الأحد، أغسطس 09، 2009

اللقاح التدوينى


الصورة اللى فوق ديه ظل سيادتى اصلى لم اقم بتصوير اى صورة و حينما هممت بالتصوير وجدت ان الشمس
قد تمركزت على رؤوس البشر ، و انها اعطت شكلها سيريالياً يمكن تصويره ، و هذه تعتبر اهم صورة فى اللقاء
و تنافس لوحة ظلال الزيزفون ، و ظلال الزيزفون ليست لوحة و لكنها رواية بالطبع بس متدقش معدش حد بيقرا ،
لو من اليمين حتلاقى ظلى و اعمل نفسك كأنك ماشى من الحديقة .
لو من الشمال حتلاقيك داخل من بوابة الأزهر بارك
من فوق يبقى تروح شباك التذاكر تقطع تذكرة ، من تحت يبقى ابعد من هنا عشان انا واقف بصور دلوقتى
و بعد
شرفت جداً بالتعرف على كل المدونين و المدونيات الذين و اللائى ظهروا و ظهرن
على سبيل المثال لا الفشر
و معلش مش ححط لينكات عشان لسة موصلتش للكل
دكتورة ستيتة
فاطيما
ميمى احتلال - ميماميا
هانى مصرى جداً
صلاح - مسدس صغير
د. ياسر عمر عبد الفتاح - ومضات
و اللى انخرطت معاه فى جدل فكرى شديد
و لكن يبقى الإحترام موجود
و و و و و
..................
الزهايمر اشتغل
ثوانى اقوم اخذ الدوا و اجى
انا جيت
محمد جاليه الباحث عن السعادة
عادل - البلد ديه فيها حكومة
عمنا كلنا صلاح ابو زيد من المحاربين القدامى - فشكول - اللى إتأثر بكلامه
أحمد أبو العلا - مدونة مهندس أحمد أبو العلا
ابااااار اجبت مصطفى - مش عارف اللى كان عامل حسابه على غدا
و لما كلمته قاللى انت مش من الحلف
و طبعاً رامز عباس - اللى بدايتى معاه انى شخطت فيه فى التليفون هو و خالد فودة
بعد لطعتى معاهم حوالى ربع ساعة عشان الاقيهم
اقوله محطة مبارك يقوللى شرق الدلتا
بس ما علينا انا مش ححكى عملوا ايه معايا
ربنا امر بالستر
و طبعاً خالد فودة التاعب مع المباحث
او الباحث عن المتاعب ايهما اظرف
و طبعاً
الأخوات المدونيات
اللائى لم أعرف اسمائهن
-----
و طبعاً الأستاذ مصطفى حسان الشاعر الجميل
اللى ان شاء الله اول ما الاقيه ديوانه حاكله أكل
و لا ننسى
التمثيل المشرف
الاخت العزيزة الشعب لابد له من حكومة تشكمه
اللى دايرة عند كل واحد من اللى حضروا اللقاء
تقول كلمتين تدارى بيهم حزنها الشديد على عدم الحضور
و الذى تبين لى انه ليس حزناً و لكنه غبطة قول
حسد قول قر مفيش مانع
قول اللى تقوله ، اممممم طايييييب
ماشى يا ستى كأنك حضرتى اللقاء
و كل لقاح و انتوا طيبين

هناك 21 تعليقًا:

ستيتة يقول...

حلو الوصف التفصيلي ده
واللي انأح منه الصورة السوريالية البديعة
هههههههههههههههههههه

كل لقاح وانت طيب يا راجل يا طيب

الكلمة نور يقول...

أشم فى البوست رائحة تفاؤل
مسمعتكش متفائل قبل كدا
رغم حالات السخرية التى تنتابك احيانا
تقبل سعادتى لتفاؤلك

رحلتنا في الحياة يقول...

طيب مش هعلق احسن تقول انى غيرانة انى محضرتش اللقاء ولا حاجة P:

فاتيما يقول...

طب الحمدلله يا بدرواى غننا سيبنا إنطباع مش وحش عندك
يعنى المفروض سياستك بقى متسبش الناس اللى إتشرفت بمعرفتك دى كلها و تطفش من التدوين بقى ...
كل الود ليك
و تعالى هنا
إزااااااا تصورنى و أنا كنت مغمضة عينى فى الصورة كدا ؟!!!

مهندس مصري بيحب مصر يقول...

ههههههههههه
كويس

mimi يقول...

