الاثنين، مارس 03، 2008

الحزن ساكن فى البيوت


لفيت على الأماكن
و شوفت كل البيوت
لقيت الحزن ساكن
لقيت صمت و سكوت
لقيت جو موت
....
مين اللى مات
قاللى فلان احنا اللى متنا
و احنا عايشين
من زمـــان
.....
إحنا اللى على قيد الوفاة
يا ما صرخنا و قلنا أه
....
أحنا اللى محدش حس بينا
فى كل شارع

جوا مصر حتلاقينا
....
كلام كتير
ممنوع علينا
زى الصحة و الفرحة و الحياة
زى الأكل النظيف
و لو مش مصدق
بص على شكل الرغيف
.....
حاولت أضحكه
قلتله البلد بتتحرك
مسمعتش
معرفتش
قاللى باين عليك
مش فى الدنيا
يا بيه
البلد بالغنى بتتحرك
و بالفقير بتتدحدر!!!
.....
و سابنى و مشى و إختفى
من امام الكادر
لكن صورته لسه فى خيالى
و صوته لسه فى ودانى

ليست هناك تعليقات: