الجمعة، نوفمبر 20، 2009

مجرد خلاف فى الرأى

الخلاف فى الرأى لا يفسد للود قضية - مقال من أجمل مقالات الأستاذ بلال فضل -
رأيى صواب و رأى غيرى خطأ يحتمل الصواب ، أخالفك الرأى لدرجة اننى على استعداد لأن أدفع حياتى ثمناً لكى تقول رأيك
أصابت إمرأة و أخطأ عمر .

كلها كلمات نرردها و نحفظها و نجعلها قاعدة فى حياتنا و انا اول من رددها للأسف مع معرفتى بشخصيتى التى و إن كانت تحمل الكثير من الطيبة فتساويها الكثير من العصبية و الغضب عند التعبير عن الرأى امام الناس ،

و حاولت ترشيد ذلك عن طريق النت و لكن يبدو اننى فشلت ، فمجرد خلاف بسيط فى الرأى قد يضطرك الى ان تكون سبباً فى ضيق الكثيرين الذين تحمل لهم على المستوى الإنسانى كل مشاعر التقدير و الإحترام و الأخوة .

و هذه مشكلة المدونات و هى شخصنة التعليقات ، فأنت تعرف كل شخص يقوم بالتعليق ماذا يحمل من أفكار قد تتفق معها او تختلف
تعلق عند فلان و فلانة و هو يعرفك و تعرفه - فاهمين دماغ بعض - و لكن فى النهاية الشخصنة تؤدى الى تكوين مجموعة من المعلقين الذين تقدرهم انسانياً و ان اختلفت معهم فكرياً .

احترامك الإنسانى لفلان او علان يجعلك حين تختلف معه فى الرأى تحاول الا تجرحه بطريقتك فى طرح رأيك و لكنك تفشل ، و تظن احياناً ان مجرد انك عارف فلان كويس - على المستوى الإنسانى - يسمح لك ان تسفه من أراؤه او تهينه او تضغط على اعصابه او تفعل كل ما قد يثير غضبه منك .

اما لو كان المعلقين شخصيات غير معروفة - و هذا الذى لا تريده بالطبع لأنك ارتبطت بتعليقات فلان و فلانه التى تسعدك او تجيب لك الضغط لدرجة انك قد تسأل هو فلان بقاله كثير معلقش عندى ليه ؟! -
يجعلك تطلق المجال لتشريحه - اى الشخص الغير معروف - و تقطيع فروته و ذبحه بدون اى شعور بتأنيب لضميرك حينها تكون انتصرت ، و لكنك بالتأكيد ستفتقد تعليقات الأشخاص المعروفين و التى و ان كانت لها عيوب الا ان مميزاتها هو هذا التواصل الإنسانى مع الناس و الذى لا يعوضه اى خلاف فى الرأى لا معنى له امام خسارتهم .

هذا الكلام اقوله لأنى مش عاوز اخسر حد بحترمه و بحترم دماغه اللى بتجيب لى الضغط و مع هذا فأنا
لن أعتذر عن النقاش الذى تم مع احد الأشخاص الذين اعزهم و لكن سأكتفى بأن أقول له حقك عليا و ملعون أبو الخلاف اللى فى الرأى اللى يخلينى اخسرك .

و اخر كلمة فى البوست ده ...........................

النقط ديه كلام كنت حكتبه عشان اكمل النقاش و اشارككم فيه بس قولت خلاص المسامح كريم .

هناك 14 تعليقًا:

zikooooo يقول...

السلام عليك
انا مش عارف المفروض اعلق ولا لا؟

zikooooo يقول...

بس عادي يعني انك تختلف مع حد في وجهات النظر
وده لازم يحصل اصلا الاختلاف ده
بس الاهم اللي بعد اختلاف وجهات النظر

سلااااااام وربنا يوفقك

ستيتة يقول...

انت يا عم بدرا كلامك صح مية مية
وانا أوافقك فيه كله
وعندي رأي في القصة دي
شخصنة التعليقات شيء من الأحكام العاطفية على الأمور العقلانية
ونحن يا بدرا شعوب عاطفية
عاطفتنا في كثير من الأمور "بتلييس" على عقلنا وبتغمي عنينا

وان شاء الله عمرك ما تخسر صديق علشان رأي
لأن الخلاف في الرأي عييييييييييييييييب انه يفسد للود قضية عند الناس الكبار

عاشقه وغلبانه يقول...

خلاص انا مسمحاك يابدراوي بس ماتعملش كده تاني
احنا في ايام مايعلم بيها الا ربنا والواحد علي اخره يعني
ههههههههههههههههه

ربنا يصلح حالك وحالنا وبأذن الله اللي اختلفت معاه يتفهم الامر

الشعب لابد له من حكومه تشكمه يقول...

