الجمعة، يونيو 05، 2009

اوباما و القرآن الكريم

لا بأس ان يتضمن خطاب الرئيس الأمريكى بعض أيات من القرآن الكريم التى يستخدمها اوباما كقربان للتقرب به الى شعوب العالم العربى و الإسلامى .

لا بأس أيضاً أن تكون الأيات التى تضمنها خطابه أيات جميلة تتحدث عن الإسلام الذى ينهى عن قتل النفس ، لا بأس أن يحدثنا عن الإسلام الذى لا يدعو الى العنف و يسعى الى نشر السلام بين الشعوب و القبائل لتتعارف فيما بينها .

لكن لا بأس أيضاً ان نذكره ان تلك الأيات التى ذكرها ليس هى الأيات الوحيدة فى القرآن الكريم .

سيد اوباما اذا كان الله يقول فى كتابه العزيز :

{مِنْ أَجْلِ ذَلِكَ كَتَبْنَا عَلَى بَنِي إِسْرَائِيلَ أَنَّهُ مَن قَتَلَ نَفْساً بِغَيْرِ نَفْسٍ أَوْ فَسَادٍ فِي الأَرْضِ فَكَأَنَّمَا قَتَلَ النَّاسَ جَمِيعاً وَمَنْ أَحْيَاهَا فَكَأَنَّمَا أَحْيَا النَّاسَ جَمِيعاً وَلَقَدْ جَاءتْهُمْ رُسُلُنَا بِالبَيِّنَاتِ ثُمَّ إِنَّ كَثِيراً مِّنْهُم بَعْدَ ذَلِكَ فِي الأَرْضِ لَمُسْرِفُونَ }المائدة32

لكنه ايضاً يقول
{أُذِنَ لِلَّذِينَ يُقَاتَلُونَ بِأَنَّهُمْ ظُلِمُوا وَإِنَّ اللَّهَ عَلَى نَصْرِهِمْ لَقَدِيرٌ }الحج39

و يقول أيضاً
{وَقَاتِلُواْ فِي سَبِيلِ اللّهِ الَّذِينَ يُقَاتِلُونَكُمْ وَلاَ تَعْتَدُواْ إِنَّ اللّهَ لاَ يُحِبِّ الْمُعْتَدِينَ }البقرة190

أنت تريد اسلاماً منزوع الأطراف اسلاماً يؤمن بمبادىء السلام و التعايش مع الأخر ، اسلاماً يدعو للحوار ، اسلاماً يدعو الى وقف العنف ، اسلام يرفض سفك الدماء ،

اسلاماً لا معنى له يظل يحدثك عن التعايش و ابناؤه يُقتلون كل يوم ليبدو الإسلام كشخص مخبول ترميه بالقنابل فيرد و يقول و انا احبك و سوف اتعايش معك ،

اما اذا حاول ان يدافع عن نفسه سوف تقول له لأ يا حبيبيى اثبت جرى ايه مش قولنا تعايش و سلام و الإسلام مقالش كدة ، انت لا تريد الا اسلامك انت ، لكن ذلك الإسلام الذى يدعو الى نصرة الضعفاء و الدفاع عن العرض و الأرض فهو اسلام لا يلزمك فى شىء .

هناك 33 تعليقًا:

مواطن مصري يقول...

الراجل قال سلامو عليكم يقوم الناس ترد بشتيمة و الله عيب دة الي مزعلني


راجل قال السلام عليكم و اعترف ان سياسةة بوش كانت غلط

نفتح احنا صفحة جديدة و نقول سلام عليكم


انما منأكدش ان الاسلام هو الارهاب بتصرفتنا لما نختلف معاة انما لو هو عاوز السلام نمد ايدينا لية على الاقل نغير من صورة الاسلام و المسلمين

في امريكا

خليك متفائل

be happy be coool

خليك كوووول :D

بدراوى يقول...

يا مواطن انت انهارده حتشلنى
بجد
فينك يا طفاطيفو
انا مش حرد عليك

مهندس مصري يقول...

