مجلة ميكانو - عندما تُعشق الشيكولاته

مجلة ميكانو أحدث مولود فى عالم الصحافة الإلكترونية ، ما يميزه تلك الكوكبة الجميلة من الشخصيات التى أعتز بها ، مش متعود انى اكتب كلام احتفالى متذوق ، بس اللى اقدر اقوله ان الشيكولاته لها مذاق رائع فى الأكل خصوصاً شيكولاته جالاكسى ،

طبعاً من الواضح ان انا بعيش فترة نقاهة بعد ماتش الإعتزال اللى اللعيبة طلعت فيه عليا و كسرت الملعب باللى فيه و تقريباً فيه أخوات فاضلات من مشجعى الفريق المنافس دلقوا حلتين محشى على المأسوف على شبابه المدعو بدراوى

بس الأجمل ان فيه أخوات فاضلات أخريات قالولى اعتزل و احنا حنوقع عليك شرط جزائى يخرم صرصور ودنك ، بس تقريباً فيه اخوة أخرين قالولى و لا يهمك بكره نجيبلك ست ستها متزعلش نفسك ،

بس الأهم من كل ده انى اكتشفت ان اد ايه انا شخص مهم عندى انا ، ده انا حتى حساس جداً زى ما قولت قبل كدة و بخاف ازعلنى ، و لما عملت ماتش الإعتزال اللى فشل عشان تقريباً مرتضى منصور طلعلى ملفات قديمة ليا ايام ما كنت فى كى جى تو فصل 1 / 3 و تقريباً خدت القلم من بنت اخت خالة مرات عمة مرتضى ، مسكهالى و قاللى ماشى يا بدراوى فاكر لما كنت كذا

لكن بعد فشل ماتش الإعتزال و خروج يفط بتقول بدراوى لن يعتزل ديه قفشه من قفشاته

اكتشفت فعلاً ان التدوين شىء مهم ، فانا ادون اذن انا موجود و مكتوب فى كشف الحاضرين كمان ،
و لما بغيب بيجيلى انذار ولى امر من عمو جوجل بإنى تعديت النسبة المسموحة من الغياب و ان لازم اخش إمتحانات كادر المدونين عشان ازود مرتبى ،

و دخلت الإمتحان لقيت السؤال الأول فى الفيزياء ، و السؤال الثانى شرحه و هكذا ، قولت للمراقب يا عمو انا مدونتى اجتماعية سياسية ماليش فى الإمتحانات ديه ، فقاللى حل و انت ساكت ، فقولتله ممكن اطلع قبل نص الوقت اروح اجيب قلم و مسطرة و اتغذى كمان و اناملى ساعتين فى بيتنا ، قاللى روح بس متتأخرش ، قولتله طب يا عمو اوعى الشاى يدلق على الورقة ، المهم روحت لمدونة د/ ستيتة غشيت تدوينتين ثلاثة أحياء ، رجعت بعدها كان الإمتحان اتلغى عشان عمو اوباما بيمتحن امتحان كادر المغفلين .

و بعد فقد صدر اول عدد من مجلة ميكانو الشهرية الشبابية الساخرة ، و اتمنى يكون فتحة خير لكل العاملين و نتمنى لكم عيداً سعيداً و صوماً مقبولاً و افطاراً شهياً
هذا و اليكم تفاصيل الأخبار :

ألطف الكائنات

الأخت العزيزة : بسمة عبد الباسط

و صديقتها الأخت بدرية طه

جوا الجوون

الأخت العزيزة : مونى الشريف

و نجم الكرة و الملاعب مايكل محسن

حارة لسعان

الأخ و الصديق : أحمد الصباغ

----

و نتنقل الأن الى ترشيحات المواضيع

و نبدأ بمقالات الأخوات

الأرز المعمر- بسمة عبد الباسط

من علي عربية فول إلي مطعم كذا دور يا قلبي لاتحزن - أسماء رمضان
ماسكات جميلة لقمر 14 - بدرية طه

عن العشق و جوزيه - مونى الشريف
كيف تواجه ضغوط العمل - ياسمين السبع

أوباما على عربية فول - أحمد الصباغ

نيو حرامى - مصطفى محمد

السوق علينا حق - دكتور شيرين الكردى

موسم الأزمات - مايكل محسن

يموت حبيبى و لا استهواش - حسام غانم

د.السباعى عبد الرءوف السباعى - رسوم على كف القدر

دين شوكى - أحمد بدراوى - اللى هو انا تصدقوا

و الله بشر - أنا برده

---

البنارات اللى فى البوست تصميمى المتواضع

عشان حقوق النشل

!!