* و تظن احياناً ان مجرد انك عارف فلان كويس - على المستوى الإنسانى - يسمح لك ان تسفه من أراؤه او تهينه او تضغط على اعصابه او تفعل كل ما قد يثير غضبه منك

ياريت تفهم الجمله دى كويس جدااااا وتعمل بيها,,
الاختلاف فى الرأى شئ مطلوب وعادى ولابد منه كمان,لكن الاهم من الاختلاف فى الراى هو طريقه الاختلاف يا احمد,مينفعش لما تتناقش انك تجرح فى اللى ادامك وتقول انا بختلف فى الراى ,ده كده مش اختلاف..كده تباه اهانه.

ليه اصلا لما نتناقش او نختلف لازم نطول لسانا ,دى حاجه انا عمرى مبفهمها ,وبعدين مش لازم تقنعنى برأيك مش خلاص انت وضحت وجهة نظرك وانا وضحت وجهة نظرى يباه خلاص مش لازم حد من الطرفين يفرض كلامه على التانى...


لازم تتعلم تمسك اعصابك ,علشان صدقنى هتخسر ناس كتير جداا كده,.
عجبنى اسلوب البوست على فكره وطريقته وخصوصا لما اتكلمت على الغير معرف بجد عجبتنى اوى الجزئيه دى.
بس لااااااااااااااااابد من التطبيييييييييييييييييييق

غير معرف يقول...

اعتقد اني الوحيده اللي اي غير معروف بيدخل عندي بيتحول لمعروف هههههههه

بجد في اتنين تلاته غير معروفين دخلوا عندي اختلفوا معايا ثم اتفقنا في الاخر وبيبقوا اصدقاء

استيعاب فكر الاخر شيء ليس بسهل خاصه اذا كنت انت ليك فكر وتوجه معين

احنا لا نعرف كيف نختلف .... معظمنا اذا لم يكن كلنا

كلامك صح .... وموش لازم نخسر حد علشان خلافنا

تحياتي

بسمـــة مســـــلّم يقول...

اولا السلام عليكم اخى العزيز افتقتدكم كثيراااا ولكننى عدت من جديد وبالنسبة لموضوعك انت طرحت الموضوع ورديت عليه اختلاف الرأى لا يفسد للود قضية وتذكرت حكمة لو خيرنا الناس فى امور حياتهم لاختار كل شخص نصيب الاخر ولو خيرنا الناس فى عقولهم لأرتضى كل انسان بعقله ههههههه
وهذه هى الحياة اختلااااف سلااااااااامى لك

د. ياسر عمر عبد الفتاح يقول...

زي ما قلتلك زمان يا بدراوي لما شفتك
إحنا لا نملك ثقافة الحوار أصلاً

علشان كده بلاش نتحاور
لأن دي حاجة مبنفهمش فيها

شوكولاتة يقول...

حلو قوي البوست ده يا أستاذ بدراوي مفيد جدا
بس لو عاوز تعرف قيمة الحوار في مصر اتفرج على برامج التوك شو حاجة تحرق الدم بس والنبي بلاش تتفرج على منى الحسيني لحسن دي مميتة تشل والله

تحياتي

micheal يقول...

بحترم وجهة نظرك يا بدرو
أكيد فيه ناس بيسعدني تعليقاتها زيك بس عموما أنا دلوقتي مش بقفش من التعليقات المختلفة تماما طالما في حدود الادب ولما حد بيتجاوز بقيت أحذف أو أتجاهل الرد بدلا من الإنزلاق لنفس لمستوى
تحياتي

mohamed ghalia يقول...

ياعمنا متقلقش اختلف برحتك ولا يهمك بس رأييى برده هو الى هيمشى ههههههههههه

سارة نجاتى يقول...

و الله ياريت كل الناس لما بتخلف بتبقى زيك كده

و على الرغم أننا مش بنتفق فى بعض الحاجات الا انى بحترم جدا الطريقة اللى بتختلف بيها
لازم طبعا بننفجر ساعات و بنعبر عن رأينا بطريقة همجية بس فى جملة انا كنت كتبتها فى بداية موضوع عندى اسمه
" ان تكون انسان اولا "
الموضوع مالوش علاقة بالخلاف فى الراى بس المقدمة بتاعته ليها دعوة
مفادها : أن الواحد ممكن يختلف مع أى حد طالما الشخص ده مش بيعتمد على منهج متعصب فى رأيه

تحياتى

سارة نجاتى يقول...

فينك يا باشا؟؟

sal يقول...

تدوينة " امتياز "
اما الاختلاف وتعاملنا معه فذاك امر اراه
يحتاج الى مناخ من الحرية والقبول بالاخر والتسامح...ولاننا اسرى لثقافة الاستبداد
والرأى الواحد فيصيبنا منها امراض تكون من اعراضها غياب العقلية النقدية و التعصب والنرجسية الا من رحم ربك...
واول خطوة فى العلاج هو ان نتحدث بشفافية
وصدق حول هذا الموضوع وهو ما قمت انت به
احييك ولك تقديرى