يا عزيزي بدراوي هو ده المواطن

عموماً و ماله
ما دام انا و انت فاهمين الفولة

حنشوف رأي مواطن حيكون إيه في كلامه ده ؟ بعد سنة واحدة بس لو ربنا إدانا عمر

Ramy Wasel يقول...

للاسف كل واحد عاوز الاسلام اللى على مزاجه

هو عاوز اسلام بمذاجه وناخد شويه ونسيب شويه
وناخد الاسلام الغلبان
ونسيب الاسلام اللى يدافع عن الحق والمظلوم

وزى الارهابيين
ياخدوا ايات الحرب
ويتركوا ايات السلام


كل واحد عاوز الاسلام على كيفه
ونسوا ان الاسلام دين الوسطيه

لا يتعدا على حقوق الغير
ويدافع عن حقوقه

بس ارجع واقول احنا السبب بسكوتنا

maha zein يقول...

والله يا بدراوي جبت المفيد كلع
سمعت احد المدونات بتتريق وتقولك اوباما ختم المصحف في خطبة
علي رأيك
كيل بمكيالين
وازدواجية في المعايير
وخيبة قوية بيستهبلونا بيها
ومن خيبة الشعب بردو وهبلة
بعد ما خلص اوباما الناس بتسقف وتهتف وكانهم بيهتفوا لمحرر القدس
هو مين فيه ايه يا جدعان

ما تطمني يا بدراوي
هو ده بجد ولا كده وكده

كيــــــــــــارا يقول...

خطابه بينيم بيه الناس

وقدر ببساطه يخلي ناس تقف معاه عشان لما يضرب الناس تقول امين

عامة هنشوف كلامه دا هينفذه ولا مجرد قشرة لبلااوي مخبيها

maha zein يقول...

وبعدين سياسة اوباما هي نفسها سياسة بوس
دي سياسة ارميكية موجودة في ادراج البيت الابيض من قبل حتي ما بوش الاب يمسك
سياسة مبتتغيرش بيصيغها اليهود
ممكن تتغلف بسلوفان
بكلام حلو
نرش عليها شوية زبيب وجوزة الهند
لكن انها تتغير لا

ايه ده
وبعدين اصلا احنا حلوين ومعاهم لاخر الخط
بس ايه هيحصل يعني

قال سلامو عليكم هنقوله وعليكم السلام وبعدين يا حاج اوباما ناوي علي ايه
هيقولنا ناوي علي وقف العنف الفلسطيني وقنابل المقاومة وان اكل يعيش في سلام

مين ده يا حاج

maha zein يقول...

الناس ليه معتقدة ان هيجي في يوم رئيس امريكي ينقذنا من اللى احنا فيه

مين اللى مفكر كده
مين مفكر ان اوباما هيكن طيب وحنين وهيزعق لاسرائيل ويبوس العرب

مين فاهم كده يفهمني اصلي اتجننت خلاص

ايوشة يقول...

مواطن مصرى بيقولك خليك متفاؤل ههههه طيب هنشوف التفاؤل ده بجد بعد كام شهر
فكرتنى باغنية لكاظم الساهر اول ما سمعتها قولت الله يعوض علينا بتقول نجعل الورد زناد البندقية ههههه
اصلاح احوالنا مش هتيجى مش شخص من برة وبيحاول يخدعنا باسم الاسلام

nona يقول...

ازيك يا بدراوى

نتمنى ان أوباما يكون كلامه صح ويكون قلبه عامر بالاسلام اللى سابه أجداده
نتمنى يكون ربنا بعته علشان ينقذ فلسطين والعراق وغيرهم

خلينا نفتح معاه صفحة جديدة
جايز يكون خير
ليه لا ؟؟؟

تقبل مرورى

صوت من مصر يقول...

عارف الراجل ده ساحر
اسحر العالم وكانه جيفاره
بس هيهات زهقنا من الحلنجيه

dr aly khamis يقول...

السلام عليكم و رحمة الله و بركاته
تسلم ايدك يا أخ بدراوى
كلامك مضبوط ميه فى الميه

الراجل عايز يأكلنا البلوظة ... فيه ناس ( مواطنين ) عايزين يأكلوها .. يمكن جعانين!!!!

