الاثنين، يونيو 08، 2009

أنا أنثى


بحثت كثيراًُ عن مجموعة أنا أنثى الصادرة عن ضمن مجموعة مدونات مصرية للجيب

و لم أجدها و كنت انوى ان اكتب عنها بعد قرائتها لكن السخرية قادتنى ان يكون عنوان هذا البوست هو نفس عنوان المجموعة

لكن المقصود بأنا أنثى هو انا

!!!!

محدش يضحك اصل فيه اخ جه علق عندى فى تدوينة ممتاز القط

تعليق عن تدوينات النقاب و بيخاطبى بالمؤنث رغم ان انا اسمى بدراوى يعنى مش ممكن يكون الا ذكر

يعنى لو كان اسمى سناء و لا عفت و لا عصمت و لا عفاف حتى كنت قولت معلش غلطة

لأ اسمى بدراوى يا بشر و كمان كاتب فى البروفيل انى مذكر يعنى

male

هههههههههه انا ضحكت ضحك

انا طبعاً مش بسخر منه بس اصل بدراوى ده مينفعش الا انه يبقى ذكر هههههههههههههههه

شوفوا التعليق و اضحكوا ، اههه ده الشىء الوحيد اللى طلعت بيه من مناقشات النقاب حامية الفطيس

هههههههههههههههههههههههههه اخرتى تبقى كدة

!!

السلام عليكم يارب تكوني بخير معلش انا ليا تعقيب بسيط علي موضوع النقاب لو حضرتك معجبكيش التعليق احذفيه وقوليلي ماتجيش عندي تاني وانا مش هكررها . إتفقنا ؟؟

اولا: انا شايف إن الحجاب الاسلامي الشرعي هو الي مش بيشف الي تحته ..تكون الوانه مش ملفته يكون فضفاض بدرجه معقوله وبرضه مش زايده عن الحداما بالنسبه لحجاب الشعر فبيكون طوله مناسب ليغطي منطقه الصدر ولو غطا بعد الظهر يبقي جميل جدا اما بقي موضوع النقاب : انا مش عارف ليه إحنا عاملين ضجه عليه ..

وفي إنه فرض ولا سنه ولا مستحب ولا مكروه ولا فيه تفضيل انا شايف حاجه إن المفروض الالتزام بالحجاب الشرعي الاسلامي أولا بعد كده نهتم بالنقاب ثانيا وكمان الي شايفه إن النقاب فيه عفه أكتر وإن وشها ملفت خلاص تلبس نقابا

ما الي حجابها شرعي وحاسه إن الحجاب هيعوق حركتها من ناحيه دخول بعض الاماكن او ما شبه خلاص ماتلبسوش لكن يا جماعه انا شايف برضه إننا نخلينا في الامور الجوهريه وبعد كده نروح للأمور الفرعيه يعني الشرع والسنه والفقه فيه كتير وبحور كتير نعرفها الاول ثم ندخل في النقاب وما شابه ذلكولا انا غلطان ؟؟

يعني زي الي ساب السنه كلها وطول دقنه وتقوله ليه يقولك سنه طيب جميل قوي انت راجل زي الفل طيب يا سيد الناس طيب شوف السنن الاساسيه والمؤكده وبعد كده شوف السنن الفرعيه ولا انا برضه غلطان ؟؟

يا جماعه صدقوني الي إحنا بنعمله بندي فرصه لناس خبيثه وعقول مريضه مخربه يشككوا فينا ويعملوا نفسهم رعاه السلام وإن إحنا الي بنشكك في بعض وفي عقيدتنا ومش عارفين الحلال والحرام

وبنفتي وهما في الاول في الاخر جهله .. مجرد جهله لكن فئات حقيره بخصوص البوست كده ولا كده انا عايز الفت نظرك لحاجهفي أي منصب .. زي ما اللباقه مهمه ..

بقي فيه الاهم منها وهي إثبات أكبر درجه وقدر من النفاق وهي ديه مؤهلات المناصب فمتستبعديش أي شيء ربنا يوفقنا جميعا لما يحبه ويرضاه

وارجو متكونيش زعلتي لتعليقي علي موضوع النقاب بعد قفل التعليقات في الموضوع ده

ويارب وجهنا دايما للصح دمتي بكل ود

وأتمني تشريفك

في رعايه الله

هناك 11 تعليقًا:

Unknown يقول...

