قراءة تعليقاتكم التى طلبت عدم جعل المدونة للمدعوين فقط
و هذا لأننى تذكرت ان لى اصدقاء ليس لديهم اى حساب على موقع جوجل
و بعضهم يعلق احياناً بصفة غير معرف
و بعضهم يكتفى بالقراءة و يقول لى تعليقه على اى طريقة تواصل أخرى
و بهذا سوف يكون قرارى عمل اشراف على التعليقات

اسمع الأن من يقول
ايه ده خلاص نويت تعمل اشراف و مراقبة
؟!
ههههههههههههههههههه


ما عاش اللى يزعلنى لا اشراف و لا مدعوين
ههههههههههههههه

اللى يضايقنى اشيل تعليقه بكل بساطه
التعليقات بدون اشراف و نرجع لوضعنا الطبيعى تانى

و بالنسبة للتعليقات على هذا البوست حنشر منها فقط
من ليس فيه بريد الكترونى
و الباقى من فيه مجال للكلام حنشره مرة اخرى بنفسى بعد حذف البريد الإلكترونى .
------------------
أنا أسف لإضطرارى غلق التعليقات على البوستين السابقين
لسبب انى فيه أخ بهائى دخل علق و ساب لينكات ترويج لما يعتقده

و انا رافض تكون مدونتى سبب فى الترويج لعقيدة كلنا رافضينها
انا اه بحترمهم كمواطنين مصريين من حقهم الحصول على كل حقوقهم
لكن مش لدرجة ان اكون سبب بدون قصد فى الترويج لمعتقد مرفوض


و لهذا سوف أضطر لغلق المدونة و عملها بدعوات فقط
فأرجو كل مدون يترك بريده الإلكترونى فى تعليق
عشان ابعتله دعوة


و حعمل اشراف على التعليقات عشان لو فيه اخت مش عايزة حد يعرف ايميلها
و احب اؤكد لهن ان ايميلاتهم حبعت بيها دعوات فقط لا غير و حلغيها بعد كدة من عندى
عشان لو فيه اى أخت مش حابة تديه ايميلها لأى حد .


و بعد كدة حفك الإشراف لما تبقى المدونة مقصورة على ناس معينة بس .
و ياريت لو حد عنده حل تانى يقوللى
لانى مش بحب اعمل اشراف على التعليقات


و دمتم

هناك 21 تعليقًا:

Unknown يقول...

اعمل بس مديريت علي الكومينت من غير اي حاجة

و اللي يعجبك انشره و الاعلانات دي ارفضها

و بكده كمان هتعرف لو حد سابلك كومينت علي بوست قديم

هتعرف تتابع التعليقات علي القديم و الجديد

مديريت كومينتس ميزة كويسة و جميلة مش وحشة زي مانت فاكر

مواطن مصري يقول...

متنسانيش في الدعوة انا قوللتلك اهو

الشعب لابد له من حكومه تشكمه يقول...

مممممممممممممم بص ارجع واقولك انا بتكلم من وجهة نظرى واضح اننا مكتوب علينا نختلف:(
اولا انا مش بحب خااااااااالص موضوع المدونه اللى بدعوات دى:(
ثانيا ودا الاهم مش بحب اكتر موضوع الاشراف على التعليق ونادرا لما تلقينى برد على حد بيعمل كده الا لو فى حاجه عجبتنى اواجبرتنى على الرد عارف ليه؟ انا مره رديت على مدون كان عامل كده ولانه معجبوش رأى فى حجات قايلها راح معدل فى كلامى وشال الكلام اللى مش عاجبه..بجد اتعصبت جدااا وبحس ان فى حد رقيب على كلامى يعنى لو عجبه يذيع معجبوش ميذعش..
ندخل بأه على الحلول:
اولا ليييييييه انت متحذفش التعليق وببساطه,ثانيا انا لو مكانك وبصراحه كنت سيبت تعليق البهائى ده,دى فرصه وجاتلك لحد عندك وبدل متشيل ذنوب هتكسفه ادام البشر قولى ازاى؟ اقولك فى ببساطه حلقه للشيخ محمد حسان بيتكلم فيها عن البهائيين من اول نشاتهم لحد دلوقتى ومفصصهم وفاضحهم حته حته كنت تقدر تعمل حتى ريسيرش على راى العلماء اللى بتثق فيهم وتدخل ترد عليه انت وتكسفه وتحرجه ..
بس برضه دى مدونتك وانت حر شوف هتثبت على ايه وامرى لله اجيلك سواء دعوه او اشراف:(
بس ياريت تقولنا ثبت على ايه علشان نعرف:)