ربنا ينصرنا و نحرر أراضينا بإيدينا

بارك الله فيك
تقبل تحياتى

مجرد مدونة يقول...

السلام عليكم
عندك حق والله
والعجيب ان دي نفس الآية اللي قالها بوش بردو لو تفتكر عشان يخلي المسلمين يساندوه في حربه على الإسلام بزعمه !

Soul.o0o.Whisper يقول...

السلام عليكم و رحمة الله و بركاته

أولا بأشكرك بجد على الراب ربنا يكرمك يا بدراوى يارب

ثانيا كلامك مظبوط جدا
و طبعا مع الناس فى رأيها أنه كله كلام و بعد شوية هنلاقى انها نفس السياسة لكن كل واحد بينفذها بطريقته

ثالثا و دى بئا النقطة اللى عاوزة أوضحها
ان مش معنى اننا فاهمين انه بينيمنا
اننا هنقف فى وشه و نقوله انك بتنيمنا بكلمتينك دول

لا زى ما ناس قالت
هيقول السلام عليكم
هنقوله و عليكم السلام

و نمشى معاه لاخر الخط
بس هنكون فاهمين انها سياسة مش هتتغير



دمت بود

تامر علي يقول...

أنا من ناحية أبكي بكاءً حاراً على كم السذاجة السياسية التي نعيشها من طويل الأمد ولم ولن نتعلم أي شيء على مر العصور ..... ومن ناحية أخرى أضحك على تعبير أحد الساسة اليهود تعليقاً على خطاب أوباما في القاهرة حيث قال إنه خطاب "ساذج" :))))

والله ردود الأفعال حول خطاب أوباما على المستوى العام خلتني أقول زي سعد زغلول .... لايمكن يكون في فايدة :)

تحياتي للطرح الرائع

مجرد مدونة يقول...

تصحيح :اقصد: في حربه على الإرهاب بزعمه

اعقل مجنونه يقول...

بجد بجد الراجل دا سوسه ودهيه
وذكـــــــــى جدا
بيفكرنى بالسادات بس مين
السادات مفيش فى العالم منه 2

فتاه من الصعيد يقول...

انا موش شفت الخطاب.....وموش هعرف ارد بس الاسلام يدعوا للمقاومه وليس الارهاب.....المشكله بينا وبينهم هو الفرق بين تعريف المقاوم والارهابى
المهم انا قريت موضوعك عن عمرو خالد واعذرنى على تاخرى كنت مشغوله
بصراحه عمرو خالد مؤثر طبعا....ولاننا دوله الدين فيها له تاثير كبير وفعال فطبعا هيخافوا منه.....هما حاسيين بتأثيره ده ولو بصم بالعشرين انه لا يتكلم فى السياسه برضه هيستبعد

مهندس حر يقول...

بصراحة أنا ما شفتش الخطاب لأنى فضلت أقعد على البحر .. و لكنى قرأت النص عدة مرات فى طريق عودتى إلى القاهرة و النتيجة أنى كنت سعيدا بقرارى ..

لم يقل الرجل شيئا جديدا و لا يوجد ما يدعونا إلى الإهتمام بما قاله سواء بالإيجاب و التهليل و الفرح الساذج الذى أبداه البعض أو السلب و النقد و التحليل الذى أراه اليوم فى مدونات عدة..

ما يثير الإهتمام فعلا هو ردود أفعال الناس و المهم فيها إدراك مدى نجاح عمليات غسيل المخ المستمرة منذ عقود فى تحويل قطاع عريض من الشعب المصرى إلى قطيع من الخراف يسعدها الخروج فى رحلة حتى ولو كانت إلى المجزر..

صانعة الأحلام يقول...

أعجبتني عبارة , تجعل الاسلام يبدو مخبولا,

اصبت في تحليلك لما جاء به اوباما

اعتقد اننا كمسلمون ادرى بالاسلام منه

والاسلام لم يأمرنا بأن نخضع للذل , ولم يأمرنا بأن نفرط في شبر من الارض


اما عن قوله السلام عليكم , لو كان السلام الذي يريدنا عليه هو دولتين على ارض فلسطين , و بالطبع ستكون القدس عاصمة لاسرائيل لو كان السلام الذي يريده علينا هو استمرار حرب على افغانستان ,لو كان هذا هو السلام الذي يريده علينا

لن اقول وعليك السلام , بل سأقول عليك الحرب والحسام

المعلم محمد صاحب المطعم - طعمية سخنة يقول...

