الثلاثاء، يونيو 02، 2009

مجلة ميكانو - عندما تُعشق الشيكولاته

Photobucket

مجلة ميكانو أحدث مولود فى عالم الصحافة الإلكترونية ، ما يميزه تلك الكوكبة الجميلة من الشخصيات التى أعتز بها ، مش متعود انى اكتب كلام احتفالى متذوق ، بس اللى اقدر اقوله ان الشيكولاته لها مذاق رائع فى الأكل خصوصاً شيكولاته جالاكسى ،

Photobucket



طبعاً من الواضح ان انا بعيش فترة نقاهة بعد ماتش الإعتزال اللى اللعيبة طلعت فيه عليا و كسرت الملعب باللى فيه و تقريباً فيه أخوات فاضلات من مشجعى الفريق المنافس دلقوا حلتين محشى على المأسوف على شبابه المدعو بدراوى

بس الأجمل ان فيه أخوات فاضلات أخريات قالولى اعتزل و احنا حنوقع عليك شرط جزائى يخرم صرصور ودنك ، بس تقريباً فيه اخوة أخرين قالولى و لا يهمك بكره نجيبلك ست ستها متزعلش نفسك ،

بس الأهم من كل ده انى اكتشفت ان اد ايه انا شخص مهم عندى انا ، ده انا حتى حساس جداً زى ما قولت قبل كدة و بخاف ازعلنى ، و لما عملت ماتش الإعتزال اللى فشل عشان تقريباً مرتضى منصور طلعلى ملفات قديمة ليا ايام ما كنت فى كى جى تو فصل 1 / 3 و تقريباً خدت القلم من بنت اخت خالة مرات عمة مرتضى ، مسكهالى و قاللى ماشى يا بدراوى فاكر لما كنت كذا

لكن بعد فشل ماتش الإعتزال و خروج يفط بتقول بدراوى لن يعتزل ديه قفشه من قفشاته

اكتشفت فعلاً ان التدوين شىء مهم ، فانا ادون اذن انا موجود و مكتوب فى كشف الحاضرين كمان ،
و لما بغيب بيجيلى انذار ولى امر من عمو جوجل بإنى تعديت النسبة المسموحة من الغياب و ان لازم اخش إمتحانات كادر المدونين عشان ازود مرتبى ،
و دخلت الإمتحان لقيت السؤال الأول فى الفيزياء ، و السؤال الثانى شرحه و هكذا ، قولت للمراقب يا عمو انا مدونتى اجتماعية سياسية ماليش فى الإمتحانات ديه ، فقاللى حل و انت ساكت ، فقولتله ممكن اطلع قبل نص الوقت اروح اجيب قلم و مسطرة و اتغذى كمان و اناملى ساعتين فى بيتنا ، قاللى روح بس متتأخرش ، قولتله طب يا عمو اوعى الشاى يدلق على الورقة ، المهم روحت لمدونة د/ ستيتة غشيت تدوينتين ثلاثة أحياء ، رجعت بعدها كان الإمتحان اتلغى عشان عمو اوباما بيمتحن امتحان كادر المغفلين .

و بعد فقد صدر اول عدد من مجلة ميكانو الشهرية الشبابية الساخرة ، و اتمنى يكون فتحة خير لكل العاملين و نتمنى لكم عيداً سعيداً و صوماً مقبولاً و افطاراً شهياً
هذا و اليكم تفاصيل الأخبار :
الأخت العزيزة : بسمة عبد الباسط
و صديقتها الأخت بدرية طه
Photobucket
الأخت العزيزة : مونى الشريف
و نجم الكرة و الملاعب مايكل محسن
الأخ و الصديق : أحمد الصباغ
----
و نتنقل الأن الى ترشيحات المواضيع
و نبدأ بمقالات الأخوات
دين شوكى - أحمد بدراوى - اللى هو انا تصدقوا
و الله بشر - أنا برده
---
البنارات اللى فى البوست تصميمى المتواضع
عشان حقوق النشل
!!

هناك 19 تعليقًا:

mimi يقول...

أول تعليق ... وصباح الخير ... ومبروك ... وتصبح علي خير ... ومع السلامة .......

mimi يقول...

ايه ده أنت صدقت ولا إيه؟؟

أمشي كده بسهولة ... لا مش كده خالص ... أبسلوتلي

انا لازم أقول رأيي .. بجد أنت شخص مهم .. أنا بعلق عندك إذن أنت موهوب .. فاهمني طبعا ... وهوا ده تواضع المدونين ...

حلة مجلة ميكانو وفيها كل الناس اللي بزورهم ويزوروني ...

تحياتك ...
اوروفوار بأه

اعقل مجنونه يقول...

بجد المجله دى حلوه قوى
ممكن اطلب طلب انا نص الكلام اللى انت كتبه مش عرفه اقرأه علشان الخط صغير
انت عارف السن بقى

بس الموضوع جامد وعجبتنى اوى انا ادون فانا موجود ديه
وايه حكاية ماتش الاعتزال ديه هو انت دخلت المنتخب وانا ما عرفش

انا عرفه طبعا انت بتقول عليه ايه دلوقتى بس معلش تفهمنى الموضوع بشويش ومن غير صوت عالى اصل بخاف من الصوت العالى
وزى ما قولتلك قبل كده العتب على السن بقى

hasona يقول...