أيوة يا أستاذ سيريالي


أسمي مكتوب غلط ... عااااااااااااا

مليش دعوة ... مكنتش عِشرة بيبسي دي

أنا فرحت أوي إني حضرت اللقاء ... واللي مش حضر معانا المرة دي ييجي يقابلنا في رمضان

(وبنطلع له لسانا من مدوناتنا طبعا)

ميمي احتلال ... من خلف الظلال ..
الأزهر بارك

غير معرف يقول...

انتم كلكم ناويين عليا الظاهر ...... كلكم رحتم اللقاء وانا لا :(

طيب يا استاذ احمد احييك على الصوره البديعه والوصف التفصيلي

كل لقاء وانت طيب

الشعب لابد له من حكومه تشكمه يقول...

اه ياوحش بتصيتنى فى البوست!!!!
ماااشى .
بجد والله كان نفسى فعلا اشوفكو كلكو بس انشاء الله المره الجايه:)
بس انامعرفش انك كنت رايح اصلا انا فوجئت انك موجود بس قمررررررر يا احمد ايه الخيال الجميل ده..هيغمن عليا...

adel يقول...

ههههههههه
صورتنا من غير ما نناخد بالنا
ماشي ياعم

ههههههههه
بس بجد سعيد بمعرفتك و باليوم ده :)

د. ياسر عمر عبد الفتاح يقول...

بقي ده جدال عميق
يا رااااااااااجل

اللقاء كان فعلاً جميل
وملحقتش أتكلم معاك براحتي
لأن فيه حاجات كثيرة عاوز أناقشك فيها
ولو مقتنعتش برأيي ,, هقتلك
شفت أنا بتقبل الرأي الأخر ازاي؟

mohamed ghalia يقول...

بااااااااااااااااااشا
ايه ياعم حكاية اللقاح ده
ده اختراع جديد ولا ايه ههههههههههههههه
نورت اللقاء يامان
بالتوفيق دايما

ديالا يقول...

وانا بضم صوتي لصوت شيما وفعلا انا بغبط عليكوا

اهئ اهئ

ايه ده تحضروا وتسبوني

ماشي ماشي

ربنا يوفقكوا يارب

مسدس صغير يقول...

والله سعدت بمعرفتك جدا
يوم جميل
حلوة اوى الصورة
انا ندومت انى مقلعتش النضارة وانا بتصور فيها كانت تبقى احلى
ههههههههه
صح؟؟
كل سنة وانت طيب

تأثير الفراشة يقول...

ماشاء الله ، ربنا يجمع المدونين دايما على كل خير

جميل جدا شرح الصورة

و بجد سعيدة إن اللقاء كان جميل لأن دى حاجة مبشرة ،و بإذن الله كل لقاء يكون أجمل و أجمل

كل لقاء و حضرتك طيب

*البت المشمشية *حلوة بس شقية * يقول...

يارااجل
يعنى مهنش عليك تصور البشر اللى كانو معاك
وبتصورلى خيال لالظل

micheal يقول...

حلو الكلام اللي أنت حاطه فوق بتاع بخيت
:)
كنت أتمني أبقي معاكوا بس مش حينفع
يلا تتعوض
واحشني يا باشا
فينك كده
:)
تحياتي

Kiara يقول...

شكله كان يوم حلو يلا مش ليا نصيب اجي :(

تامر علي يقول...

الصورة مع انها تعطي انطباع انك واقف في عشه مش حديقه إنما سيريالية سيريالية صحيح :))))

والله كان نفسي أحظى بشرف لقاءكم لكن ملحوقة هنروح من بعض فين

تحياتي :)

دعاء مواجهات يقول...

حتى انت يابروتوس

قصدى يابدراوى

مااشى ماشى

بعد كدة تبقى تبلغنى بأى لقاء لو سمحت

سلام

مصطفى حسان يقول...

اتشرفت جداً باللقاء ده وسعدت بمعرفتك جداً واتمنى يتكرر اللقاء ان شاء الله في أقرب فرصة

مصطفى حسان

ستيتة يقول...

فيه طلب لك لو تقدر تساعدنا فيه

انقر هنا
http://mosh3arfa7aga.blogspot.com/2009/08/blog-post_10.html

بتطنش الطلبات وتهرب؟
استحالة
ها تعمل البانر يعني ها تعمله

انت مختفي فين؟ ارجو ان تكون بخير