الأربعاء، مايو 20، 2009

وَابْيَضَّتْ عَيْنَاهُ مِنَ الْحُزْنِ



اردت ان اكتب عن حادثة وفاة حفيد الرئيس رحمه الله و ألهم أهله و كل محبيه الصبر و السلوان فلم أجد الا تلك المشاهد البسيطة التى دارت فى ذهنى و اردت ان اخرج بها بعضاً من حزنى ، خيراً من أن يخرج فى شماته سافلة من البعض .
---------------------
الرئيس كعادته ليلاً يجلس فى غرفته بالقصر الرئاسى حوالى الساعة 9 مساءاَ أمس الأول الإثنين
كان يشاهد إحدى القنوات الإخبارية

الذين كانوا معه من الحرس او الخدم يعرفون انه كان يريد الإطمئنان على حفيده الذى يعانى من وعكة صحية .

يرن جرس الهاتف فيقوم أحد المستشارين بالرد عليه : ثم يذهب الى الرئيس و يقول له
سيادة الرئيس هناك إتصال لك من باريس .

الرئيس يرفع السماعة
يأتى صوت السيدة الأولى حرمه على الهاتف و به نبرة حزن :
حفيدى مات يا محمد ، محمد ابن علاء مات يا ريس .

ثم يأتيه نجله الأصغر الذى كان يقيم مع والده تلك الليلة ، ليقدم التعازى لوالده ، و لكى يطبطب عليه فى هذا المصاب الأليم
و يأتى الخدم و غيرهم للتعازى .

فيقول لهم الرئيس اتركونى وحدى الأن لا اريد ان ارى احداً .

يغلقون باب غرفته عليه ، و يطفىء الأنوار و يدخل الرئيس فى نوبة بكاء غير طبيعية ، و يقول لنفسه الأن
بكيت كما لم أبكى ، بعد ان صادر البعض على حقى حتى فى البكاء لمجرد انى رئيس
لا انا انسان فى النهاية .
ثم ينام بعد ان هدئت دموعه فيأتيه فى منامه حفيده الراحل بصورته الجميلة حين كان طفلاً
و لكنه ظهر و وجهه كضياء الصبح و كان يقول له :
يا جدو احكيلى حكاية حلوة
ثم يطبع قُبلة على خذ جدو و يقول انا بحبك اوووى يا جدو ، بحبك ااااااد الدنيا كلها .
يرد الرئيس و انا كمان بحبك اووى ، هات بوسة كمان لجدو
ثم يستيقظ الرئيس على اثر القُبلة التى طُبعت على جبينه ، فإذا بها جائته فى الحقيقة من نجله الأصغر ، الذى جاء يشد من ازر ابيه .
-----
على فكرة اللى حيعلق بشماته مش عارف حعمل فيه ايه
و محدش يقوللى لزمته ايه الكلام اللى انت كاتبه ده

هناك 13 تعليقًا:

MǿиY El-Shreef يقول...

ربنا يرحمه يارب

ويصبر اهله ده مهما كان موت ومصيبه

غير معرف يقول...

ميت يعلقق بشماته بس
والله كلنا زعلانين....انت لانك حساس بصيت للموضوع من جهه انسانيه وتخيلت احاسيس الجد ...احاسيسه بفقدان ابنه
انا لله وانا اليه راجعون

micheal يقول...

ربنا يرحمه ويصبر أهله
تحياتي

حاجات جوايا يقول...

ربنا يرحمه يارب ويصبر اهله
هو ان شاء الله فى الجنة
اهله بجد هم اللى فى حاجة الى الدعاء
ربنا يلهمهم الصبر والسلوان ويعوضهم هم وكل من فقد عزيزا لديه بكل الخير
اللهم آمين

كلنا زعلانين عليه كانه حد قريب مننا وعايش معانا طول عمره
مين بس هيشمت فيه
لا شماتة فى الموت ولا فى المرض

اللهم احسن خاتمتنا جميعا
اللهم آمين

مواطن مصري يقول...

البقاء ل الله


بس تصدق حححاجة غريبة ان المعارضين و الحكومة الحادث الي وحد المصرين انا اول ما سمعت البر زعلت جدا اكن حد من قرايبنا الي مات


لغايت دلوقتي مش لاقي تفسير بنطلع عين الحكومة كل يوم و لكن لما حالة وفاة تحصل كلنا بنزعل أكن الي مات حد من عيلتنا



ربنا يصبر علاء بصراحة علاء راجل محترم

micheal يقول...

بدراوي..فيه إيه
انا جيت لقيت كمية تعليقات محذوفة فيق مدونتي
أوعي تكون زعلت من كلامي..أنت أخويا الصغير يعني وأنا زي أبيه
:)))
تحياتي

Unknown يقول...

ربنا يرحمه

تخيلك للموقف حلو اوي

mimi يقول...

شماتة ليه بس ؟
هوا حد يشمت في الموت؟
ده طفل برئ ... ربنا يصبر أهله يارب

تحياتي ... اسلوبك خرافة
سلامو عليكو

غير معرف يقول...

انا لله وانا اليه راجعون


---

علي فكره بوست تحفه وطريقته اكتر من روعه

تحياتي

أحمد سعيد بسيوني يقول...

ربنا يصبر اهله

لا شماتة في الموت

Empress appy يقول...

لميس الحديدى كتبت مقال بعنوان دعوه يحزن
كلنا انسان وبتختلف درجه وجعنا بالموت بدرجه قرب او بعد الشخص بس اكيد بنحزن
ربنا يصبر قلب امه وابوه وكلهم

همس الاحباب يقول...

لا شماتة فى الموت اخى العزيز
ربنا يرحمه ويسكنه فسيح جناته
اصعب شىء على النفس ان تتقلد منصب يمنعك من الشعور الطبيعى تجاه اى شىء
ربنا يلهم اسرته الصبر والسلوان
تحياتى

تأثير الفراشة يقول...

البقاء لله

ربنا يرحمه و يرزق أهله الصبر و السلوان و يكون فى جنة الخلد بإذن الله

و إنا لله و إنا إليه راجعون