الأحد، مايو 24، 2009

صاحبة مدونة إنها الحياة راحت فين ؟

معلش انا اسف لو بكتب تدوينات كثيرة و محدش بيلحق يعلق
بس انا دلوقتى كنت بشوف مدونة الأخت العزيزة

و لقيتها قفلتها

و انا بس قلقان تكون زعلت من كلامى فى تدوينة التلاكيك
و ما قبلها بخصوص النقاب
رغم انى مقولتش اى رأى شخصى بخصوص النقاب
لحد دلوقتى
فياريت اى بنت معاها ايميلها توصلها بس رسالتى ديه
لأن هى اصلاً السبب الرئيسى
اللى دفعنى انى انشر اقوال الشيخ محمد الغزالى فى النقاب
و هى كانت منتظرة التدوينات ديه
فمش عارف هى راحت فين ؟
!

هناك 12 تعليقًا:

مواطن مصري يقول...

انا ليا كومنت راح فين بس هكتبة تاني بس يا بدراوي

اكتب الي مقتنع بية و متكتبش على مزاج الناس مدام مش بتغلط في حد و بتنتقد نقد محترم و ادلة يبقى انت حر

يعني مصلا انا زملكاوي و انت كتبت مبروك ل الاهلي مينفعش اقفل المدونة عشان تكتب عن الزمالك

دي المدونة بتاعتك و انت حر فيها صح

مبروك ل الاهلي

maha zein يقول...

الاخ بدراوي العزيز
اشكرك ومش عارفة اعبر عن شكري لاهتمامك بوجودي من عدمه
انا فعلا قفلت المدونة لكن لاسباب تانية خالص
هبقه اقولها لما ارجع تاني
لاني مش ناوية اعتزل التدوين تماما
انا بخير
وعلي فكرة بسبب ظروف كتير اول مرة تحصل مقدرش ادخل النت واتابع اي حاجة
يعني ملحقتش تدوينتك عن النقاب
ووالله كنت منتظراها بفارغ الصبر
وحتي لو قلت راى معارض ليا
يكفي انك بتنقل رأى الغزالي
وكمان انت اصلا شخص مهذب
بتجبرني اقبل كلامك كله
انت مش بتغلط في حد
انت بقتول رأيك وبطريقة بجد خلتني احترم مدونتك

بشكرك
وعلي فكرة
بخصوص النقاب انا كلامك بخصوصه ورأيك ورأي الغزالي احترمه جدا
والغزالي شيخ فاضل
وليه متبعين

يا اخي انت مش بتحرم النقاب
لكنك مش مع انه فرض
وليك ادلتك
ذي ما انا مع انه فرض وليا ادلتي
وطالما شىء اختلف حوله العلماء الاجلاء
مقدرش اقولك انت وحش لو خدت بالرأى اللى يقنعك

الاحترام هيظل متبادل
اشكرك علي اهتمامك جدا
ورغم صعوبة اني اعلق و كده
بس والله
انا كل ما بتجيلي فرصه ادخل
بدخل عندك انت واهتم اقرا كل حاجة
وقريت اللى فات
بس مينفعش اعلق الان

اخر حاجة احب اقولها

هي لمواطن مصري

يا مواطن يا مصري
يا راجل يا طيب
ده انا قلت انك لما تشوف البوست ده
هتفكر وتقول البنت مها زين راحت فين
ماتت دي ولا ايه
ومش بعيد تأجر عربية كارو وتبحث عني بميكروفون مخروم

تروح تقوله اكتب وسيبك ونفض
ماشي ماشي
هرجع تاني وهشن حملة غوغاء فيها و اطلب تعويض منك اصلا بقيمة خماشر الف جنية وطقم خوشاف


اشكرك تاني
وانا بخير
بس في ظرف كتير
والدنيا ملعبكة عندي اوي
ادعيلي بس يا استاذ بدراي

maha zein يقول...

شوف بردو مواطن مصري مصمصم يا جدع يزوء
انا علي فكرة زملكاوية بردو

يعني طلعنا قرايب

روح بقه يا مواطن يا مصري اكتب بوست عندك وسميه نجمة النجوم مها زين اختفت من التدوين وشكل سفاح المعادي قام بالواجب معاها

ادعيلي يا مواطن يا مصري بالله عليك
وادعي بالمرة للزمالك بردو مش هيضر


بشكرك يا بدراوي

مع اني معرفش مين ميمي

بس الناس بيني فهمت التدوينة غلط
وفهمت انك متغاظ مني ولا ايه

يا عم خلي بالك وأمنلي المونطقة انا مش حمل حد يضايق فيا خالص دلوقت

مواطن مصري يقول...

15 الف و طقم خوايش

يبقى نطمن على صحتك احسن انا بتكلم بس عن الاختلاف في الاراء و عموما انا اسف يا اخت مها و اتفضلي احلى عصير قصب معايا
:)

مواطن مصري يقول...

مدام زملكوية يبقى اعتذرلك و الزملكوية واحد و يا رب يا رب نطمن عليكي ب الخير

Unknown يقول...