معاك حق
خطابه متضمنش اي شئ تماما هوا

د. ياسر عمر عبد الفتاح يقول...

شوف ربنا بيقول كده

{وَإِن يَكُن لَّهُمُ الْحَقُّ يَأْتُوا إِلَيْهِ مُذْعِنِينَ} (49) سورة النــور

يعني لما بيلاقوا حاجة تعجبهم وتوافق أهوائهم في القرآن .. يفتكروه ويقتبسوا منه

كلامك مظبوط يا بدراوي

سبهللة يقول...

بص يابدراوى
انا لا متفائلة ولا متشائمة ولا خطابه دة هاغير اى حاجة من سياسة امريكا واسرائب ضد العربوالمسلمين
وخاصة اخوانا فى فلسطين والعراق
يا عم دة بيقولك لسه قدامه تلات سنين على الخروج من العراق
حللنى بقى
لما يبقى يخرج نبقى نتكلم

مهندس حر يقول...

سبهللة
------
"لما يبقى يخرج نبقى نتكلم"

بصى كلامى مش موجه ليكى بس إنتى بالجملة دى دهستى الدمل اللى عندى ..

مين اللى قال إن اللى بينا و بين أمريكا هو إحتلالهم للعراق أو أفغانستان و لو خرجوا من هناك يبقى ميت فل و أربعتاشر .. يعنى هى أمريكا قبل ما تحتل أى بلد عربى أو إسلامى كانت نغة و حبوبة قوى إسمالله عليها؟

نفس الحكاية مع إسرائيل .. فى يوم كنا عايزين نرميهم فى البحر و بعدين بقينا عايزينهم يرجعوا لحدود 67 و بعدين بقينا نفسنا يقعدوا مع منظمة التحرير على ترابيزة القمار و بعدين بقينا نتمنى إنهم يلتزموا بخارطة الطريق و بعدين بنبوس الأيادى عشان يرفعوا الحصار عن غزة و دلوقت بنتمنالهم الرضى يرضوا!!!!!

إحنا عالم هفأ و مواقفنا هجص و عشان كده اللى عايز مننا حاجة بيمد إيده ياخدها و بعدين يضحك على عقولنا بكلمتين و يرجع يلسعنا على قفا اللى خلفونا تانى..

well يقول...

(( ايؤمنون ببعض الكتاب و يكفرون ببعض )
مش ليه حاسس ان الاية دى بتنطبق على اوباما او الغرب عموما

سبهللة يقول...

مهندس حر
انا كلمتى كان قصدى بيها اننا نستنى شوية يمكن يحصل فى الامور امور ولو انى لا اعتقد

مهندس حر يقول...

أنا فاهم قصدك .. بس أنا شايف إن المشكلة مش إننا نشوف ده هايطلع صادق أو كداب لأنه فى الحالتين مش ها يرجع لنا حقوقنا و ده لأن أفضل وعودهم بتتكلم على واحد من عشرة من حقنا الحقيقى و المشكلة الكبيرة إننا بنصدقهم و نقول المية تكدب الغطاس و ده معناه إننا وافقنا و قبلنا إن حقنا هو العشرة فى المية اللى وعدوا بيها و يبقى كل الباقى ده راح فى الكازوزة..

TAFATEFO يقول...

هو ده اللي اتفقنا عليه برضه يا مواطن .. أنا قلتلتك تقوله

بي هابي بي كول وتقوم مزغزغه .. بدراوي زعلان انك مزغزغتوش

بس بص يا بدراوي احنا نبتدي بـ أحا .. مبدئياً يعني .. على البوست وعلى تعليق مواطن .. وعلى البوست الأول

غير معرف يقول...

