الأربعاء، يونيو 17، 2009

و أصبح فى مصر صحافة إقليمية

اذا اردت ان تمارس الصحافة ما عليك سوى الذهاب الى العاصمة ،

القاهرة
و كما يقول الغير مقيم فيها عند سفره إليها - انا مسافر مصر بكره - بها الصحافة كلها، لا وجود لصحافة اقليمية او محلية فى مصر مع الأسف ،
و ان وجدت فهى تجارب غير ناضجة لا مهنياً و لا مالياً و لا فكرياً ، تجارب تعتمد فقط على حدوتة جلب اعلانات كل عدد ، و الصدور عدد ثم الإختفاء لفترة ، حتى ان احدى تلك الصحف صدر منها طيلة 74 عاماً عددان فقط

!!



كم عانيت أنا بسبب عدم اقامتى بالقاهرة و عدم استعدادى حتى الأن لتلك الخطوة ، كنت اتمنى ان يتم الإهتمام بالمحافظات الأخرى غير القاهرة ، كنت اتمنى الا تستولى القاهرة على كل الفرص و منها فنون الصحافة و بريقها ، حلمى ان اجد صحافة اقليمية حقيقية ، لا صحافة دكاكين يمارسها اشخاص لا علاقة لهم بالصحافة .

و لكن مجلة واحدة خرجت الى النور فقط لتحمل لواء الصحافة الإقليمية فى مصر ، هى مجلة انباء ميت غمر - لا ميت عقبة يا زملكاوى منك له – ميت غمر هى احدى مراكز محافظة الدقهلية و اذا اردت معلومات عنها ستجدها فى موسوعة ويكيبيديا

كى أكون صادقاً عندما سمعت عن المجلة على الفيس بوك عن طريق الأخت العزيزة بسمة عبد الباسط مراسلة ميت غمر - لم اهتم كثيراً بالتجربة ، كنت اتمنى لها النجاح فقط .



بعد صدور العدد الأول من المجلة و الذى لم أقرأه بالطبع لأنى لست مواطناً غمراوياً ، حيث توزع المجلة فى ميت غمر و ما حولها ، اتمنى من كل قلبى للمجلة النجاح و الإستمرار ، فهى لا تمثل ميت غمر فقط هى تمثلنا جميعاً الساعين نحو حلم وجود صحافة اقليمية فى مصر .

-----
ملحوظة

انتظروا بعض موضوعات المجلة على الجروب ستقوم بنشرها بسمة عبد الباسط .

هناك 24 تعليقًا:

مواطن مصري يقول...

مالهم الزمالكوية طيب طيب انا بقى هعمل

جريدة باسم مدينة نصر او الزمالك اليومي :D

bos bos يقول...

شكرا يا أحمد على الموضوع الجميل ده
بجد شكرا ليك جداااااااااا

سعيدة قوى بكلامك وبتمنى المجلة تنجح وتكون فى المستوى المطلوب

وقريب هنزل مواضيع منها إن شاء الله

المعلم محمد صاحب المطعم - طعمية سخنة يقول...

تعرف اني بكره ميت غمر دي !
لبعدها عن المنصورة يعني كل ما ااااااجي
اساااااااااااافر مااااااااصر بوووووكرييييييييييه بقسم الطريق نصين

نص من المنصورة لميت غمر و نص من ميت غمر لمااااااصر

علي العموم انا برضه سمعت عنها بس مقريتش منها حاجة !

كفاية انها تحمل اسم ميت غمر

الشعب لابد له من حكومه تشكمه يقول...

لعلمك باه احنا عندنا فى المنصوره جريده اسمها حوادث الدقهليه بس اييييييه جبااااره لو قريتها تكره انك عايش فى البلد اصلا..:))
وبعدين انت عندك صحافه فى القاهره اصلا علشان يكون عندك فى الاقاليم.عد غناماتك ياعم جحا واحده قايمه وواحده نايمه والباقى مستقله ومفيش غير واحده او اتين اللى كويسين.

MǿиY El-Shreef يقول...

مبرووووك المجله انا شفت الجروب وبسمه ماشاء الله عليها مش مقصره ف حاجه

ان شاء الله تكون بدايه لحجات حلوه كتير اوي

سلام ياعمو بدراوي

ايوشة يقول...

فعلا الصحافة الاقليمية لازم تكون اكتر انتشار لان مينفعش يكون الاحتكار على العاصمة واللى اصبحت الصحافة فيها فى حالة يرثى لها

Appy يقول...

كان فيه من زمان برضه جريده نونو بتصدر فى المنصورة مش فاكره اسمها بس اللى كان بيعملها توفى ومعرفش عنها حاجه تجريه حلوة ربنا يوفقهم يا رب

hager za3bal يقول...

ان شاء الله المجله هتنجح

وهيبقي في صحافه ناجحه في الاقاليم..:)

د. ياسر عمر عبد الفتاح يقول...

إحنا عندنا كذا جريدة اقليمية في محافظتي
دايماً سباقة يا بني سويف

فتاه من الصعيد يقول...

مفيش صحافه اقليميه للاسف
بس انت اسكندراني وانا افتكرت ان عندكم صحف مهمه نوعا ما
ربنا يوفق جريده ميت غمر

TAFATEFO يقول...