السلام عليكم

ألف مليون مبروك
وان شاء الله تكون ناجحة وهادفة

الشعب لابد له من حكومه تشكمه يقول...

اولا حمد الله على السلامه نورت الملعب ياكوتش..بس قولى هو انا تصنيفى اى واحد من الاخوات الفضليات الواحد بس يحب يعرف هو بيتكلم من اى تصنيف:)
وبعدين بتكتب كمان فى مجله ميكانو وقال بتقول انا بطلت تدوين..!!!! بتضحك علينا مااااااشىولا خايف من العين..
وبعدين ماتش الاعتزال دى فكرتى ولا اييييييييه:))) يعنى التذاكر انا4/3 وانت ال4/1 اظن مفيش عداله اجتماعيه اكتر من كده:)

micheal يقول...

ههههههههههههه..يا باشا اعتزال ايه..شكرا ع الدعاية الحلوة دي
علي فكرة مش أنا اللي بعتلك الشغلانة خالص
:))
أصل أكيد أنا أول واحد دماغك ممكن تروحله بسبب خبرتي الطويلة بس زيس ما قلتلك أهلا بيك في القاهرة لو حبيت تروح شركات التوظيف اللي لفيت عليها
:)
تحياتي

فتاه من الصعيد يقول...

انا حاولت ادخل عليها معرفتش....كان فى حاجه غلط
المهم كويس انك عرفت ان التدوين شىء مهم....بجد فضفضه جميله....ويا رب تنجح فى امتحان الكادر

bos bos يقول...

أحمد

شكرا ليك جداااااااااااااااا على ذكرك لمواضيعى واسم القسم بتاعى ومبروووووووووووووووك علينا كلنا وبالتوفيق لينا ان شاء الله

شكراااااااااااااااااااااااااااااا

وحلوة قوى البانرات تحفة بجد

ستيته حسب الله الحمش يقول...

اولا ليه تجيب سيرة المحشي ادام واحدة عاملة مطحونة زيي؟
ملقتش تشبيه احن وارق
جعااااااااااااااااانة

ثانيا مبروك عليكم ميكانو ربنا يجعل كل اللي تكتبوه فيها مفيد ولذيذ
سوف اقرأ مقالاتك هناك بلا أدني لبن رايب

البانر رائع ومفتحش الأتنين التانين
واي
هاو
وات
لست أدري

سلام

كيــــــــــــارا يقول...

اخيرااااااااااااااااا


عودا احمداااااا

علي فكرا تصميمك تحفه بجد

مبروك لميكااااانوووووووووو

المعلم محمد صاحب المطعم - طعمية سخنة يقول...

مبروك صدور المجلة
و حلوة البانرات يا عم بدراوي
و ان شاء الله اشوفك يوم الجمعة في المنصورة :D

ولا عدي عليا خدني من البيت :D

well يقول...

رغم انى معرفش موضوع الاعتزال ده بس عجبتنى كلمة انا ادون اذن انا موجود
عموما جارى البحث عن مجلة ميكانو ومحاولة معرفتها وتعريفها للناس
واتمنى من كل قلبى النجاح للمجلة
وتقبل تحياتى

المـــفـــــــقــــــــوعـــــة مــرارتـهــا يقول...

اتاريك مدون وانا مش عارفة
انا عمالة اقول احمد بدراوي احمد بدراوي سمعت الاسم دا فين قبل كدة
اتاريك زمل ياراجل
انا سعيدة انك معانا
موضوعاتك اكثر من رائعة واسلوبك جذاب يجعلني أقرأه للآخر
سحر غريب
جارتك من ميكانو

mimi يقول...

يعني ايه بانرززززززززززززززز

تأثير الفراشة يقول...

ألف مبروووك على إفتتاح مجلة ميكانو

إن شاء الله تكون مجلة ممتازة و مفيدة

بالتوفيق دائما إن شاء الله

مى يقول...

مبروك المجلة و عقبال الإصدار الورقى


البانرات تحفة

و أسلوبك راااااائع


ربنا يبارك فيك و ينفع بيك .

أحسن تـستاهـل يقول...

بدراوي أخبارك ايه
اولا احب اقولك ان التعليقات بتاعتي اللي عندي في البلوج مافيهاش مشكلة ولا حاجة انا بس اللي شايلة التعلقات من البوست الاخير

ثانيا الف مبروك مجلتكو واحمد الصباغ كان كلمني عليها هروح دلوقتي ابص بأه احسن لسه ما شفتهاش

ثالثا ولا حاجة .. بس حبيت ارد عليك ربنا يوفقكوووو :)

مها ميهوووو

تامر علي يقول...

مبروك على المجلة ...فعلاً شكلها جميل ونتمنى لكم الاستمرارية والجودة

التصميم جميل جداً وذوقك جميل :)

مجموعة العمل متميزة فعلاً ...أقراها وأبقى أقول رأيي في المواضيع

تمانياتي بالتوفيق

maha zein يقول...

ايك يا بدراوي
علي فكرة انا مش عارفة اقرا مقالة دين شوكي
قريت التانية
لكن دي اللينك مش بيدخل

شوف كده صح ولا العيب عندي
وحلوة اوي مقالة الريس دي

رأيك كان مقنع جدا
وبصيت للموضوع بشكل مختلف خالص