دعونا لا ننكر ان القوة الناعمة قد بدأ مفعولها في السريان ...... وكما قال الرجل بعد انتخابه سوف احكم العالم واغير وجه التاريخ بتلك القوة .... ان الرجل يبحث عن تحالفات قوية مع المراكز الحضارية في العالم بهدف خدمة السياسة الاميركية يهدف الي ازالة ارث الكراهية العميق الذي خلفه بوش والمتتبع لخطواته يجد ان زياراته في المنطقة حتي الان مرت بكل من تركيا بما لها من تراث حضاري في المنطقة .. ثم السعودية بما تملكه من قيمة روحية ثم مصر قلب المنطقة مفتاح الشرق الاوسط مهما تعالت الاصوات
كما سنراه لاحقا في اوروبا القديمة قريبا بمثلث الرعب الحضاري فرنسا , انجلترا , المانيا
واخيرا زيارته لروسيا ذلك الخصم العنيد بتراثه الانساني وثقله التاريخي العميق
ولابد ان الايام ستكشف لنا عن مدي فاعلية تلك القوة .... ولكن لا ننكر في النهاية ان الرجل من حقه ان يعمل لمصلحة بلاده وانه حتي الان لاعب جيد في مباراة متوقعه مستقبلا واتمني الا نلعب فيها نحن العرب دور المتفرجين كالعادة.. علي الرغم من احساسي اننا بالفعل قد بدانا بتحليل المبارة قبل ان تبدا

مصطفي محمود

MaNoOoSh يقول...

انا شايفة ان سياسة أوباما مختلفش فيها إلا النعومة فى الكلام

هم فى الاول والأخر عايزين المصالح الأمريكية ومصالح حلفاءها فقط

وعايزين الاسلام الخاضع لمصالحهم.

بس هم كانوا صح لما درسوا تاريخنا وعقيدتنا علشان ياخدوا منها اللي يفيد مصلحتهم.. المفروض نتعلم الدرس ونعمل كدة احنا كمان.

مهندس حر يقول...

مصطفى محمود
----------
أولا أنا سعيد لأنى أراك عدت للتعليق فى أكثر من مدونة..

فى وضعنا الحالى نحن كمن ذهب فى موعد المباراة ثم إكتشف أنه قد نسى الشورت فى البيت .. يرضيك يعنى نلعب من غير شورت .. ده إحنا حتى نبرد ..

حتى تعليقنا على المباراة هو أشبه بتعليق من يعطى ظهره للملعب و يعتمد على حماس و إنطباعات الجماهير لوصف المباراة..

الطريق إلى أن يكون لنا مكان فى الملعب طويل و ربما تكون أول خطواته أن نتابع المباراة بنظرة تحليلية حقيقية حتى نتعلم كيف تلعب اللعبة..

Soha يقول...

اوباما مغلطش في حاجه لانه مش جاي يشهر اسلامه مثلا عشان نطالبه بقبول بكل ايات المصحف و لا نتهمه بانه يأخذ من الاسلام ما يريد هو جي يحسن صورته و يقرب ما بينا بعض الشئ و لانه عارف اننا هبل استخدم ايتين من باب دعونا نتحد فيما نحن متفقين عليه
الراجل عداه العيب

لكن المشكله ان احنا الي هبل و ما شاء الله تم استهبالنا الله ينور و كل ما يقول ايه يسقفوله علي اخرهم تقولش القرأن مستني سي اوباما

العيب فينا مش فيه هو عمل الي عليه لكن احنا الي هبل و مكنش ناقص غير ان واحد يطلع يفقعة بيتين زي بتوع مبارك

مى يقول...

بالفعل يا بدراوى .. هم يريدون منا إسلام الضعفاء!!

و تراهم يتعاملون معنا بإستخفاف .. فأبوما فى خطابه يذكر أمراً ثم يعود و يذكر عكسه !!

يطالبنا بنسيان الماضى ثم يذكرنا بهلوكوست "الستة مليون يهودى!!".

يقول أن حماس منتخبة .. ثم يرفض التعامل معها!!

ينتحب على صواريخ ضعيفة و يتألم لأطفال و عجائز الصهاينة .. و لم تبدر منه كلمة عن مذبحة و مجزرة غزة!!



و بعد كل ذلك يطالبونا بالسلام!!!