بس يا بدراوي بك مين قال ان مفيش صحف زي دي كتير ومنتظمه وبتوزع على نطاق واسع كمان

ده في أسوان في جريدة اسمها صوت أسوان بتصدر بقالها تسع سنين وكويسة جداً .. هي مليانة بنفاق المحافظ وأصحاب الثروات من أبناء أسوان لكنها ممتازه في فضح ممارسات الجهات الحكومية

ممكن أبقى أبعتلك عدد لو تحب

micheal يقول...

هههههههههههههههههههه..عددين في 74 سنة..مش مصدق
نياهههههههههه
في انتزار الموضوعات يا بدراوي
تحياتي

MaNoOoSh يقول...

رغم اني تقريبا اساسا معدتش بتابع صحافة نظرا لعدم مصداقية معظم الصحف والمجلات

بس فى اعتقادي التجارب الصحفية فى المحافظات التانية غير القاهرة هتكون اصدق.. لان اللي بيقوموا بيها بيكون حلمهم الصحافة والحقيقة.. مش مجرد الشهرة والمكسب فقط.

nona يقول...

ازيك يا بدراوى

طيب ماحنا عندنا فى الشرقية جرايد صوت الشرقية اليومى والاسبوعى
دة غير المجلة الشهرية

هو مش كل محافظة ليها جريدة تخصها ولا ايه؟؟؟

عموما فكر انك تعمل مجلة لبلدك وحاول تشوف حد من نفس البلد يساعدك

هتبئا تجربة حلوة ليك

Bola 7elmi يقول...

أنا ميتغمراويه ..
بصراحه مقرتهاش ... :|
يعني هشوفها وهقراها .. وحلو يكون لينا صحافه فـ بلدنا
بس وحش اكون ميتغمراويه وآخر من يعلم
نايمه أنا فـ الخط خالص :S

و كمان ليه المعلم محمد صاحب المطعم مبيحبش ميت غمر
وكمان ليه يقسم الطريق نصيين
طيب مهو ممكن يركب ميكروباص المنصوره عبود على طول :| زلا يركب سوبر جيت زي الحكومه م بتعمل بتاع حوادث الدقهليه ... شردتنا بس بجد جباااااااااااااااااااااره على قولتها
:|
:|

أول مرا أجي ... و بحزرك مش هتكون الآخيره x(














بولا حلمي :)

المهاجر يقول...

بصراحة الفكرة جميلة واانا فكرت فى الفكرة دى بس المشكلة إن جهور القراء للنوع ده من المجلات قليل جدا


وربنا يوفق كل إللى ينفذها ويكتب له النجاح فيما يفعل

dina يقول...

فعلا...الصحافة الاقليمية فى مصر مش بقوة صحافة القاهرة ابدا...من اول ان كلية الاعلام موجودة اصلا فى القاهرة و ان خريجين اداب اعلام مش بيكونوا على نفس مستوى خريحى اعلام....لحد كل النقط اللى اتذكرت فى البوست.....بس بجد الفكرة حلوة اوى و اتمنالها النجاح و كل التقدير بجد للمشروع دا و لكل المساهمين فيه

mimi يقول...

حطة يا بطة ... يا فلفل شطة

ده احنا ياواد بنبيع أخبار ... اخبار أهرام انباء ميت غمر جمهورية

مبروك علي الصحافة ميلاد صحيفة جديدة ...

انا بس أخلص إعلام ... وهتشتغل مذيعة واذيع الخبر ... استناني بقي سنتين تاني ...

المعلم محمد صاحب المطعم - طعمية سخنة يقول...

طبعا انا مقصدش اني بكره ميت غمر نفسها
انا بكره السفر لأنها بتمثل نصف المسافة العصيبة ! من المنصورة للقاهرة

و انا بكره سفر المسافات الطويلة ! حتي لو كان 3 ساعات و نص او 3 بس !

كلمات من نور يقول...

حلوة حكاية الجرايد الإقليمية

بس يا ترى عندنا في اسكندرية جريدة؟

أصلي بطلت اقراجرايد من ييجي كام سنة كده

باحس إني بادفع فلوس علشان أوطي ضغطي و أنا من ذوي الضغط الواطي قوي يعني ممكن تقيسوا ضغطي متلاقوش واحتاج حقن بقى وووووو

أتمنى تكون جريدة غير ..نقراها ونقول الحمدلله لسه الدنيا بخير

وفقكم الله لما يحب ويرضى

well يقول...

مبروك لميت غمر
ومبروك لمصر
وبالنجاح ان شاء الله
تحياتى

اسماء واحلام فى وجدانى يقول...

حطة يا بطة

هو احنا يا ميمى فى سبوع ولا ايه

ازيك يا عم بدراوى عامل ايه

انا عارف انى مقصر معاك اوى

معلش بقى انا عارفك هتسامحنى وهتحسابنى

على حق الصورة

micheal يقول...

مختفي فين

غمراوى بيحب بلده يقول...

طب ولو فيه انباء ميت غمر زى ماموجوده والى لسه ماسمعتش عنها خالص

ياترى هاتوضوحوا فيها عيوب ومميزات ميت غمر ولا هاتبقا قائمه من الاعلانات للمحلات التجاريه

واهى الاسم جريده

ياريت بأسمكم انباء ميت غمر
تجيب كل الانباء بعيوبها بالاخص


www.Mitghamr.4umer.net