أ/ مها زين
لو ممكن بس تقوليلى
انزل التدوينات امتى
انا شكلى كدة مش حنزلهم
غير فى وجود حضرتك
عشان عارفك مش حمل جدل فكرى
اليومين دوول
عشان ظروفك
اللى يارب تتحسن و تبقى بخير
و نطمن عليكى

و خلاص انا مش ححطهم خالص
و احتمال اكتب تدوينة بكره
و اخذ اجازة انا كمان
انا اللى مخلينى لسة بدون بقالى فترة
كثير
انى منتظر حضرتك تقولى انشر امتى
بس واضح ان مفيش فرصة دلوقتى

maha zein يقول...

لا انشر يا بدراوي

قولي هتنشر امتي وانا ادخل اقراها
بجد مهتمة جدا اقراها
مش مهتمة اعرف راى الغزالي اد ما مهتمة اعرف تحليلك للموضوع ورأيك الخاص فيه

قولي كده هتنشر امتي

انا هتصرف

انا عمما دلوقتي موجود
ل تحب تنشر او ينفع النهارد تمام

لو مش هينفع يبقه قولي وانا هقولك ردو الاخار

انت اصلا بتحرجني لما تقولي انك مش عاوز تنشر غير في وجودي
اصلا بحس ده اصلا يعني اهتمام بمتابعتي وطبعا بشعر ان ده شىء كبير
عشان كده انا مش هعمل فيها ست مهم
واعد ابص في دفتر المواعيد
انا في انتظارها
يلا يا عم الحج بقه
ده انت بطىء ليه كده

Unknown يقول...

دلوقتى حالاً
بس حتبقى على ثلاثة اجزاء
ان شاء الله
جزئين الرأى الدينى
و بعدين رأيى انا اخر حاجة

maha zein يقول...

تمام
انا جاهزة
انطلق يا فتي

ستيتة يقول...

الأخ العزيز بدراوي

انا اصلا متبعاك منذ فترة وكمان عند نوارة نجم
اصل الشبابيك المدونية كلها سالكة على بعض

كنت قرأت عندك كلام حبيبي الشيخ الغزالي ولسه ها أعلق لقيتك شيلت التدونية

ولما نزلت تدوينة تانية وقلت انك شيلت دي زعلت ليه بقى؟
لأن رأي كل واحد مهم حتى لو بيخالف غيره
اهم شيء لا ينكر معلوم بالضرورة
وثانيا يكون العرض هادف ومحترم

ولما زعلت بقى معلقتش على الموضوع اللي بعده

--------------------

المهم احب اعرفك ان من اكتر من عشرين سنه قراءتي للشيخ الغزالي هي اللي خلتني أحب الدين وأثبت في عقيدتي اللي يادوب كنت عليها لأن ابويا وامي مسلمين

اللي يقرأ للغزالي يجد رجل يحب العلم والاجتهاد مع اساس علمي ثابت وصحيح

ويكفي أنه - رحمه الله - عند وفاته لم يختلف شرقي او غربي او ازهري او سلفي على فضل الشيخ الغزالي كمجدد في علوم الأسلام

------------------------

واهم قصة هي اللي الأخت مها زين قالتها
اننا طالما بنتكلم على شيء وجد كل فريق دليل على صحته
وطالما بنناقش باحترام وحب للحق

يبقى مؤكد الموضوع قمة في الفايدة

من حق المنتقبة تنتقب - ربنا يتقبل منها

ومن حق اي مسلمة كشف الوجه والكفين وربنا يقبل منها

ومن حق اللي عاوزة تمشي ملط انها تمشي طالما هي مش خايفة على آخرتها

ومش من حق اي فرقة من دول تعمل زعيم على الفرقة التانية او تحاول تسفيه عقولهم - رغم ان فيهم فرق تافهه

تحياتي واسفة على التطويل

(حلـم) يقول...

انتي وين من زمان كلامك مافي بعدو ومنطقك فية العقل وباختصار هذا هو الجمال..حلم..

يوسفيات..محمد يوسف يقول...

لا بقولك أيه

أنا كده مياكلش معايا

أدخل بقرا ف الجزء الأول وبنقل ع الجزء التاني ألاقيك نزلت ملحوظة بالحجب!

ياأخي دي حتى تبقى أنانية

اشمعنى مرارتك أنتا بس اللي تتفقع?

وأنا مرارتي بنت حرام يعني


وبعدين أنا كده كده عاوز اقرا موضوعك كاملا بردوده عشان أخيرا لقيت سبب للإنتحار

السبب أساسا كان بسبب مشكلة استنباط الإعجاز العلمي من القرآن الكريم


لحد امبارح بليل بخوض مناقشات عقيمة على موقع نول التابع لجوجل والمصري اليوم وحتى مع اتنين صحابي

وتقول تور يقولوا احلبوه وولدوه كمان

فاضلي بس اشوف ردود مواضيعك عشان أولع ف نفسي بجاز وسخ


ارجع يامجنون وانشر البوستات تاني


مرارتي معاك