اول تعلييييييييييييييق

Unknown يقول...

بقولك ايه ! انا كنت عامل النك الاول طعمية سخنة بعد كده لقيت ناس برضه بتخاطب بالمؤنث
رحت حاطط المعلم محمد صاحب المطعم !

Unknown يقول...

بص حط انا بدراوي مش بنت !
لأن هي بتبدأ حضرتك و بعدين
تقلب تظبيط !

Kalimalhus يقول...

ههههههههههههههه

يا بدراوى ما يبقاش قلبك بنى كاروهات كده..

يعنى الراجل يمكن لأى سبب ما خدش باله و ما شافش إسمك و بعدين لاحظ إن إسم المدونة يعطى إنطباع إن صاحبها ست بيت..

أنا ساعات كتير بادخل مدونة لأول مرة و أفضل أدور على حاجة تقوللى صاحبها واحد و ألا واحدة ما لاقيش و لما أدخل على البروفيل بلاقى ناس مش قايلين هما ذكر و ألا أنثى..

مجرد خطأ برئ تقوم تسيح للراجل كده..

رحلتنا في الحياة يقول...

عااااااااادى بتحصل بس الفكرة اقولك السبب فى كده اللى بيعلق مش بيشوف اسم الى كاتب المدونة
يعنى انا لما بدخل اشوف بوست بقرا بروفيل المدون الاول وقبل ما ادخل اعلق فى اى بوست
يمكن هو بالصدفة دخل البوست وماخدتش باله من الاسم واضاف التعليق :)

سبهللة يقول...

بدراوى
اهم حاجة انك ما تكونيش زعلتى
اوى تكونى زعلتى منه

القدر و انا يقول...

بدراوى
اول زيارة
ماتزعلش وفوت انا فيه انسان محترم يعلق مصرا انى رجل
عادى ان يحصل لبس
انت رجل وسيد الرجال كمان
تقبل مرورى

MaNoOoSh يقول...

هو فعلا اللي علق ممكن قوي ميكونش أخد باله

بس العنوان شدني.. انا قريته الصراحة قلت هيبقى فيه ضرب نار بين الستات والرجالة (بحب الخناق بينهم قوي اصلي)
ههههههههههههههه

الشعب لابد له من حكومه تشكمه يقول...

ممممممممممم طاايب.
بدراوى اعتقد انت فهمت انا عاوزه اقولك ايه ولا لسه؟؟؟؟؟؟؟؟
لو انت عرفتنى شويه صغيرين هتفهم اممممم طايب دى اقصد بيها ايه.:)

z!zOoOo يقول...

السلام عليكم

يارب تكوني بخير ومازعلتيش ههههههه

بس شكلك زعلتي :)

اولا عذرا يا سيدي علي اللبس ده
انا فعلا مأخدتش بالي وهقولك الغلط جه ازاي

انا دخلت مدونتك عن طريق مدونه تانيه فأول ما دخلت من عنده في الريدر بتاعه مدخلنيش علي بروفيل وملقتش حد في تعليقاته مبين نوعك :)

فخمنت ان الي كاتب عن النقاب وبالعصبيه ديه أكيد هتكون واحده سافره ( حلوه سافره ديه ) هههههه

ومش محجبه وبتحارب الفكره او بتثبت عدم فرضيتها

زي ما شوفت قبل كده الي مش محجبه وبتدافع قوي عن وجه نظرها انها مش مقتنعه بيه او شيء من هذا القبيل

بس وكان التعليق

فهمت بقي إني فعلا مأخدتش بالي

علي فكره ديه تاني مره تحصل معايا وارد علي راجل علي إنه ست :)


ثم يا سيدي سيدنا عمر ( رضي الله عنه ) قال : " إلتمس لأخيك المسلم سبعين عذرا "

وانت ملتمستليش عذر واحد

متشكر جدا :)

علي العموم يا سيدي يارب تكون صدفه جميله يا عم بدراوي إني أفضل علي بالك

وتكون بدايه معرفه طيبه وتفضل تنوري كده دايما

حتي ولو بسخريه مني او عليا :)

دمتي بكل ود ( ياعم الانثي )

وهستنا زيارتك الي جايه

تحياتي الضاحكه

:)

مهندس مصري بيحب مصر يقول...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه