الأحد، يونيو 14، 2009

الأداء البرلمانى المصرى العظيم


فى حوار الرئيس مبارك للتليفزيون المصرى فى اسوان
يوم الأربعاء الماضى ورد هذا التصريح الطريف .

البرلمان الايطالي هناك بيضربوا بعض الحمد لله احنا عندنا شتيمة بس


التليفزيون: سيادة الرئيس اذا عدنا للشأن المحلي..
الدورة البرلمانية الرابعة
قاربت علي الانتهاء..
كيف تقيم الآداء البرلماني خلال الفترة الماضية؟

الرئيس: الأداء البرلماني كان كويس برغم المشاغبات ولكن تلك هي طبيعة البرلمانات كلها..
البرلمان الايطالي هناك بيضربوا بعض الحمد لله احنا عندنا شتيمة بس..

الأداء البرلماني أنجزنا فيه قوانين كثيرة.. دا بيعارض..
ودا بيعمل ولكن بنتفق الأغلبية هي التي تأخذ القرار..
عندنا قانون دلوقتي هو قانون المرأة لازم يخلص,
أنا شايف الأداء البرلماني أداء كويس ولازم يكون فيه معارضة.

هناك 15 تعليقًا:

المعلم محمد صاحب المطعم - طعمية سخنة يقول...

و طبعا احنا ناس محترمين مبنمدش ايدنا
حد فاهم حاجة !؟
طيب اشمعني الايطالي !؟
اللهم لا اعتراض !!!!!!!!

صوت من مصر يقول...

هو اصلا بيعرف حاجه عن الشعب عشان يتكلم عن مجلسه
وبعدين ايه الى وداه ايطاليه باولو روسى كده هيزعل

حسام غانم يقول...

لا تعليق ...

مواطن مصري يقول...

الشتيمة مش بتلزق و تلف تلف و ترجع لصاحبها


و على رائي علاء ولي الدين هو كلو ضرب ضرب مفيش شتيمة
:D

الشعب لابد له من حكومه تشكمه يقول...

ايه ده ايه ده؟استنى بس. هو احنا عندنا برلمان مصرى...؟؟؟
اول مره اعرف منك ..!!!انت تقصد برلمان موافقه,, انت كمان عليك حجات يابدراوى ال برلمان ال,,هو الباقى حلو والبرلمان يعنى اللى كخه مكله زى بعضه:)...

ستيته حسب الله الحمش يقول...

ماهو من بلاوي الزمن اللي اتحدفت علينا
ان الكذاب يكذب وعينه في عينا ويقف ويقول "ده لو عرف يقف اصلا" حد ليه شوق في حاجة يا منطوقة
حد يقدر يقول لي كذاب يا خيشة

ربنا يستر

ايوشة يقول...

ههههههههه معرفش بضحك ليه والله يمكن علشان كنت اول ما جيت علشان اقرا فضلت ادور على النضارة فين النضارة دلو عمرك مبهدلانى عشر سنين وانتى مدوخانى هما مش عشرين سنين بصراحة هما سبعة بس ههههه ولما لقيتها لقيت ان البوست صغير يعنى كانت هكسر النضارة وانا بدور عليها :)

المهم الاداء البرلمانى المصرى عظيم من راى الريس يبقى اللهم لا اعتراض الريس يقول واحنا وراءه امين بالظبط ياكبير هو ده الكلام
مش عارفة هو نسى ان من فترة كانوا هيضربوا بعض بالجزمة فى مجلس الشعب ولا مش قرا موضوع السب والقذف اللى كان فى اكتر من جلسة والله دول بيفرشوا الملايات لبعض ولا اجدعها ستات فى مناطق شعبية
وبعدين البرلمان المصرى ايه اللى بيعملوه فى مصر انا عايزة اعرف والله مش بهزر انا مش شايفة غير شوية ناس نايمة لما بتقزز لب وبتف فى قفا اللى قدامها وده تقريبا السبب الاساسى فى ضربهم لبعض :)
وفى الاخر بيصحى من النوم على كلمة وافقة على ايه معرفش









اما الاهم بقى فى ده كله موضوع توقف تدوين شوية مش عايزة اسمع الكلام ده تانى بجد والله انا لسه بقول نتفائل ونبطل احباط اى نعم انا كتلة تشاؤم بس بحاول والله اتغير واكيد هتغير فى يوم
التدوين ده الحاجة الوحيدة اللى بنتنفس منها زى السمك فى مية كده مش هتقدر تخرج منه
انما لو كنت مشغول فنلتمس لك العذر لكن غير كده لا ومش هنسمح :(

Appy يقول...

احنا عندنا برطمان مش محترم واحنا غلطانين اننا انتخبنا اشكال مش مظبوطه من الاول
وعلى فكره بيكون واضح بس احنا اللى مش عاوزين نشوف ببساطه جدا مش دول اللى بيدوا رشوه ايام الانتخابات مش دول برضه نفسهم اللى بياجروا بلطجيه
يبقى متوقعين منهم ايه

همس الاحباب يقول...

طب كويس انه ده راى الريس
النهاردة شتيمة بالفاظ يعاقب عليها القانون وبالامس القريب خلع الاحذية
وغدا ما هو ابشع يا ريس
لاتقلق
ولا عزاء فى الاخلاق
تحياتى

مهندس حر يقول...

الله يحظك يا بدراوى!!

ضحكتنى و أنا ماليش نفس أضحك..

برطمان إيه؟ و شتيمة إيه؟.. دى مسرحيات هابطة ما فيش غير عوكل اللى بيتفرج عليها.. و الراجل طبعا مهتم بالبرلمان الإيطالى من يوم مادخله رقاصة الستريبتيز.. مستنيهم يقلعوا..ما حدش قاله إنها سابت البرلمان..

جريدة الصباح العربي يقول...

أولاً أرحب بكل من استجاب للدعوة وانضم الينا من جديد وأتمنى من الجميع الاعلان عن لينك جروبنا الجديد لكي نعود كما كنا في الجروب الثاني

ثانياً سنبدأ الآن وبإذن الله في مسابقة الشعر والخواطر "تفاعلكم معنا هو ما نرجوه"

عادل فاروق
صورة في برواز
http://sabaharabi.blogspot.com/2009/06/blog-post_3522.html

عبد الله العباسي
ألم بلا أمل
http://sabaharabi.blogspot.com/2009/06/blog-post_9605.html

د/ ايمان مكاوي
ابحث عنك
http://sabaharabi.blogspot.com/2009/06/blog-post_158.html

ايهاب سيد
خائن
http://sabaharabi.blogspot.com/2009/06/blog-post_6557.html

حليس حورية نصيرة
ذكريني
http://sabaharabi.blogspot.com/2009/06/blog-post_5130.html

انتصار طايل
اتوكأ بعصا الحب
http://sabaharabi.blogspot.com/2009/06/blog-post_6044.html

اسلام محمود
بتنساني وبتسبني
http://sabaharabi.blogspot.com/2009/06/blog-post_5269.html

اسراء حامد
لخبطة
http://sabaharabi.blogspot.com/2009/06/blog-post_7682.html

مصطفى محمود
عرفتِ اليوم آياتي
http://sabaharabi.blogspot.com/2009/06/blog-post_9758.html

sky angle
اترك لي هذا المكان
http://sabaharabi.blogspot.com/2009/06/blog-post_13.html

..........................................................................................

تحياتي وتمنياتي للجميع بالتوفيق

تم نقل الجروب الى العنوان التالى
http://www.facebook.com/group.php?gid=108978046672‎

دودو يقول...

كل اللى اقدر اقولة
ربنا كبير
قادرعلى كل شىء هو صحيح انا اوعى على هاذوة العصر المجيد السعيد



منذ الطفولة
وعجزت وقربت اودع وكل اصحاب المعالى والفخامة هما هما
مش بيتغيروا

بس يمكن
ربنا يكون كاتبها لى واشوف اى حاجة تتغير

فى اواخر ايامى

لاواحمد سعيد ومهندس مصرى

مطلعين عليا اوشاعات انى متشائمة

النبى حد يفضل طول عمرة

بيسمع فى الدرر
اللى من عينة الكلام اللى فى البوست ويبقى متشائم

دة احنا لازم نبقى فى قمة التفاؤل

وعلىراى الست شويكار


بحكمتك تحتااااااااااااااال علينا

فتاه من الصعيد يقول...

اه الحمد لله
فكرتني بكلمه....هوكله ضرب ضرب .....مفيش شتيمه ولا ايه؟
اصلا الشتيمه تلف تلف وتروح لصاحبها
والشتيمه ما بتلزقش

فتاه من الصعيد يقول...

ايه ده تعليقي زي مواطن مصري....شفت بقا

Me7'o يقول...

عزيزى بدراوى
أنا استنتجت من كلامك ده حاجتين اتنين

بالنسبة للبرلمان الإيطالى فهو ماشى على مقولة

هو كله ضرب ضرب مفيش شتيمة ولا إيه


بالنسبة للبرلمان المصرى فهو ماشى على مقولة

أعمل نفسك ميت أعمل نفسك ميت


ههههههههههه
تحياتى