mimi يقول...

انا من رأيي مش تبقي المدونة
للمدعوين بس ... من رأيي تعمل تمكين الاشراف أحسن ... وتقدر تلغي الكومنت اللي مش مناسب

مش كل الناس هترضي تسيب اميلاتها عندك

وبرده بيكونوا حابين يقروالك

مش عارفة هتعمل ايه ... بس المهم تكتب لنا

ربنا معاك ... بس إحنا اللي عملنا كده في نفسنا قصدي المسلمين

سبهللة يقول...

ممكن تسيبها مفتوحة
وتعمل إشراف على التعليقات زى نوارة
وعن تجربة شخصية بلاش تخليها للمدعوين

وممكن تسيبها من غير إشراف والتعليق اللى انت شايف انه يتنافى مع عقيدتك ومبادئك فى الحياه ابقى اعمله ديليت

واهم حاجة اوعى تزعل نفسك
اصلهم جم عندى مرة زمان وطنشتهم ماجوش تانى
وانهاردة لمل لاقيتهم عندك قلت اما ادخل اشوف فيه ايه عندهم
ودخلت مافهمتش اى حاجة
نوهائى
والاهم ان التعليقات عندهم فى أغلب البوستات
زيرو
او اتنين
والاتنين بيكون واحد زيهم معلق والتعليق التانى رد منهم عليه
بس كدة
ما تحرقش دمك
الله كفيل بهم

Ramy Wasel يقول...

انا كان من رايى ان الموضوع يفضل عادى
وموضوع البهائيه ده قديم
ومش مجال النقاش فيه مع واحد يتعصب للبهائيه دون اقتناع

وهناك الكثير من الكتب لشرح موضوع البهائيه وادعائاتهم
منها كتبا الدكتور مصطفى محمود
حقيقه البهائيه

على العموم

طالما قررت ان تجعل المدونه بدعوات فقط
ولانى وراك وراك
ده ايميلى


ومنتظرين جديدك
ومعلش لو اتأخرت عليك فى الرد خلال الصيف
لظروف العمل
حتى مش لاقى وقت اكتب اى بوست عندى خالص
بالعافيه لو تابعت المدونات

MaNoOoSh يقول...

اعتقد ان حل الاشراف او حذف التعليقات اللي اعتبرتها ترويج لفكر انت مش حابب يتنشر فى المدونة افضل

لكن على العموم لك الحرية فى ان المدونة تبقى محصورة على المدونين فقط

همس الاحباب يقول...

اعنقد انك تسيب التعليقات مفتوحة احسن والتعليق اللى ما يعجيكش احذفه
يس وجهات النظر متباينة فى اغلي الموضوعات
تحياتى وتقديرى

رحلتنا في الحياة يقول...

اييييييييه ده انقلاب مرة واحدة وقرارات عجيبة طيب الحمد لله انك غيرت رايك بسرعة ومعملتش نظام الدعوات ده

mimi يقول...

برافو عليك ... هوا ده القرار السليم

وتحياتي لك

Kalimalhus يقول...

هوه الواحد يغيب يومين يرجع يلاقيك عامل غاغة كده؟.. ههههههههه

أنا زى ماقلتلك إمبارح كنت عايز أعلق على الموضوع الأصلى بس بصراحة لقيت إن مفيش داعى .. مبدأيا لأن كلامك صحيح.. يمكن مش متوازن بمعنى إن الغلط مش كله علينا قوى كده .. لكنه صحيح فى ذاته و أهم من كده صحيح فى الإحساس اللى وراه .. إحساس واحد مهتم إن مجتمعه يبقى أفضل و يتخلص من أمراض العصبية و العنصرية..

بالنسبة للتعليقات .. أنا شخصيا عامل موديريشن .. و ده لأن فى أحيانا ناس بتدخل ترزعك شتيمة بدون مبررات واضحة أو زى ماحصلك ناس تخش و تستخدم المساحة المنسوبة ليك فى أغراض خاصة ماتوافقش عليها.. غير كده أنا شخصيا لا أحذف أى شيئ و لا أعدل فى شيئ..

على أى حال إختار الشكل اللى يريحك إنت بغض النظر عن آراءنا و تأكد إن معظم المترددين على المدونة بييجوا و يعلقوا لأن كلامك بيهمهم مش لأن التعليق عندك سهل أو صعب حبتين..

آخر حاجة و إنت عارفنى رغاى قوى .. بطل كل شوية تتقمص أو تاخد قرارات مفاجئة و تعمل بلبلة للناس.. العملية أبسط من ده كله.. و لو مرة إتضايقت من التعليقات إقفلها خالص و ليك عليا هاهريك ميلات لما أخليك تلغى الميل بتاعك .. معزة بقى تعمل إيه؟

micheal يقول...

موديريشن يا بدراوي يحل المشكلة كلها
تحياتي

كلمات من نور يقول...

ما تعمل موديريشن عالتعليقات أحسن؟؟؟


علشان مش كل حد حاطط إيميله في مدونته

بكده يكون في إيدك مقص رقابي

اللي يعجبك تمرره واللي مش يعجبك طاك طاك المقص يطوله

والا إيه؟

MaNoOoSh يقول...

على فكرة شكل المدونة الجديد ده عاجبني قوي

الشعب لابد له من حكومه تشكمه يقول...

احم احم لا انا بس بشوف فى موديريشن ولا لا:)
ال دعوه ال؟؟؟ عاوز تعرف ميلى قول مش لازم الحركات دى:)) ههههههههههه..
جميل انك سيبتها زى ماهى,نفسى مره قبل مموت اشوفك هاااااااادى من غير قراراتك المكوكيه دى يامستر بدراوى المنفعل دائما..

سارة نجاتى يقول...

تصدق أنى مش فاهمة و لا كلمة خالص يا بدراوى
يا ام أنا جيت زى البوليس فى الأفلام العربى

يا اما أنا اللى شاربه حاجة ( مش صفرة و الله ) هههههههه

هو فى ايه؟؟؟؟؟

غير معرف يقول...

ماعاش ولا كان اللي يزعلك يا بدراوي

انت اعمل موديريشن .... لكن الدعاوي دي موش حلوه

mimi يقول...

فينك ؟

تعليقات تعليقات تعليقات




فيه اختراع اسمه بوستات


يلا ااااااا


مستنيينك

Kalimalhus يقول...

فينك يا بدراوى؟؟

مش ناوى تكتب حاجة و ألا نفسك مسدودة..

قوم طس وشك بشوية ميه و إكتبلنا حاجة..

Kiara يقول...

هو انت كمان حصلك كدا ولا ايه انا هفتح المدونة قريب برده

غير معرف يقول...

تحياتى لك
هو دعوة و ليس تعليق
وضعت رابط يضم 300 موقع ثقافى و أدبى على مدونتى

http://shayunbiqalbi.blogspot.com/2009/07/blog-post_23.html

أتمنى أن يحوز اعجابك
وترسلها لاصدقائك